Masese 25

1 Tala masese mosusu ya Salomo oyo bato ya Ezekiasi, mokonzi ya Yuda, bakomaki.

Voici encore des Proverbes de Salomon, recueillis par les gens d'Ézéchias, roi de Juda.

2 Nzambe azwaka nkembo mpo ete asalaka makambo oyo bato bayebaka te, mpe bakonzi bazwaka nkembo mpo ete balukaka kososola tina ya makambo.

La gloire de Dieu, c'est de cacher les choses; la gloire des rois, c'est de les examiner.

3 Ndenge bakokaka te komeka bosanda ya Lola to bozindo ya mabele, ndenge wana mpe bakoki te kososola mitema ya bakonzi.

Le ciel dans sa hauteur, la terre dans sa profondeur, et le cœur des rois sont impénétrables.

4 Soki olongoli mbindo na palata, ekobimisa mbeki mpo na monyangwisi bibende na moto.

Ote les scories de l'argent, et il en sortira un vase pour le fondeur.

5 Soki olongoli moto mabe liboso ya mokonzi, kiti na ye ya bokonzi ekolendisama na bosembo.

Ote le méchant de devant le roi, et son trône s'affermira dans la justice.

6 Komikumisaka te liboso ya mokonzi, mpe komivandisaka te na esika ya bato minene;

Ne prends pas des airs superbes devant le roi, et ne te mets pas à la place des grands;

7 pamba te eleki malamu ete baloba na yo: « Yaka kovanda na esika oyo ya lokumu, » na esika ete bayokisa yo soni na miso ya mokonzi.

car il vaut mieux qu'on te dise: « Monte ici », que si l'on t'humilie devant le prince que tes yeux ont vu.

8 Kowelaka te kokende kofunda epai ya basambisi makambo oyo osili komona na miso, pamba te okosala nini na suka soki moninga na yo asukisi yo?

Ne pars pas trop vite en contestation, de peur qu'à la fin tu ne saches que faire.

9 Soki ozali kowelana na moninga na yo, kobimisa sekele ya moto mosusu te,

Lorsque ton prochain t'aura outragé, défends ta cause contre ton prochain, mais ne révèle pas le secret d'un autre,

10 noki te ayoka yango mpe ayokisa yo soni, boye okosambwa mpo na libela.

de peur que celui qui l'apprendra ne te couvre de honte, et que ton ignominie ne s'efface pas.

11 Liloba oyo elobami na tango oyo ekoki ezali lokola wolo oyo basangisi na palata.

Comme des pommes d'or sur des ciselures d'argent, ainsi est une parole dite à propos.

12 Pamela ya moto ya bwanya epai ya moto oyo ayokaka ezali lokola wolo ya peto mpe sheneti ya wolo.

Comme un anneau d'or et un ornement d'or fin, ainsi est le sage qui reprend une oreille docile.

13 Motindami ya sembo azalaka lokola mopepe ya malili ya mvula ya pembe na tango ya kobuka bambuma, asalaka esengo ya mokonzi na ye.

Comme la fraîcheur de la neige au temps de la moisson, ainsi est le messager fidèle pour ceux qui l'envoient; il réjouit l'âme de son maître.

14 Moto oyo amikumisaka ete akabaka, nzokande apesaka na ye eloko te, azali lokola mapata mpe mopepe oyo ezangi mvula.

Des nuages et du vent sans pluie, tel est l'homme qui se glorifie de présents mensongers.

15 Moto oyo akangaka motema akoki kobongola makanisi ya mokonzi, mpe maloba ya malamu ebukaka mikuwa.

Par la patience le juge se laisse persuader, et une langue douce peut briser des os.

16 Soki omoni mafuta ya nzoyi, lia oyo ekoki na yo, pamba te soki olie yango na lokoso, okosanza yango.

Si tu trouves du miel, n'en mange que ce qui te suffit, de peur que, rassasié, tu ne le vomisses.

17 Kokendaka pamba-pamba te na ndako ya moninga na yo, noki te akotonda yo mpe akolemba yo.

Mets rarement le pied dans la maison de ton prochain, de peur que, fatigué de toi, il ne te haïsse.

18 Moto oyo apesaka matatoli ya lokuta mpo na kosala moninga na ye mabe azali lokola marto, mopanga mpe mbanzi ya songe.

Une massue, une épée et une flèche aiguë, tel est l'homme qui porte un faux témoignage contre son prochain.

19 Kotia elikya na zoba na tango na pasi ezali lokola lino ebukani mpe lokolo elembi.

Une dent cassée et un pied qui glisse, c'est la confiance qu'inspire un perfide au jour du malheur.

20 Koyembela moto oyo azali na mawa banzembo ya esengo ezali lokola kolongola ye kazaka na tango ya malili to kotia masanga ya ngayi na pota.

Oter son manteau un jour de froid, répandre du vinaigre sur du nitre, ainsi fait celui qui dit des chansons à un cœur affligé.

21 Soki monguna na yo azali na nzala, pesa ye bilei; soki azali na posa ya mayi, pesa ye mayi ya komela.

Si ton ennemi a faim, donne-lui du pain à manger; s'il a soif, donne-lui de l'eau à boire;

22 Pamba te, soki osali bongo, okotondisa makala ya moto na likolo ya moto na ye, mpe Yawe akofuta yo.

car tu amasses ainsi des charbons sur sa tête, et Yahweh te récompensera.

23 Mopepe oyo ewutaka na ngambo ya nor, ebetisaka mvula, mpe lolemo oyo etongaka ekomisaka bilongi kanda-kanda.

Le vent du nord enfante la pluie, et la langue qui médit en secret, un visage irrité.

24 Kovanda na songe ya ndako ezali malamu koleka kovanda elongo na mwasi oyo aswanaka-swanaka.

Mieux vaut habiter à l'angle d'un toit, que de rester avec une femme querelleuse.

25 Basango ya malamu oyo ewuti na mokili ya mosika ezali lokola mayi ya pio kati na motema ya moto oyo azali na posa ya mayi.

De l'eau fraîche pour une personne altérée, telle est une bonne nouvelle venant d'une terre lointaine.

26 Moto ya sembo oyo asopanaka liboso ya moto mabe azali lokola liziba ya potopoto mpe etima oyo ebimisaka mayi ya mabe.

Une fontaine troublée et une source corrompue, tel est le juste qui chancelle devant le méchant.

27 Ezali malamu te kolia mafuta ya nzoyi ebele, mpe ezali malamu te koluka lokumu na yo moko.

Il n'est pas bon de manger beaucoup de miel; ainsi celui qui veut sonder la majesté divine sera accablé par sa gloire.

28 Moto oyo akokaka te kokonza molimo na ye azali lokola engumba oyo ebukana mpe ezanga bamir.

Une ville forcée qui n'a plus de murailles, tel est l'homme qui ne peut se contenir.