Masese 25

1 Tala masese mosusu ya Salomo oyo bato ya Ezekiasi, mokonzi ya Yuda, bakomaki.

Ce sont ici aussi des proverbes de Salomon, que les gens d’Ézéchias, roi de Juda, ont transcrits:

2 Nzambe azwaka nkembo mpo ete asalaka makambo oyo bato bayebaka te, mpe bakonzi bazwaka nkembo mpo ete balukaka kososola tina ya makambo.

La gloire de Dieu est de cacher une chose, et la gloire des rois est de sonder une chose.

3 Ndenge bakokaka te komeka bosanda ya Lola to bozindo ya mabele, ndenge wana mpe bakoki te kososola mitema ya bakonzi.

Les cieux en hauteur, et la terre en profondeur, et le cœur des rois, on ne peut les sonder.

4 Soki olongoli mbindo na palata, ekobimisa mbeki mpo na monyangwisi bibende na moto.

Ôte de l’argent les scories, et il en sortira un vase pour l’orfèvre;

5 Soki olongoli moto mabe liboso ya mokonzi, kiti na ye ya bokonzi ekolendisama na bosembo.

ôte le méchant de devant le roi, et son trône sera affermi par la justice.

6 Komikumisaka te liboso ya mokonzi, mpe komivandisaka te na esika ya bato minene;

Ne fais pas le magnifique devant le roi, et ne te tiens pas à la place des grands;

7 pamba te eleki malamu ete baloba na yo: « Yaka kovanda na esika oyo ya lokumu, » na esika ete bayokisa yo soni na miso ya mokonzi.

car il vaut mieux qu’on te dise: Monte ici, que si l’on t’abaissait devant le prince que tes yeux voient.

8 Kowelaka te kokende kofunda epai ya basambisi makambo oyo osili komona na miso, pamba te okosala nini na suka soki moninga na yo asukisi yo?

Ne sors pas à la hâte pour contester, de peur [que tu ne saches] que faire à la fin, lorsque ton prochain t’aura rendu confus.

9 Soki ozali kowelana na moninga na yo, kobimisa sekele ya moto mosusu te,

Plaide ta cause avec ton prochain, et ne révèle pas le secret d’autrui,

10 noki te ayoka yango mpe ayokisa yo soni, boye okosambwa mpo na libela.

de peur que celui qui l’écoute ne te fasse honte, et que ton opprobre ne se retire pas.

11 Liloba oyo elobami na tango oyo ekoki ezali lokola wolo oyo basangisi na palata.

Des pommes d’or incrustées d’argent, c’est la parole dite à propos.

12 Pamela ya moto ya bwanya epai ya moto oyo ayokaka ezali lokola wolo ya peto mpe sheneti ya wolo.

Un anneau d’or et un joyau d’or fin, tel est, pour l’oreille qui écoute, celui qui reprend sagement.

13 Motindami ya sembo azalaka lokola mopepe ya malili ya mvula ya pembe na tango ya kobuka bambuma, asalaka esengo ya mokonzi na ye.

La fraîcheur de la neige au temps de la moisson, tel est le messager fidèle pour ceux qui l’envoient: il restaure l’âme de son maître.

14 Moto oyo amikumisaka ete akabaka, nzokande apesaka na ye eloko te, azali lokola mapata mpe mopepe oyo ezangi mvula.

Les nuages et le vent, et point de pluie, tel est celui qui se glorifie faussement d’un présent.

15 Moto oyo akangaka motema akoki kobongola makanisi ya mokonzi, mpe maloba ya malamu ebukaka mikuwa.

Par la lenteur à la colère un prince est gagné, et la langue douce brise les os.

16 Soki omoni mafuta ya nzoyi, lia oyo ekoki na yo, pamba te soki olie yango na lokoso, okosanza yango.

As-tu trouvé du miel, manges-en ce qu’il t’en faut, de peur que tu n’en sois repu et que tu ne le vomisses.

17 Kokendaka pamba-pamba te na ndako ya moninga na yo, noki te akotonda yo mpe akolemba yo.

Mets rarement ton pied dans la maison de ton prochain, de peur qu’il ne soit rassasié de toi et qu’il ne te haïsse.

18 Moto oyo apesaka matatoli ya lokuta mpo na kosala moninga na ye mabe azali lokola marto, mopanga mpe mbanzi ya songe.

L’homme qui rend un faux témoignage contre son prochain est un marteau, et une épée, et une flèche aiguë.

19 Kotia elikya na zoba na tango na pasi ezali lokola lino ebukani mpe lokolo elembi.

La confiance en un perfide, au jour de la détresse, est une dent cassée et un pied chancelant.

20 Koyembela moto oyo azali na mawa banzembo ya esengo ezali lokola kolongola ye kazaka na tango ya malili to kotia masanga ya ngayi na pota.

[Comme] celui qui ôte son vêtement en un jour de froid, [comme] du vinaigre sur le nitre, tel est celui qui chante des chansons à un cœur affligé.

21 Soki monguna na yo azali na nzala, pesa ye bilei; soki azali na posa ya mayi, pesa ye mayi ya komela.

Si celui qui te hait a faim, donne-lui du pain à manger, et, s’il a soif, donne-lui de l’eau à boire;

22 Pamba te, soki osali bongo, okotondisa makala ya moto na likolo ya moto na ye, mpe Yawe akofuta yo.

car tu entasseras des charbons ardents sur sa tête, et l’Éternel te le rendra.

23 Mopepe oyo ewutaka na ngambo ya nor, ebetisaka mvula, mpe lolemo oyo etongaka ekomisaka bilongi kanda-kanda.

Le vent du nord enfante les averses; et les visages indignés, une langue [qui médit] en secret.

24 Kovanda na songe ya ndako ezali malamu koleka kovanda elongo na mwasi oyo aswanaka-swanaka.

Mieux vaut habiter sur le coin d’un toit, que [d’avoir] une femme querelleuse et une maison en commun.

25 Basango ya malamu oyo ewuti na mokili ya mosika ezali lokola mayi ya pio kati na motema ya moto oyo azali na posa ya mayi.

Les bonnes nouvelles d’un pays éloigné sont de l’eau fraîche pour une âme altérée.

26 Moto ya sembo oyo asopanaka liboso ya moto mabe azali lokola liziba ya potopoto mpe etima oyo ebimisaka mayi ya mabe.

Le juste qui chancelle devant le méchant est une fontaine trouble et une source corrompue.

27 Ezali malamu te kolia mafuta ya nzoyi ebele, mpe ezali malamu te koluka lokumu na yo moko.

Manger beaucoup de miel n’est pas bon, et s’occuper de sa propre gloire n’est pas la gloire.

28 Moto oyo akokaka te kokonza molimo na ye azali lokola engumba oyo ebukana mpe ezanga bamir.

L’homme qui ne gouverne pas son esprit est une ville en ruine, sans murailles.