Masese 24

1 Kolulaka te bato oyo basalaka mabe mpe kolukaka te kozala elongo na bango,

Ne porte point d'envie aux hommes malins, et ne désire point d'être avec eux.

2 pamba te mitema na bango ekanisaka kaka kosala mabe, mpe bibebu na bango eyeisaka kaka mobulu soki elobi.

Car leur cœur pense à piller, et leurs lèvres parlent de nuire.

3 Ndako etongamaka na nzela ya bwanya, mpe elendisamaka na nzela ya mayele.

La maison sera bâtie par la sagesse, et sera affermie par l'intelligence.

4 Bashambre ekotondisama na biloko nyonso ya talo mpe ya kitoko na nzela ya boyebi.

Et par la science les cabinets seront remplis de tous les biens précieux et agréables.

5 Moto ya bwanya atondi na nguya, moto oyo azalaka na boyebi alendisaka nguya na ye.

L'homme sage [est accompagné] de force, et l'homme qui a de l'intelligence renforce la puissance.

6 Pamba te kolonga na etumba esengaka bwanya, mpe lobiko ezalaka kati na motango ebele ya bapesi toli.

Car par la prudence tu feras la guerre avantageusement, et la délivrance consiste dans le nombre des conseillers.

7 Bwanya ezalaka likolo mingi mpo na zoba, yango wana azalaka te na likambo ya koloba kati na mayangani oyo esalemaka pembeni ya ekuke.

Il n'y a point de sagesse qui ne soit trop haute pour le fou; il n'ouvrira point sa bouche à la porte.

8 Moto oyo asalaka mabongisi ya kosala mabe akokende sango lokola moteki baninga.

Celui qui pense à faire mal, on l'appellera, Songe-malice.

9 Mabongisi ya bozoba ezali masumu, mpe bato bayinaka motioli.

Le discours de la folie n'est que péché, et le moqueur est en abomination à l'homme.

10 Soki omilembisi na mokolo ya pasi, makasi na yo ekozala pamba.

Si tu as perdu courage dans la calamité, ta force s'est diminuée.

11 Kangola bato oyo bazali komema bango na kufa, mpe bikisa bato oyo bazali kokende na kufa lokola bato oyo balangwe masanga.

Si tu te retiens pour ne délivrer point ceux qui sont traînés à la mort, et qui sont sur le point d'être tués,

12 Soki olobi: « Tala, toyebaki likambo moko te kati na makambo oyo nyonso; » boni, Ye oyo amekaka mitema asosolaka yango te? Ye oyo abatelaka molimo na yo ayebaka yango te? Afutaka te moto na moto kolanda misala na ye?

Parce que tu diras: Voici, nous n'en avons rien su; celui qui pèse les cœurs ne l'entendra-t-il point? et celui qui garde ton âme, ne le saura-t-il point? et ne rendra-t-il point à chacun selon son œuvre?

13 Mwana na ngai, lia mafuta ya nzoyi, pamba te ezalaka kitoko! Mwa ndambo ya mafuta ya nzoyi ekozala elengi na lolemo na yo.

Mon fils, mange le miel, car il est bon; et le rayon de miel, car il est doux à ton palais.

14 Yeba lisusu ete bwanya ezali elengi mpo na molimo na yo; soki ozwi yango, yeba ete lobi na yo ekozala malamu, mpe elikya na yo ekozala ya pamba te.

Ainsi sera à ton âme la connaissance de la sagesse, quand tu l'auras trouvée; et il y aura une [bonne] issue, et ton attente ne sera point retranchée.

15 Yo moto mabe, komeka te kotia mitambo kati na ndako ya moto ya sembo, mpe komeka te kopanza yango,

Méchant, n'épie point le domicile du juste, et ne détruis point son gîte.

16 pamba te ata soki moto ya sembo akweyi mbala sambo, akotelema kaka; nzokande pasi ekweyisaka moto mabe.

Car le juste tombera sept fois, et sera relevé; mais les méchants tombent dans le mal.

17 Soki monguna na yo akweyi, kosepela te; mpe soki apengwi, tika ete motema na yo esepela te;

Quand ton ennemi sera tombé, ne t'en réjouis point; et quand il sera renversé, que ton cœur ne s'en égaye point;

18 noki te Yawe akomona, akosepela te mpe akokitisela yo kanda na Ye.

De peur que l'Eternel ne [le] voie, et que cela ne lui déplaise, tellement qu'il détourne de dessus lui sa colère [sur toi.]

19 Kosilika te likolo ya bato oyo basalaka mabe, kolula te bato mabe;

Ne te dépite point à cause des gens malins; ne porte point d'envie aux méchants;

20 pamba te lobi ya malamu ekozala te mpo na moto oyo asalaka mabe, mpe mwinda ya bato mabe ekokufa.

Car il n'y aura point de [bonne] issue pour le méchant, et la lampe des méchants sera éteinte.

21 Mwana na ngai, tosaka Yawe mpe mokonzi, kosanganaka te na batomboki,

Mon fils, crains l'Eternel, et le Roi; et ne te mêle point avec des gens remuants.

22 pamba te bango mibale bakoki kotindela batomboki pasi na pwasa. Bongo, nani ayebi pasi oyo bakoki kotinda?

Car leur calamité s'élèvera tout d'un coup; et qui sait l'inconvénient qui arrivera à ces deux-là?

23 Makambo oyo mpe ezali toli ya bato ya bwanya: Kopona bilongi, kati na kosambisa, ezali malamu te.

Ces choses aussi sont pour les sages. Il n'est pas bon d'avoir égard à l'apparence des personnes en jugement.

24 Moto oyo alobaka na moto mabe: « Ozali moto ya sembo, » bato bakolakela ye mabe, mpe bikolo ekotombokela ye.

Celui qui dit au méchant: Tu es juste, les peuples le maudiront, et les nations l'auront en détestation.

25 Kasi bato oyo bapamelaka moto mabe bakozala malamu mpe lipamboli ekozala likolo na bango.

Mais pour ceux qui le reprennent, ils en retireront de la satisfaction, et la bénédiction que les biens accompagnent se répandra sur eux.

26 Eyano ya solo ezali lokola beze ya bibebu.

Celui qui répond avec justesse fait plaisir [à celui qui l'écoute.]

27 Bongisa libanda ya mosala na yo, bongisa bilanga na yo, bongo na sima, tonga ndako na yo.

Range ton ouvrage dehors, et l'apprête au champ qui est à toi, et puis bâtis ta maison.

28 Kotatola na pamba te mpo na kosala moninga na yo mabe; mpo na nini olingi kosalela bibebu na yo na lokuta?

Ne sois point témoin contre ton prochain, sans qu'il en soit besoin; car voudrais-tu t'en faire croire par tes lèvres?

29 Kolobaka te: « Nakosala ye ndenge asali ngai, nakozongisela ye kolanda makambo oyo ye asali. »

Ne dis point: comme il m'a fait, ainsi lui ferai-je; je rendrai à cet homme selon ce qu'il m'a fait.

30 Nalekaki pembeni ya elanga ya moto ya goyigoyi, mpe pembeni ya elanga ya vino ya moto oyo azangi mayele;

J'ai passé près du champ de l'homme paresseux, et près de la vigne de l'homme dépourvu de sens;

31 bongo, tala ndenge etondi na banzube, tala ndenge matiti mabe ezipi yango, mpe mir na yango ya mabanga ebukani.

Et voilà, tout y était monté en chardons, et les orties avaient couvert le dessus, et sa cloison de pierres était démolie.

32 Tango natiaki makanisi na ngai kati na makambo oyo namonaki, nazwaki mayele oyo:

Et ayant vu cela, je le mis dans mon cœur, je le regardai, j'en reçus de l'instruction.

33 mwa pongi moke, mwa kopema moke, mwa kokanga maboko moke mpo na kolala,

Un peu de dormir, un peu de sommeil, un peu de ploiement de bras pour demeurer couché,

34 bobola ekoyela yo na pwasa lokola moleki nzela, mpe pasi ekoyela yo lokola moyibi.

Et ta pauvreté viendra [comme] un passant; et ta disette, comme un soldat.