Banzembo 103
1 Nzembo ya Davidi. Eh molimo na ngai, pambola Yawe! Tika ete motema na ngai mobimba epambola Kombo na Ye ya bule!
| לדוד ברכי נפשי את-יהוה וכל-קרבי את-שם קדשו |
2 Eh molimo na ngai, pambola Yawe mpe kobosana ata moko te kati na misala malamu na Ye!
| ברכי נפשי את-יהוה ואל-תשכחי כל-גמוליו |
3 Ye nde alimbisaka masumu na Yo nyonso, abikisaka yo na bokono nyonso,
| הסלח לכל-עונכי הרפא לכל-תחלואיכי |
4 akangolaka bomoi na yo wuta na libulu, alatisaka yo motole ya bolingo mpe ya mawa,
| הגואל משחת חייכי המעטרכי חסד ורחמים |
5 atondisaka bomoi na yo na esengo mpe akomisaka yo elenge lokola mpongo.
| המשביע בטוב עדיך תתחדש כנשר נעוריכי |
6 Yawe asalaka mpo na bosembo, akotelaka banyokolami nyonso.
| עשה צדקות יהוה ומשפטים לכל-עשוקים |
7 Amonisaki banzela na Ye epai ya Moyize, mpe bikamwa na Ye epai ya bato ya Isalaele.
| יודיע דרכיו למשה לבני ישראל עלילותיו |
8 Yawe ayokelaka bato mawa mpe asalelaka bango bolamu, asilikaka noki te mpe atonda na bolingo;
| רחום וחנון יהוה ארך אפים ורב-חסד |
9 azwaka biso makambo te tango nyonso, abombaka kanda na Ye te mpo na libela;
| לא-לנצח יריב ולא לעולם יטור |
10 apamelaka biso te kolanda masumu na biso, azongiselaka biso te kolanda mabe na biso.
| לא כחטאינו עשה לנו ולא כעונתינו גמל עלינו |
11 Ndenge likolo etombolama mosika ya mabele, ndenge wana mpe bolingo na Ye ezali monene mpo na bato oyo batosaka Ye;
| כי כגבה שמים על-הארץ-- גבר חסדו על-יראיו |
12 ndenge este ezali mosika ya weste, ndenge wana mpe abwakaka masumu na biso mosika na biso.
| כרחק מזרח ממערב-- הרחיק ממנו את-פשעינו |
13 Ndenge tata alingaka makasi bana na ye, ndenge wana mpe Yawe alingaka makasi bato oyo batosaka Ye;
| כרחם אב על-בנים-- רחם יהוה על-יראיו |
14 pamba te Yawe ayebi na eloko nini asala biso, ayebi malamu ete tozali putulu.
| כי-הוא ידע יצרנו זכור כי-עפר אנחנו |
15 Mikolo ya bomoi ya moto ezali lokola matiti, ebongaka lokola fololo ya bilanga;
| אנוש כחציר ימיו כציץ השדה כן יציץ |
16 nzokande soki kaka mopepe ebeti yango, ezalaka lisusu te, mpe esika epai wapi ezalaki ebosani yango.
| כי רוח עברה-בו ואיננו ולא-יכירנו עוד מקומו |
17 Kasi bolingo ya Yawe mpo na bato oyo batosaka Ye, mpe bosembo na Ye mpo na bakitani na bango,
| וחסד יהוה מעולם ועד-עולם-- על-יראיו וצדקתו לבני בנים |
18 mpo na bato oyo babatelaka boyokani na Ye mpe batosaka mibeko na Ye, ezali ya libela na libela.
| לשמרי בריתו ולזכרי פקדיו לעשותם |
19 Yawe atia Kiti na Ye ya Bokonzi kati na Likolo, azali Mokonzi ya mokili mobimba.
| יהוה--בשמים הכין כסאו ומלכותו בכל משלה |
20 Bopambola Yawe, bino ba-anjelu na Ye nyonso oyo bozali na nguya mpe botosaka mitindo na Ye.
| ברכו יהוה מלאכיו גברי כח עשי דברו לשמע בקול דברו |
21 Bopambola Yawe, bino mampinga na Ye nyonso oyo bokokisaka mokano na Ye.
| ברכו יהוה כל-צבאיו-- משרתיו עשי רצונו |
22 Bopambola Yawe, bino bikelamu na Ye nyonso, kati na bisika nyonso ya Bokonzi na Ye. Eh molimo na ngai, pambola Yawe!
| ברכו יהוה כל-מעשיו-- בכל-מקמות ממשלתו ברכי נפשי את-יהוה |
