Masese 26
1 Ndenge mvula ya pembe elimwaka na tango ya molunge, mpe mvula enokaka te na tango ya elanga, ndenge wana mpe lokumu oyo bapesi na zoba ekowumela na ye te.
| כשלג בקיץ--וכמטר בקציר כן לא-נאוה לכסיל כבוד |
2 Ndenge ndeke ya moke oyo babengaka mwano ekendaka bipai na bipai to mbilambila epumbwaka-pumbwaka, ndenge wana mpe elakeli mabe ezwaka te moto oyo asali na ye mabe te.
| כצפור לנוד כדרור לעוף-- כן קללת חנם לא (לו) תבא |
3 Ndenge fimbu ezalaka malamu mpo na mpunda, mpe ekangiseli ezalaka malamu mpo na monoko ya ane, ndenge wana mpe fimbu ezalaka malamu mpo na mokongo ya zoba.
| שוט לסוס מתג לחמור ושבט לגו כסילים |
4 Kozongisela zoba te kolanda bozoba na ye, noki te okokokana na ye.
| אל-תען כסיל כאולתו פן-תשוה-לו גם-אתה |
5 Zongisela zoba kolanda bozoba na ye, noki te akomimona moto ya bwanya na miso na ye moko.
| ענה כסיל כאולתו פן-יהיה חכם בעיניו |
6 Moto oyo atindaka sango na nzela ya zoba azali lokola moto oyo amikati makolo mpe amilukeli makambo.
| מקצה רגלים חמס שתה-- שלח דברים ביד-כסיל |
7 Ndenge makolo ya ebosono ezalaka makasi te, ndenge wana mpe masese ezalaka na nguya te kati na monoko ya zoba.
| דליו שקים מפסח ומשל בפי כסילים |
8 Kopesa zoba lokumu ezali lokola kotia libanga na ebambelo mabanga.
| כצרור אבן במרגמה-- כן-נותן לכסיל כבוד |
9 Lisese kati na monoko ya zoba ezali lokola etape ya banzube kati na loboko ya moto oyo alangwe masanga.
| חוח עלה ביד-שכור ומשל בפי כסילים |
10 Moto oyo azwaka zoba to moleki nzela na mosala azali lokola soda oyo azokisaka moto nyonso na likonga.
| רב מחולל-כל ושכר כסיל ושכר עברים |
11 Ndenge kaka mbwa ezongelaka kolia biloko oyo yango moko esanzi, ndenge wana mpe zoba azongelaka bozoba na ye.
| ככלב שב על-קאו-- כסיל שונה באולתו |
12 Eleki malamu kotia elikya na zoba, na esika ete otia elikya na moto oyo amimonaka moto ya bwanya na miso na ye moko.
| ראית--איש חכם בעיניו תקוה לכסיל ממנו |
13 Moto ya goyigoyi alobaka: « Nkosi ekangi nzela! Nyama moko ya mabe ezali na kati-kati ya balabala! »
| אמר עצל שחל בדרך ארי בין הרחבות |
14 Moto ya goyigoyi abalukaka na mbeto na ye ndenge ekuke ebalukaka na biloko oyo efungolaka yango.
| הדלת תסוב על-צירה ועצל על-מטתו |
15 Moto ya goyigoyi akotisaka loboko na ye kati na bilei, kasi akokaka te kozongisa yango na monoko.
| טמן עצל ידו בצלחת נלאה להשיבה אל-פיו |
16 Moto ya goyigoyi amimonaka ete azali na bwanya koleka bato sambo ya mayele.
| חכם עצל בעיניו-- משבעה משיבי טעם |
17 Moto oyo akotaka makambo oyo etali ye te azali lokola moto oyo akangi mbwa na matoyi.
| מחזיק באזני-כלב-- עבר מתעבר על-ריב לא-לו |
18 Ndenge moto ya liboma abwakaka moto, makonga mpe kufa,
| כמתלהלה הירה זקים-- חצים ומות |
19 ndenge wana mpe moto oyo akosi moninga na ye alobaka: « Ezalaki kaka mpo na kosala maseki! »
| כן-איש רמה את-רעהו ואמר הלא-משחק אני |
20 Soki bakoni ezali te, moto ekokufa; soki bato ya songisongi bazali te, koswana ekokita.
| באפס עצים תכבה-אש ובאין נרגן ישתק מדון |
21 Ndenge makala engalaka na mbabola, mpe bakoni epelisaka moto, ndenge wana mpe moto oyo alinga koswana ayeisaka matata.
| פחם לגחלים ועצים לאש ואיש מדונים (מדינים) לחרחר-ריב |
22 Maloba ya moto ya songisongi ezalaka lokola bilei ya kitoko, ekitaka na esengo kino na libumu.
| דברי נרגן כמתלהמים והם ירדו חדרי-בטן |
23 Maloba ya sukali ya moto ya motema mabe ezalaka lokola palata ya mbindo oyo bapakoli na mbeki basala na mabele.
| כסף סיגים מצפה על-חרש-- שפתים דלקים ולב-רע |
24 Moto oyo ayinaka moninga na ye amibombaka na maloba na ye, kasi atondi na lokuta kati na motema na ye.
| בשפתו ינכר שונא ובקרבו ישית מרמה |
25 Ata soki abimisi maloba ya esengo, kondimela ye te, pamba te makambo sambo ya mbindo ebombama kati na motema na ye.
| כי-יחנן קולו אל-תאמן-בו כי שבע תועבות בלבו |
26 Akoki solo kobomba makanisi na ye ya mabe na maloba ya lokuta, kasi motema mabe na ye ekosuka se na koyebana na miso ya bato nyonso.
| תכסה שנאה במשאון תגלה רעתו בקהל |
27 Moto oyo atimolaka libulu akweyaka ye moko kati na yango; mpe moto oyo atindikaka libanga, libanga yango ekozongela kaka ye moko.
| כרה-שחת בה יפול וגולל אבן אליו תשוב |
28 Lolemo ya lokuta eyinaka bato oyo ezokisi, mpe maloba ya sukali ememaka libebi.
| לשון-שקר ישנא דכיו ופה חלק יעשה מדחה |
