Masese 4

1 Bana na ngai, boyokaka mateya ya tata, bozalaka na bokebi mpo ete bozwa mayele.

Ecoutez, enfants, la morale d’un père; soyez attentifs, pour faire connaissance avec la raison!

2 Pamba te nazali kopesa bino mateya ya malamu; bobwaka mateya na ngai te.

Car je vous donne d’utiles leçons: n’abandonnez pas mon enseignement.

3 Ngai mpe nazalaki mwana malamu na miso ya tata na ngai, boye mama na ngai alingaki ngai makasi lokola mwana oyo abotama kaka ye moko.

Lorsque j’étais, moi aussi, un enfant au regard de mon père, un fils tendrement et uniquement aimé par ma mère,

4 Tata na ngai azalaki koteya mpe koloba na ngai boye: « Tika ete motema na yo ebatela maloba na ngai, bomba mibeko na ngai mpe okozala na bomoi,

il m’instruisait en me disant: "Que ton cœur s’attache à mes paroles; garde mes préceptes et tu vivras!"

5 zwa bwanya, zwa mayele, kobosana yango te, kopesa mokongo te na maloba ya monoko na ngai,

Acquiers de la sagesse, acquiers de la raison; n’oublie pas, ne délaisse pas les paroles de ma bouche.

6 kosundola bwanya te, mpe yango ekobatela yo, linga yango mpe ekobomba yo.

Ne l’abandonne pas, la sagesse, et elle te gardera; aime-la et elle te protégera.

7 Tala ebandeli ya bwanya: Zwa bwanya, pesa biloko nyonso oyo ozali na yango mpo ete ozwa mayele.

Le principe de la sagesse, c’est d’acquérir la sagesse; au prix de tous tes biens, rends-toi possesseur de la raison.

8 Simba yango makasi, mpe ekotombola yo; yamba yango, mpe ekopesa yo lokumu.

Exalte-la, et elle t’élèvera; elle te vaudra de l’honneur, si tu t’attaches à elle.

9 Ekolatisa yo ekoti ya lokumu na moto, ekopesa yo motole ya nkembo. »

Elle posera sur ta tête un diadème de grâce, elle te ceindra d’une couronne de gloire.

10 Mwana na ngai, yoka mpe yamba maloba na ngai, mpe mibu ya bomoi na yo ekobakisama.

Ecoute, mon fils, accueille mes paroles, et nombreuses seront les années de ta vie.

11 Nazali kolakisa yo nzela ya bwanya, nazali kotambolisa yo na nzela ya alima.

Je t’enseigne le chemin de la sagesse, je te dirige dans les sentiers de la droiture.

12 Mpo ete makolo na yo ezala na mikakatano te tango okotambola; mpe soki okimi mbangu, okokweya te.

Aussi quand tu marcheras, ne te sentiras-tu pas à l’étroit, et si tu cours, ne buteras-tu point.

13 Tingama makasi na mateya oyo bapesi yo, kobwaka yango te, batela yango malamu mpo ete ezali bomoi na yo.

Tiens-toi fermement à la morale sans jamais faiblir, sois-lui fidèle, car elle est ta vie.

14 Kokotaka te na nzela ya bato ya mobulu mpe kotambolaka te na nzela ya bato mabe.

N’Entre pas dans la voie des impies; ne foule pas le chemin des méchants.

15 Longwa kati na bango, kolekela wana te, kosala mpe maseki kuna te, kasi kende na yo na nzela mosusu.

Evite-le, ne t’y aventure pas; détourne-toi et passe outre.

16 Pamba te balalaka pongi te soki basali nanu moto mabe te, mpe pongi ekimaka bango soki babomi moto te;

Car ceux-là ne peuvent dormir qu’ils n’aient fait du mal; le sommeil les fuit, s’ils n’ont causé quelque chute.

17 baliaka lipa na nzela ya mabe mpe bamelaka vino na nzela ya mobulu.

II faut qu’ils mangent le pain de l’iniquité, qu’ils boivent le vin de l’injustice.

18 Nzokande, nzela ya bato ya sembo ezali lokola pole ya tongo makasi, oyo kongenga na yango eyaka malembe-malembe kino tango moyi ekobima makasi.

Tandis que la voie des justes est comme la lumière du matin, dont l’éclat va croissant jusqu’en plein jour,

19 Nzela ya bato ya mobulu ezali lokola molili, bayebaka te eloko nini ekokweyisa bango.

le chemin des pervers est sombre comme les ténèbres; ils ne savent pas ce qui les fait trébucher.

20 Mwana na ngai, zala na bokebi na maloba na ngai, pesa litoyi na yo na mateya na ngai.

Mon fils, sois, attentif à mes paroles, incline l’oreille à mes discours.

21 Tika ete ezala te mosika ya miso na yo! Batela yango malamu kati na motema na yo,

Qu’ils ne s’écartent pas de tes yeux, conserve-les au fond de ton cœur.

22 pamba te ezali bomoi mpo na bato oyo bazwaka yango, mpe epesaka nzoto kolongono.

Car ils sont un gage de vie pour qui les accueille, un gage de santé pour tout le corps.

23 Batela malamu motema na yo koleka biloko nyonso, pamba te makambo nyonso oyo tosalaka, wana tozali na bomoi, ewutaka na motema.

Plus que tout trésor garde ton cœur, car de là jaillissent des flots de vie.

24 Longola lokuta na monoko na yo, mpe longola mabe na bibebu na yo.

Ecarte de ta bouche toute parole tortueuse, éloigne de tes lèvres tout langage pervers.

25 Tika ete miso na yo etalaka kaka liboso, mpe salaka makambo na bosembo mpe bosolo.

Que tes yeux regardent bien en face, que tes paupières s’ouvrent droit devant toi.

26 Bongisa nzela oyo makolo na yo ekolekela, mpe tambola kaka na nzela oyo oyebi malamu.

Aplanis avec soin le sentier que foule ton pied, pour pouvoir cheminer en sûreté.

27 Kotengama te, ezala na ngambo ya loboko ya mobali to ya mwasi, longola makolo na yo na mabe.

Ne dévie ni à droite ni à gauche; éloigne tes pas du mal.