Masese 9
1 Bwanya atongi ndako na ye, atelemisi yango na makonzi sambo;
Wisdom hath builded her house, she hath hewn out her seven pillars:
2 abomi banyama na ye, akamoli masanga na ye ya vino mpe, na sima, atandi mesa.
She hath killed her beasts; she hath mingled her wine; she hath also furnished her table.
3 Atindi basali na ye ya basi mpo ete babelela wuta na basonge ya bangomba ya engumba:
She hath sent forth her maidens, she crieth upon the highest places of the city,
4 « Tika ete moto nyonso oyo azangi mayele aya awa! » Atindi maloba epai ya bato oyo bazangi bososoli:
Whoso is simple, let him turn in hither: as for him that is void of understanding, she saith to him,
5 « Boya kolia bilei na ngai mpe komela vino oyo nakamoli,
Come, eat ye of my bread, and drink of the wine which I have mingled.
6 botika nzela na bino ya bozoba mpe bokozala na bomoi, botambola na nzela ya mayele. »
Leave off, ye simple ones, and live; and walk in the way of understanding.
7 Moto nyonso oyo apamelaka motioli amilukelaka kosambwa, moto nyonso oyo apamelaka moto mabe amilukelaka ngambo.
He that correcteth a scorner getteth to himself shame: and he that reproveth a wicked man [getteth] himself a blot.
8 Kopamela motioli te, noki te akoyina yo; kasi pamela moto ya bwanya, mpe akolinga yo.
Reprove not a scorner, lest he hate thee: reprove a wise man, and he will love thee.
9 Teya moto ya bwanya, mpe akokoma lisusu na bwanya koleka; teya moto ya sembo, mpe akobakisa lisusu boyebi na ye.
Give [instruction] to a wise man, and he will be yet wiser: teach a righteous man, and he will increase in learning.
10 Kotosa Yawe ezali mosisa ya bwanya; koyeba Mosantu, yango nde kozala mayele.
The fear of the LORD is the beginning of wisdom: and the knowledge of the Holy One is understanding.
11 Pamba te, na nzela na ngai, mikolo ya bomoi na yo ekokoma ebele, mpe mibu ya bomoi na yo ekobakisama.
For by me thy days shall be multiplied, and the years of thy life shall be increased.
12 Soki ozali moto ya bwanya, bwanya na yo ezali mpo na litomba na yo moko; kasi soki ozali motioli, yo moko kaka nde okomona pasi.
If thou art wise, thou art wise for thyself: and if thou scornest, thou alone shalt bear it.
13 Mwasi ya zoba azali mwasi ya makelele, ayokaka te mpe azanga mayele,
The foolish woman is clamorous; [she is] simple, and knoweth nothing.
14 avandaka na ekuke ya ndako na ye, atiaka kiti na ye na bisika ya likolo ya engumba,
And she sitteth at the door of her house, on a seat in the high places of the city,
15 mpo na kobenga baleki nzela, bato oyo bazali kokende na nzela na bango.
To call to them that pass by, who go right on their ways,
16 Tika ete moto oyo azangi mayele aya awa! Atindi maloba epai ya bato oyo bazanga bososoli:
Whoso is simple, let him turn in hither: and as for him that is void of understanding, she saith to him,
17 « Mayi oyo bayibi ezalaka elengi, mpe lipa oyo baliaka na kobombama ezalaka kitoko. »
Stolen waters are sweet, and bread [eaten] in secret is pleasant.
