Masese 29
1 Moto oyo atiaka moto makasi soki bapameli ye, akokweyisama na pwasa mpe akobika te.
| איש תוכחות מקשה ערף פתע ישבר ואין מרפא׃ |
2 Soki bato ya sembo bakomi ebele, bato basepelaka; kasi soki bato mabe bakomi koyangela, bato balelaka.
| ברבות צדיקים ישמח העם ובמשל רשע יאנח עם׃ |
3 Moto oyo alingaka bwanya asalaka esengo ya tata na ye, kasi moto oyo alandaka basi ya ndumba akosilisa bomengo na ye nyonso.
| איש אהב חכמה ישמח אביו ורעה זונות יאבד הון׃ |
4 Mokonzi oyo akambaka na bosembo ayeisaka kimia na mokili na ye, kasi mokonzi oyo afutisaka mpako ebele abebisaka mokili yango.
| מלך במשפט יעמיד ארץ ואיש תרומות יהרסנה׃ |
5 Moto oyo alobaka na moninga na ye maloba ya sukali atielaka ye motambo na se ya matambe.
| גבר מחליק על רעהו רשת פורש על פעמיו׃ |
6 Lisumu ya moto mabe ezalaka na motambo, kasi moto ya sembo agangaka na esengo mpe asepelaka.
| בפשע איש רע מוקש וצדיק ירון ושמח׃ |
7 Moto ya sembo ayebaka pasi ya babola, kasi moto mabe ayebaka na ye kutu yango te.
| ידע צדיק דין דלים רשע לא יבין דעת׃ |
8 Batioli batiaka mobulu kati na engumba, kasi bato ya bwanya basilisaka kanda.
| אנשי לצון יפיחו קריה וחכמים ישיבו אף׃ |
9 Soki moto ya bwanya akei kosamba elongo na moto ya liboma, ezala asiliki to aseki, akotikala kozala na kimia te.
| איש חכם נשפט את איש אויל ורגז ושחק ואין נחת׃ |
10 Bato oyo basopaka makila balingaka bato ya sembo te, kasi bato malamu balukaka bato ya sembo.
| אנשי דמים ישנאו תם וישרים יבקשו נפשו׃ |
11 Zoba alandaka baposa nyonso ya motema na ye, kasi moto ya bwanya akangaka yango mpe akitisaka yango.
| כל רוחו יוציא כסיל וחכם באחור ישבחנה׃ |
12 Soki mokonzi akomi koyoka makambo ya lokuta, basali na ye nyonso bakokoma bato mabe.
| משל מקשיב על דבר שקר כל משרתיו רשעים׃ |
13 Mobola mpe monyokoli bazali na likambo moko ya lisanga: Yawe angengisaka miso ya bango mibale.
| רש ואיש תככים נפגשו מאיר עיני שניהם יהוה׃ |
14 Mokonzi oyo asambisaka babola na bosembo, kiti na ye ya bokonzi ekolendisama tango nyonso.
| מלך שופט באמת דלים כסאו לעד יכון׃ |
15 Fimbu mpe pamela epesaka bwanya, kasi mwana oyo basundola ayokisaka mama na ye soni.
| שבט ותוכחת יתן חכמה ונער משלח מביש אמו׃ |
16 Soki bato mabe bakomi ebele, mabe mpe ekomaka ebele; kasi bato ya sembo bakomona bango kokweya.
| ברבות רשעים ירבה פשע וצדיקים במפלתם יראו׃ |
17 Pesa mwana na yo etumbu, bongo okozala na kimia mpe akotondisa motema na yo na esengo.
| יסר בנך ויניחך ויתן מעדנים לנפשך׃ |
18 Soki emoniseli ezali te, bato bakotambola ngulungulu. Esengo na moto oyo atosaka Mobeko!
| באין חזון יפרע עם ושמר תורה אשרהו׃ |
19 Bapamelaka mosali na maloba te; pamba te akososola, kasi akoyoka te.
| בדברים לא יוסר עבד כי יבין ואין מענה׃ |
20 Soki omoni moto kowela koloba liboso ete akanisa, malamu kotia elikya na zoba, kasi na ye te.
| חזית איש אץ בדבריו תקוה לכסיל ממנו׃ |
21 Moto oyo alengelaka mosali na ye wuta bolenge akosuka na kokomisa ye moto makasi.
| מפנק מנער עבדו ואחריתו יהיה מנון׃ |
22 Moto ya kanda amemaka koswana, mpe moto oyo atombokaka noki akomaka na mabe koleka.
| איש אף יגרה מדון ובעל חמה רב פשע׃ |
23 Lolendo ya moto ekitisaka ye, kasi moto ya komikitisa azwaka lokumu.
| גאות אדם תשפילנו ושפל רוח יתמך כבוד׃ |
24 Moto oyo akabolaka biloko elongo na moyibi amiyinaka; ayokaka bilakeli mabe, kasi amekaka te kofunda ye.
| חולק עם גנב שונא נפשו אלה ישמע ולא יגיד׃ |
25 Kobanga bato ezalaka motambo na se ya matambe, kasi Yawe abatelaka moto oyo atiaka elikya na Ye.
| חרדת אדם יתן מוקש ובוטח ביהוה ישגב׃ |
26 Bato ebele balukaka kokoma balingami ya mokonzi, nzokande ezali Yawe nde apesaka oyo ekoki na moto na moto.
| רבים מבקשים פני מושל ומיהוה משפט איש׃ |
27 Bato ya sembo bayinaka moto ya masumu, mpe moto mabe ayinaka etamboli ya bato ya sembo.
| תועבת צדיקים איש עול ותועבת רשע ישר דרך׃ |
