Masese 24

1 Kolulaka te bato oyo basalaka mabe mpe kolukaka te kozala elongo na bango,

Ne porte point envie aux hommes méchants, et ne désire point être avec eux.

2 pamba te mitema na bango ekanisaka kaka kosala mabe, mpe bibebu na bango eyeisaka kaka mobulu soki elobi.

Car leur cœur médite la ruine et leurs lèvres parlent de nuire.

3 Ndako etongamaka na nzela ya bwanya, mpe elendisamaka na nzela ya mayele.

C'est par la sagesse que la maison sera bâtie, et c'est par l'intelligence qu'elle sera affermie.

4 Bashambre ekotondisama na biloko nyonso ya talo mpe ya kitoko na nzela ya boyebi.

Et c'est par la science que les chambres seront remplies de tous les biens précieux et agréables.

5 Moto ya bwanya atondi na nguya, moto oyo azalaka na boyebi alendisaka nguya na ye.

L'homme sage est plein de force, et l'homme intelligent devient puissant.

6 Pamba te kolonga na etumba esengaka bwanya, mpe lobiko ezalaka kati na motango ebele ya bapesi toli.

Car c'est avec la prudence qu'on fait la guerre, et la victoire dépend du nombre des conseillers.

7 Bwanya ezalaka likolo mingi mpo na zoba, yango wana azalaka te na likambo ya koloba kati na mayangani oyo esalemaka pembeni ya ekuke.

La sagesse est trop élevée pour un insensé; il n'ouvrira pas la bouche aux portes.

8 Moto oyo asalaka mabongisi ya kosala mabe akokende sango lokola moteki baninga.

Celui qui pense à faire mal, on l'appellera maître en méchanceté.

9 Mabongisi ya bozoba ezali masumu, mpe bato bayinaka motioli.

Un mauvais dessein est une folie, et le moqueur est en abomination aux hommes.

10 Soki omilembisi na mokolo ya pasi, makasi na yo ekozala pamba.

Si tu perds courage au jour de la détresse, ta force sera petite.

11 Kangola bato oyo bazali komema bango na kufa, mpe bikisa bato oyo bazali kokende na kufa lokola bato oyo balangwe masanga.

Délivre ceux qui sont traînés à la mort, et qui sont sur le point d'être tués.

12 Soki olobi: « Tala, toyebaki likambo moko te kati na makambo oyo nyonso; » boni, Ye oyo amekaka mitema asosolaka yango te? Ye oyo abatelaka molimo na yo ayebaka yango te? Afutaka te moto na moto kolanda misala na ye?

Si tu dis: Voici, nous n'en avons rien su; celui qui pèse les cœurs ne l'entendra-t-il point? Et celui qui garde ton âme ne le saura-t-il point? Et ne rendra-t-il pas à chacun selon son œuvre?

13 Mwana na ngai, lia mafuta ya nzoyi, pamba te ezalaka kitoko! Mwa ndambo ya mafuta ya nzoyi ekozala elengi na lolemo na yo.

Mon fils, mange le miel, car il est bon, et le rayon de miel, qui est doux à ton palais.

14 Yeba lisusu ete bwanya ezali elengi mpo na molimo na yo; soki ozwi yango, yeba ete lobi na yo ekozala malamu, mpe elikya na yo ekozala ya pamba te.

Telle sera la connaissance de la sagesse à ton âme; quand tu l'auras trouvée, il y aura une bonne issue, et ton attente ne sera point trompée.

15 Yo moto mabe, komeka te kotia mitambo kati na ndako ya moto ya sembo, mpe komeka te kopanza yango,

Méchant, ne tends pas d'embûches contre la demeure du juste, et ne dévaste pas son habitation.

16 pamba te ata soki moto ya sembo akweyi mbala sambo, akotelema kaka; nzokande pasi ekweyisaka moto mabe.

Car le juste tombera sept fois, et il sera relevé; mais les méchants sont précipités dans le malheur.

17 Soki monguna na yo akweyi, kosepela te; mpe soki apengwi, tika ete motema na yo esepela te;

Quand ton ennemi sera tombé, ne t'en réjouis point; et quand il sera renversé, que ton cœur ne s'en égaie point;

18 noki te Yawe akomona, akosepela te mpe akokitisela yo kanda na Ye.

De peur que l'Éternel ne le voie, et que cela ne lui déplaise, et qu'il ne détourne de lui sa colère.

19 Kosilika te likolo ya bato oyo basalaka mabe, kolula te bato mabe;

Ne t'irrite point à cause de ceux qui font le mal; ne porte point envie aux méchants;

20 pamba te lobi ya malamu ekozala te mpo na moto oyo asalaka mabe, mpe mwinda ya bato mabe ekokufa.

Car il n'y a pas d'issue pour celui qui fait le mal, et la lampe des méchants sera éteinte.

21 Mwana na ngai, tosaka Yawe mpe mokonzi, kosanganaka te na batomboki,

Mon fils, crains l'Éternel et le roi, et ne te mêle point avec des gens remuants.

22 pamba te bango mibale bakoki kotindela batomboki pasi na pwasa. Bongo, nani ayebi pasi oyo bakoki kotinda?

Car leur ruine surviendra tout d'un coup, et qui sait le malheur qui arrivera aux uns et aux autres?

23 Makambo oyo mpe ezali toli ya bato ya bwanya: Kopona bilongi, kati na kosambisa, ezali malamu te.

Voici encore ce qui vient des sages: Il n'est pas bon d'avoir égard à l'apparence des personnes dans le jugement.

24 Moto oyo alobaka na moto mabe: « Ozali moto ya sembo, » bato bakolakela ye mabe, mpe bikolo ekotombokela ye.

Celui qui dit au méchant: Tu es juste, les peuples le maudiront, et les nations le détesteront.

25 Kasi bato oyo bapamelaka moto mabe bakozala malamu mpe lipamboli ekozala likolo na bango.

Mais ceux qui le reprennent s'en trouveront bien; sur eux viendront la bénédiction et le bonheur.

26 Eyano ya solo ezali lokola beze ya bibebu.

Celui qui répond avec droiture à quelqu'un, lui donne un baiser sur les lèvres.

27 Bongisa libanda ya mosala na yo, bongisa bilanga na yo, bongo na sima, tonga ndako na yo.

Règle ton ouvrage au-dehors, et mets ordre à ton champ; et puis tu bâtiras ta maison.

28 Kotatola na pamba te mpo na kosala moninga na yo mabe; mpo na nini olingi kosalela bibebu na yo na lokuta?

Ne sois point témoin contre ton prochain sans qu'il soit nécessaire: voudrais-tu séduire par tes lèvres?

29 Kolobaka te: « Nakosala ye ndenge asali ngai, nakozongisela ye kolanda makambo oyo ye asali. »

Ne dis point: Je lui ferai comme il m'a fait; je rendrai à cet homme selon son œuvre.

30 Nalekaki pembeni ya elanga ya moto ya goyigoyi, mpe pembeni ya elanga ya vino ya moto oyo azangi mayele;

J'ai passé près du champ d'un paresseux, et près de la vigne d'un homme dépourvu de sens;

31 bongo, tala ndenge etondi na banzube, tala ndenge matiti mabe ezipi yango, mpe mir na yango ya mabanga ebukani.

Et voici, les chardons y croissaient partout; les ronces en couvraient la surface, et son mur de pierre était écroulé.

32 Tango natiaki makanisi na ngai kati na makambo oyo namonaki, nazwaki mayele oyo:

Quand je vis cela, j'y appliquai mes pensées; je le regardai, j'en tirai instruction.

33 mwa pongi moke, mwa kopema moke, mwa kokanga maboko moke mpo na kolala,

Un peu dormir, un peu sommeiller, un peu croiser les mains pour se reposer,

34 bobola ekoyela yo na pwasa lokola moleki nzela, mpe pasi ekoyela yo lokola moyibi.

Et ta pauvreté viendra comme un passant, et ta disette comme un homme armé.