Masese 31
1 Maloba ya mokonzi Lemweli, mateya oyo mama na ye ateyaki ye:
| דברי למואל מלך-- משא אשר-יסרתו אמו |
2 Eh mwana na ngai ya mobali, mwana oyo abimi na libumu na ngai, mwana mobali oyo nalapelaka ndayi:
| מה-ברי ומה-בר-בטני ומה בר-נדרי |
3 Kosilisa makasi na yo na basi te, komitika te na basi oyo bapengwisaka bakonzi!
| אל-תתן לנשים חילך ודרכיך למחות מלכין |
4 Eh Lemweli, ebongi te mpo na bakonzi; te, ebongi te mpo na bato minene kotuna: « Wapi masanga ya makasi? »
| אל למלכים למואל--אל למלכים שתו-יין ולרוזנים או (אי) שכר |
5 Noki te soki bameli yango, bakobosana mibeko mpe bakokata na bosembo te makambo ya banyokolami.
| פן-ישתה וישכח מחקק וישנה דין כל-בני-עני |
6 Pesa masanga ya makasi epai ya bato oyo balingi kokufa, mpe vino epai ya bato oyo bazali kotungisama na motema.
| תנו-שכר לאובד ויין למרי נפש |
7 Tika bango bamela mpo ete babosana pasi na bango mpe batika kokanisa lisusu minyoko na bango.
| ישתה וישכח רישו ועמלו לא יזכר-עוד |
8 Fungola monoko na yo mpo na kolobela bato oyo bazali na makoki ya koloba te, mpe mpo na kolongisa bato oyo bazanga basungi.
| פתח-פיך לאלם אל-דין כל-בני חלוף |
9 Fungola monoko na yo mpe sambisa na bosembo, bundela babola mpe bato oyo bakelela.
| פתח-פיך שפט-צדק ודין עני ואביון |
10 Nani akoki komona mwasi ya lokumu? Azali na motuya koleka babiju ya talo.
| אשת-חיל מי ימצא ורחק מפנינים מכרה |
11 Mobali na ye atielaka ye motema mpe azangaka te biloko ya motuya.
| בטח בה לב בעלה ושלל לא יחסר |
12 Tango nyonso ya bomoi na ye, apesaka mobali na ye esengo, kasi mawa te;
| גמלתהו טוב ולא-רע-- כל ימי חייה |
13 alukaka bapwale ya meme mpe basinga ya lino, bongo maboko na ye etongaka yango na esengo.
| דרשה צמר ופשתים ותעש בחפץ כפיה |
14 Azali lokola masuwa ya bato ya mombongo, akendaka koluka bilei na ye mosika;
| היתה כאניות סוחר ממרחק תביא לחמה |
15 alamukaka wana butu ezali nanu, abongisaka bilei mpo na ndako na ye mpe akabolelaka basali na ye ya basi misala.
| ותקם בעוד לילה--ותתן טרף לביתה וחק לנערתיה |
16 Soki asepeli na elanga, asombaka yango; mpe na mbuma ya misala na ye, alonaka elanga ya vino.
| זממה שדה ותקחהו מפרי כפיה נטע (נטעה) כרם |
17 Akangaka loketo na ye makasi mpe akembisaka maboko na ye na mosala.
| חגרה בעוז מתניה ותאמץ זרועתיה |
18 Amonaka ete mombongo na ye etambolaka malamu; mpe kino na butu, mwinda na ye ekokufa te.
| טעמה כי-טוב סחרה לא-יכבה בליל (בלילה) נרה |
19 Maboko na ye esimbaka mitonga oyo batongelaka, mpe misapi na ye etongaka bilamba.
| ידיה שלחה בכישור וכפיה תמכו פלך |
20 Afungolaka loboko na ye mpo na kokabela babola, mpe asembolaka yango mpo na kosunga bato bakelela.
| כפה פרשה לעני וידיה שלחה לאביון |
21 Tango mvula ya pembe ekitaka, abangaka eloko moko te mpo na ndako na ye, pamba te bato nyonso kati na ndako na ye balataka bilamba ya malili.
| לא-תירא לביתה משלג כי כל-ביתה לבש שנים |
22 Asalaka babulangeti mpo na mbeto na ye mpe alataka bilamba na ye ya lino ya kitoko mpe ya motane.
| מרבדים עשתה-לה שש וארגמן לבושה |
23 Bapesaka mobali na ye lokumu, na ekuke ya engumba, tango avandaka elongo na bakambi ya mokili.
| נודע בשערים בעלה בשבתו עם-זקני-ארץ |
24 Asalaka bilamba ya lino mpe atekaka yango, asalaka mombongo ya mikaba.
| סדין עשתה ותמכר וחגור נתנה לכנעני |
25 Alataka lokola elamba: molende na mosala mpe lokumu; mikolo ya lobi ebangisaka ye te, asekaka nde yango.
| עז-והדר לבושה ותשחק ליום אחרון |
26 Alobaka na bwanya, mpe lolemo na ye epesaka malakisi na bolingo.
| פיה פתחה בחכמה ותורת חסד על-לשונה |
27 Azalaka na bokebi na makambo nyonso oyo elekaka na ndako na ye, mpe aliaka lipa na bogoyigoyi te.
| צופיה הילכות (הליכות) ביתה ולחם עצלות לא תאכל |
28 Bana na ye bakotelema mpo na kokumisa ye, mpe tala ndenge mobali na ye mpe akumisaka ye:
| קמו בניה ויאשרוה בעלה ויהללה |
29 « Basi ebele basalaka makambo ya lokumu; kasi yo, oleki bango nyonso! »
| רבות בנות עשו חיל ואת עלית על-כלנה |
30 Bonzenga ya elongi ekosaka, mpe kitoko ya nzoto ezalaka pamba; kasi mwasi oyo atosaka Yawe, ye nde abongi na lokumu.
| שקר החן והבל היפי אשה יראת-יהוה היא תתהלל |
31 Bopesa ye bambuma ya misala na ye! Tika ete bapesa ye lokumu, na bikuke ya engumba, mpo na misala nyonso oyo asalaka!
| תנו-לה מפרי ידיה ויהללוה בשערים מעשיה |
