Masese 4
1 Bana na ngai, boyokaka mateya ya tata, bozalaka na bokebi mpo ete bozwa mayele.
| שמעו בנים מוסר אב והקשיבו לדעת בינה |
2 Pamba te nazali kopesa bino mateya ya malamu; bobwaka mateya na ngai te.
| כי לקח טוב נתתי לכם תורתי אל-תעזבו |
3 Ngai mpe nazalaki mwana malamu na miso ya tata na ngai, boye mama na ngai alingaki ngai makasi lokola mwana oyo abotama kaka ye moko.
| כי-בן הייתי לאבי רך ויחיד לפני אמי |
4 Tata na ngai azalaki koteya mpe koloba na ngai boye: « Tika ete motema na yo ebatela maloba na ngai, bomba mibeko na ngai mpe okozala na bomoi,
| וירני--ויאמר לי יתמך-דברי לבך שמר מצותי וחיה |
5 zwa bwanya, zwa mayele, kobosana yango te, kopesa mokongo te na maloba ya monoko na ngai,
| קנה חכמה קנה בינה אל-תשכח ואל-תט מאמרי-פי |
6 kosundola bwanya te, mpe yango ekobatela yo, linga yango mpe ekobomba yo.
| אל-תעזבה ותשמרך אהבה ותצרך |
7 Tala ebandeli ya bwanya: Zwa bwanya, pesa biloko nyonso oyo ozali na yango mpo ete ozwa mayele.
| ראשית חכמה קנה חכמה ובכל-קנינך קנה בינה |
8 Simba yango makasi, mpe ekotombola yo; yamba yango, mpe ekopesa yo lokumu.
| סלסלה ותרוממך תכבדך כי תחבקנה |
9 Ekolatisa yo ekoti ya lokumu na moto, ekopesa yo motole ya nkembo. »
| תתן לראשך לוית-חן עטרת תפארת תמגנך |
10 Mwana na ngai, yoka mpe yamba maloba na ngai, mpe mibu ya bomoi na yo ekobakisama.
| שמע בני וקח אמרי וירבו לך שנות חיים |
11 Nazali kolakisa yo nzela ya bwanya, nazali kotambolisa yo na nzela ya alima.
| בדרך חכמה הריתיך הדרכתיך במעגלי-ישר |
12 Mpo ete makolo na yo ezala na mikakatano te tango okotambola; mpe soki okimi mbangu, okokweya te.
| בלכתך לא-יצר צעדך ואם-תרוץ לא תכשל |
13 Tingama makasi na mateya oyo bapesi yo, kobwaka yango te, batela yango malamu mpo ete ezali bomoi na yo.
| החזק במוסר אל-תרף נצרה כי-היא חייך |
14 Kokotaka te na nzela ya bato ya mobulu mpe kotambolaka te na nzela ya bato mabe.
| בארח רשעים אל-תבא ואל-תאשר בדרך רעים |
15 Longwa kati na bango, kolekela wana te, kosala mpe maseki kuna te, kasi kende na yo na nzela mosusu.
| פרעהו אל-תעבר-בו שטה מעליו ועבר |
16 Pamba te balalaka pongi te soki basali nanu moto mabe te, mpe pongi ekimaka bango soki babomi moto te;
| כי לא ישנו אם-לא ירעו ונגזלה שנתם אם-לא יכשולו (יכשילו) |
17 baliaka lipa na nzela ya mabe mpe bamelaka vino na nzela ya mobulu.
| כי לחמו לחם רשע ויין חמסים ישתו |
18 Nzokande, nzela ya bato ya sembo ezali lokola pole ya tongo makasi, oyo kongenga na yango eyaka malembe-malembe kino tango moyi ekobima makasi.
| וארח צדיקים כאור נגה הולך ואור עד-נכון היום |
19 Nzela ya bato ya mobulu ezali lokola molili, bayebaka te eloko nini ekokweyisa bango.
| דרך רשעים כאפלה לא ידעו במה יכשלו |
20 Mwana na ngai, zala na bokebi na maloba na ngai, pesa litoyi na yo na mateya na ngai.
| בני לדברי הקשיבה לאמרי הט-אזנך |
21 Tika ete ezala te mosika ya miso na yo! Batela yango malamu kati na motema na yo,
| אל-יליזו מעיניך שמרם בתוך לבבך |
22 pamba te ezali bomoi mpo na bato oyo bazwaka yango, mpe epesaka nzoto kolongono.
| כי-חיים הם למצאיהם ולכל-בשרו מרפא |
23 Batela malamu motema na yo koleka biloko nyonso, pamba te makambo nyonso oyo tosalaka, wana tozali na bomoi, ewutaka na motema.
| מכל-משמר נצר לבך כי-ממנו תוצאות חיים |
24 Longola lokuta na monoko na yo, mpe longola mabe na bibebu na yo.
| הסר ממך עקשות פה ולזות שפתים הרחק ממך |
25 Tika ete miso na yo etalaka kaka liboso, mpe salaka makambo na bosembo mpe bosolo.
| עיניך לנכח יביטו ועפעפיך יישרו נגדך |
26 Bongisa nzela oyo makolo na yo ekolekela, mpe tambola kaka na nzela oyo oyebi malamu.
| פלס מעגל רגלך וכל-דרכיך יכנו |
27 Kotengama te, ezala na ngambo ya loboko ya mobali to ya mwasi, longola makolo na yo na mabe.
| אל-תט-ימין ושמאול הסר רגלך מרע |
