Masese 6
1 Mwana na ngai, soki ondimi niongo ya moninga na yo, soki obeti tolo mpo na kondima niongo ya mopaya,
Mon fils, si tu t’es rendu caution pour ton ami, si tu t’es engagé pour un étranger,
2 omikangi nde singa na maloba na yo, omikangi nde na motambo ya maloba ya monoko na yo.
si tu es lié par les paroles de ta bouche, si tu es pris par les paroles de ta bouche,
3 Boye, mwana na ngai, sala makambo oyo mpo ete omikangola, pamba te omikabaki na maboko ya moninga na yo; kende komikitisa liboso na ye mpe tingama na ye,
fais donc ceci, mon ami: dégage-toi! Puisque tu es tombé aux mains de ton prochain, va, prosterne-toi et presse-le vivement!
4 kotika te ete miso na yo elala pongi to enimba;
Ne donne ni sommeil à tes yeux, ni assoupissement à tes paupières;
5 mikangola na motambo lokola mboloko na maboko ya mobomi banyama ya zamba, mpe lokola ndeke na motambo ya mokangi bandeke.
dégage-toi, comme la gazelle de la main du chasseur, comme l’oiseau de la main de l’oiseleur.
6 Yo moto ya goyigoyi, kende epai ya furmi, tala malamu ezaleli na yango mpe okozwa bwanya!
Va vers la fourmi ô paresseux; considère ses voies et deviens sage.
7 Yango ezalaka na mokambi te, mokengeli te to mokonzi te;
Elle qui n’a ni chef, ni inspecteur de travaux, ni souverain,
8 ebongisaka bilei na yango na tango ya moyi makasi, ebombaka yango na tango ya kobuka mbuma.
elle amasse en été de quoi manger, elle recueille pendant la moisson sa nourriture.
9 Yo moto ya goyigoyi, okolala pongi kino tango nini? Kino tango nini okolamuka na pongi na yo?
Jusques à quand, ô paresseux, seras-tu couché, quand te lèveras-tu de ton sommeil?
10 Mwa pongi moke, mwa kopema moke, mwa kokanga maboko moke mpo na kolala
« Un peu de sommeil, un peu d’assoupissement, un peu croiser les mains sur son lit. »
11 mpe bobola ekoyela yo na pwasa lokola moleki nzela, mpe pasi ekoyela yo lokola moyibi.
Et ta pauvreté viendra comme un voyageur, et ta disette comme un homme en armes!
12 Moto oyo atambolaka na lokuta na monoko azali moto ya Beliali, moto mabe:
Un homme pervers, un homme inique, marche la perversité dans la bouche;
13 Abetaka-betaka miso, apesaka bilembo na makolo na ye mpe alobaka na nzela ya bilembo ya misapi;
il cligne les yeux, gratte du pied, fait des signes avec les doigts.
14 azalaka na makanisi mabe kati na motema na ye, asalaka tango nyonso mabongisi ya mabe mpe alukaka kaka tango nyonso makelele.
La perversité est dans son cœur, il médite le mal en tout temps, il suscite des querelles.
15 Yango wana, pasi ekoyela ye na pwasa, akobukana mbala moko, mpe kisi ya kobikisa ye ekozala te.
Aussi sa ruine viendra subitement; il sera brisé tout d’un coup et sans remède.
16 Yawe ayinaka makambo wana motoba; mpe makambo oyo sambo ezali mabe penza na miso na Ye:
Il y a six choses que hait Yahweh, il y en a sept qu’il a en horreur:
17 Kodongola, lolemo ya lokuta, maboko oyo ebomaka moto oyo asali mabe te,
les yeux altiers, la langue menteuse, les mains qui font couler le sang innocent,
18 motema oyo ekanisaka mabongisi ya mabe, makolo oyo epotaka mbangu na mabe,
le cœur qui médite des projets coupables, les pieds empressés à courir au mal,
19 motatoli mabe oyo alobaka lokuta mpe moto oyo alukaka makelele kati na bandeko.
le faux témoin qui profère des mensonges, et celui qui sème la discorde entre frères.
20 Mwana na ngai, batela mibeko ya tata na yo mpe kosundola te mateya ya mama na yo.
Mon fils, garde le précepte de ton père, et ne rejette pas l’enseignement de ta mère.
21 Kanga yango tango nyonso na motema na yo, lata yango na kingo na yo.
Lie-les constamment sur ton cœur, attache-les à ton cou.
22 Pamba te ekolakisa yo nzela tango okokende na mobembo, ekobatela yo tango okolala pongi mpe ekosolola na yo tango okolamuka.
Il te dirigera dans ta marche, il te gardera dans ton sommeil; à ton réveil, il conversera avec toi.
23 Mibeko ezali mwinda, mateya ezali pole, makebisi mpe pamela ezali nzela ya bomoi,
Car le précepte est une lampe, et la loi une lumière, et les avertissements qui instruisent sont le chemin de la vie.
24 mpo na kobatela yo mosika ya mwasi ya ndumba, mosika ya lokuta ya lolemo ya mwasi ya mopaya.
Ils te préserveront de la femme perverse, de la langue doucereuse de l’étrangère.
25 Kotika te ete motema na yo elula kitoko na ye, mpe miso na ye ekweyisa yo.
Ne convoite pas sa beauté dans ton cœur, et qu’elle ne te séduise pas par ses paupières.
26 Pamba te likolo ya mwasi ya ndumba, okoki kobungisa ezala eteni na yo ya lipa, mpe mwasi ya libala akoki kobebisa bomoi ya motuya.
Car pour la courtisane on se réduit à un morceau de pain, et la femme mariée prend au piège une vie précieuse.
27 Boni, moto akoki solo kozika moto, bongo bilamba na ye ezika te?
Se peut-il qu’un homme mette du feu dans son sein, sans que ses vêtements s’enflamment?
28 Moto akoki solo kotambola na likolo ya makala ya moto, bongo makolo na ye ezika te?
Ou bien un homme marchera-t-il sur des charbons ardents sans que ses pieds soient brûlés?
29 Boye, moto nyonso oyo akosangisa nzoto na mwasi ya ndeko na ye akozanga te kozwa etumbu.
Ainsi en est-il de celui qui va vers la femme de son prochain: quiconque la touche ne saurait rester impuni.
30 Kotiola moyibi te soki ayibi mpo ete azali na nzala mpe azangi eloko ya kolia.
On ne méprise pas un voleur qui dérobe pour satisfaire sa faim, quand il n’a rien à manger:
31 Kasi soki bakangi ye, akozongisa mbala sambo, akopesa biloko nyonso ya ndako na ye.
surpris, il rend sept fois autant, il donne tout ce qu’il a dans sa maison.
32 Mobali oyo asalaka ekobo na mwasi ya moninga azali lokola moto oyo azangi mayele; kosala ekobo ya boye ezali nde komiboma;
Mais celui qui corrompt une femme est dépourvu de sens; il se perd lui-même, celui qui agit de la sorte;
33 akobuka lokola mbuma: minyoko mpe kosambwa; bongo soni na ye ekosila te.
il ne recueille que plaie et ignominie, et son opprobre ne s’effacera pas.
34 Pamba te zuwa epelisaka kanda makasi kati na mobali, mpe akozala na mawa te na mokolo oyo akozongisa mabe na mabe;
Car la jalousie excite la fureur de l’homme outragé; il est sans pitié au jour de la vengeance;
35 akotikala kondima ata lifuti moko te mpo ete akoka kolimbisa, mpe akoboya yango ata soki babakisi bakado.
il n’a égard à aucune rançon; il n’en veut pas, quand même tu multiplierais les présents.
