Banzembo 102
1 Libondeli ya moto na pasi, oyo abungisi elikya mpe azali kolela liboso ya Yawe. Yawe, yoka libondeli na ngai! Tika ete koganga na ngai ekoma kino epai na Yo!
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Kobombela ngai elongi na Yo te, wana nazali na pasi. Yoka libondeli na ngai na mokolo oyo nazali kobelela Yo; yanola ngai noki!
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Pamba te mikolo ya bomoi na ngai ezali kolimwa lokola molinga, mikuwa na ngai ezali kozika lokola makala ya moto.
| כי כלו בעשן ימי ועצמותי כמו קד נחרו׃ |
4 Motema na ngai ebungisi elikya mpe ezali komitungisa lokola matiti oyo bakati; mpo na yango, nakomi ata kobosana kolia bilei na ngai.
| הוכה כעשב ויבש לבי כי שכחתי מאכל לחמי׃ |
5 Mpo ete naleli makasi, natikali kaka na poso ya nzoto likolo ya mikuwa.
| מקול אנחתי דבקה עצמי לבשרי׃ |
6 Nakomi lokola esulungutu ya esobe, lokola esulungutu ya bisika oyo ebeba.
| דמיתי לקאת מדבר הייתי ככוס חרבות׃ |
7 Pongi ekimi ngai; nakomi lokola ndeke oyo etikali yango moko na likolo ya ndako.
| שקדתי ואהיה כצפור בודד על גג׃ |
8 Banguna na ngai batombokeli ngai, bazali kofinga ngai tango nyonso mpe bazali kosalela kombo na ngai mpo na kolakela bato mabe.
| כל היום חרפוני אויבי מהוללי בי נשבעו׃ |
9 Nakomi kolia putulu na esika ya bilei, mpe komela mayi esangana na mpinzoli na ngai.
| כי אפר כלחם אכלתי ושקוי בבכי מסכתי׃ |
10 Mpo na kanda monene na Yo, otombokeli ngai mpe obwaki ngai mosika.
| מפני זעמך וקצפך כי נשאתני ותשליכני׃ |
11 Mikolo ya bomoi na ngai ezali kokima lokola elili, mpe nakawuki lokola matiti.
| ימי כצל נטוי ואני כעשב איבש׃ |
12 Kasi Yo Yawe, ozali Mokonzi mpo na libela, ozali Nzambe seko na seko.
| ואתה יהוה לעולם תשב וזכרך לדר ודר׃ |
13 Okotelema solo mpo na Siona, pamba te ekomi tango ya koyokela yango mawa; tango oyo ekatama ekoki.
| אתה תקום תרחם ציון כי עת לחננה כי בא מועד׃ |
14 Pamba te biso basali na Yo, tosepelaka na mabanga na yango, mpe toyokelaka putulu na yango mawa.
| כי רצו עבדיך את אבניה ואת עפרה יחננו׃ |
15 Bikolo ekotosa Yawe, mpe bakonzi nyonso ya mokili bakondima nkembo na Yo.
| וייראו גוים את שם יהוה וכל מלכי הארץ את כבודך׃ |
16 Pamba te Yawe akotonga lisusu Siona mpe akomonana kati na nkembo na Ye.
| כי בנה יהוה ציון נראה בכבודו׃ |
17 Akoyanola libondeli ya bato oyo babungisaki biloko, mpe akondima mabondeli na bango.
| פנה אל תפלת הערער ולא בזה את תפלתם׃ |
18 Tika ete bakoma yango mpo na ekeke oyo ekolanda, mpo ete bikelamu ya sika ekumisa Yawe.
| תכתב זאת לדור אחרון ועם נברא יהלל יה׃ |
19 Wuta na Esika na Ye ya bule, wuta na likolo, Yawe atalaki biso awa na mokili
| כי השקיף ממרום קדשו יהוה משמים אל ארץ הביט׃ |
20 mpo na koyoka kolela ya bakangami kati na boloko mpe kokangola bato oyo bazwaki etumbu ya kufa.
| לשמע אנקת אסיר לפתח בני תמותה׃ |
21 Kombo ya Yawe ekokende sango kati na Siona, mpe masanzoli na Ye, kati na Yelusalemi
| לספר בציון שם יהוה ותהלתו בירושלם׃ |
22 tango bato mpe bikolo bakosangana mpo na kogumbamela Yawe.
| בהקבץ עמים יחדו וממלכות לעבד את יהוה׃ |
23 Na bomoi na ngai, abukaki lolendo ya makasi na ngai, mpe akitisaki motango ya mikolo ya bomoi na ngai.
| ענה בדרך כחו קצר ימי׃ |
24 Nalobaki: « Nzambe na ngai, Yo oyo ozali na bomoi seko na seko, koboma ngai te na kati-kati ya mikolo ya bomoi na ngai!
| אמר אלי אל תעלני בחצי ימי בדור דורים שנותיך׃ |
25 Na kala, otiaki miboko ya mokili, mpe maboko na Yo esalaki Likolo.
| לפנים הארץ יסדת ומעשה ידיך שמים׃ |
26 Bango, bakokufa; kasi Yo, okotikala seko na seko. Nzoto na bango ekolemba lokola elamba; okobongola bango lokola kazaka, mpe bakolimwa.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Kasi Yo, ozali ndenge moko, mibu na Yo ekotikala kosuka te.
| ואתה הוא ושנותיך לא יתמו׃ |
28 Bana ya basali na Yo bakozwa esika ya kovanda, mpe bakitani na bango bakowumela liboso na Yo. »
| בני עבדיך ישכונו וזרעם לפניך יכון׃ |
