Masese 28
1 Moto mabe akimaka ata soki moto moko te abengani ye, kasi bato ya sembo bazalaka na mpiko lokola nkosi.
| נסו ואין-רדף רשע וצדיקים ככפיר יבטח |
2 Soki kotomboka ezali kati na mokili, bakonzi bakomaka ebele; kasi moto ya mayele mpe ya bososoli ayeisaka kimia.
| בפשע ארץ רבים שריה ובאדם מבין ידע כן יאריך |
3 Mokonzi oyo anyokolaka bato bakelela azali lokola mvula ya makasi oyo ebebisaka biloko mpe ememaka nzala.
| גבר-רש ועשק דלים-- מטר סחף ואין לחם |
4 Bato oyo babukaka mibeko bakumisaka bato mabe, kasi bato oyo babatelaka mibeko batelemelaka bato mabe.
| עזבי תורה יהללו רשע ושמרי תורה יתגרו בם |
5 Bato mabe basosolaka te makambo ya bosembo, kasi bato oyo balukaka Yawe basosolaka yango nyonso.
| אנשי-רע לא-יבינו משפט ומבקשי יהוה יבינו כל |
6 Mobola oyo atambolaka na bosembo azali malamu koleka mozwi oyo nzela na ye ezali mabe.
| טוב-רש הולך בתמו-- מעקש דרכים והוא עשיר |
7 Moto oyo abatelaka mibeko azali mwana mayele, kasi moto oyo atambolaka na bato ya loyenge ayokisaka tata na ye soni.
| נוצר תורה בן מבין ורעה זוללים יכלים אביו |
8 Moto oyo abakisaka bomengo na ye na nzela ya moyibi abombelaka yango moto oyo asalisaka babola.
| מרבה הונו בנשך ובתרבית (ותרבית)-- לחונן דלים יקבצנו |
9 Moto oyo akangi matoyi na ye mpo na koboya koyoka mobeko, libondeli na ye ekomaka nkele na miso ya Nzambe.
| מסיר אזנו משמע תורה-- גם תפלתו תועבה |
10 Moto oyo amemaka bato ya sembo na nzela ya mabe akokangama na motambo oyo asali ye moko, kasi bato oyo bazangi pamela bakozwa esengo lokola libula na bango.
| משגה ישרים בדרך רע--בשחותו הוא-יפול ותמימים ינחלו-טוב |
11 Mozwi amimonaka lokola moto ya bwanya, kasi mobola oyo azali mayele ayebaka ye malamu.
| חכם בעיניו איש עשיר ודל מבין יחקרנו |
12 Tango bato ya sembo balongaka, ezalaka esengo mingi; kasi tango bato mabe bazwaka bokonzi, bato bamibombaka.
| בעלץ צדיקים רבה תפארת ובקום רשעים יחפש אדם |
13 Moto oyo abombaka masumu na ye abongaka te, kasi ye oyo atubelaka mpe atikaka yango azwaka ngolu.
| מכסה פשעיו לא יצליח ומודה ועזב ירחם |
14 Esengo na moto oyo abangaka tango nyonso kosala mabe, kasi ye oyo ayeisaka motema na ye libanga akweyaka kati na pasi.
| אשרי אדם מפחד תמיד ומקשה לבו יפול ברעה |
15 Mokonzi mabe oyo azali kokamba bato bakelela azali lokola nkosi ya kanda to lokola ngombolo oyo ezali kolanda nyama ya kolia.
| ארי-נהם ודב שוקק-- מושל רשע על עם-דל |
16 Mokonzi oyo anyokolaka bato azangi mayele, kasi oyo aboyaka bomengo na nzela ya moyibi ayeisaka mikolo ya bomoi na ye ebele.
| נגיד--חסר תבונות ורב מעשקות שנאי (שנא) בצע יאריך ימים |
17 Moto oyo amitungisaka mpo ete abomi moninga akimaka kino na libulu ya kufa; tika ete moto moko te akanga ye nzela.
| אדם עשק בדם-נפש-- עד-בור ינוס אל-יתמכו-בו |
18 Moto oyo atambolaka na bosembo akozwa lobiko, kasi moto ya mobulu oyo alandaka banzela mibale akokweya na moko.
| הולך תמים יושע ונעקש דרכים יפול באחת |
19 Moto oyo asalaka bilanga atondaka na bilei, kasi moto oyo alandaka bagoyigoyi akotonda na bobola.
| עבד אדמתו ישבע-לחם ומרדף ריקים ישבע-ריש |
20 Moto ya sembo afulukaka na mapamboli, kasi moto oyo awelaka kokoma mozwi na lombangu akozanga te kozwa etumbu.
| איש אמונות רב-ברכות ואץ להעשיר לא ינקה |
21 Kopona bilongi ezalaka malamu te; nzokande ata mpo na eteni ya lipa, moto akoki mpe kosala mabe.
| הכר-פנים לא-טוב ועל-פת-לחם יפשע-גבר |
22 Moto ya bilulela azalaka motema moto-moto mpo na kozwa bomengo, mpe ayebaka te ete bobola ekokomela ye.
| נבהל להון--איש רע עין ולא-ידע כי-חסר יבאנו |
23 Moto oyo apamelaka moninga na ye akozwa ngolu na suka koleka moto oyo alobaka maloba ya sukali.
| מוכיח אדם אחרי חן ימצא-- ממחליק לשון |
24 Moto oyo ayibaka tata mpe mama na ye, bongo alobaka: « Ezali na yango mabe te, » azali moninga ya mobomi.
| גוזל אביו ואמו--ואמר אין-פשע חבר הוא לאיש משחית |
25 Moto ya lokoso ayeisaka koswana, kasi moto oyo atiaka elikya na Yawe akotonda na mafuta.
| רחב-נפש יגרה מדון ובטח על-יהוה ידשן |
26 Moto oyo atiaka elikya kati na ye moko kaka azali zoba, kasi moto oyo atambolaka na bwanya akokangolama.
| בוטח בלבו הוא כסיל והולך בחכמה הוא ימלט |
27 Moto oyo akabelaka babola akozanga eloko te, kasi moto oyo aboyaka kotala bango akotonda na bilakeli mabe.
| נותן לרש אין מחסור ומעלים עיניו רב-מארות |
28 Tango bato mabe bazwaka bokonzi, bato bamibombaka; kasi tango bakufaka, bato ya sembo bakomaka ebele.
| בקום רשעים יסתר אדם ובאבדם ירבו צדיקים |
