Masese 24

1 Kolulaka te bato oyo basalaka mabe mpe kolukaka te kozala elongo na bango,

Ne jalouse pas les hommes d’iniquité; ne souhaite pas de frayer avec eux;

2 pamba te mitema na bango ekanisaka kaka kosala mabe, mpe bibebu na bango eyeisaka kaka mobulu soki elobi.

car leur cœur machine des ruines, et leurs lèvres débitent l’injustice.

3 Ndako etongamaka na nzela ya bwanya, mpe elendisamaka na nzela ya mayele.

C’Est par la sagesse que s’édifie la maison c’est par la raison qu’elle se consolide.

4 Bashambre ekotondisama na biloko nyonso ya talo mpe ya kitoko na nzela ya boyebi.

Grâce à l’intelligence, le logis se remplit de toute sorte de biens rares et précieux.

5 Moto ya bwanya atondi na nguya, moto oyo azalaka na boyebi alendisaka nguya na ye.

Le sage est armé d’énergie, et l’homme d’expérience voit doubler sa force.

6 Pamba te kolonga na etumba esengaka bwanya, mpe lobiko ezalaka kati na motango ebele ya bapesi toli.

C’Est en suivant un plan habile que tu dois entreprendre la guerre; la victoire est assurée par la multitude des conseillers.

7 Bwanya ezalaka likolo mingi mpo na zoba, yango wana azalaka te na likambo ya koloba kati na mayangani oyo esalemaka pembeni ya ekuke.

Les données de la sagesse sont inaccessibles au sot; à la Porte, il n’ouvre pas la bouche.

8 Moto oyo asalaka mabongisi ya kosala mabe akokende sango lokola moteki baninga.

Qui médite de faire le mal, on l’appelle l’homme aux noirs projets.

9 Mabongisi ya bozoba ezali masumu, mpe bato bayinaka motioli.

Le péché est une conception de la folie, et les gens ont horreur du persifleur.

10 Soki omilembisi na mokolo ya pasi, makasi na yo ekozala pamba.

Il faiblit au jour de la détresse: c’est que ton courage a l’haleine courte.

11 Kangola bato oyo bazali komema bango na kufa, mpe bikisa bato oyo bazali kokende na kufa lokola bato oyo balangwe masanga.

Sauve ceux qu’on traîne à la mort, ne manque pas de défendre ceux qui vont au supplice.

12 Soki olobi: « Tala, toyebaki likambo moko te kati na makambo oyo nyonso; » boni, Ye oyo amekaka mitema asosolaka yango te? Ye oyo abatelaka molimo na yo ayebaka yango te? Afutaka te moto na moto kolanda misala na ye?

Tu diras peut-être: "Cet homme là, nous ne le connaissons pas!" Mais celui qui pénètre au. fond des cœurs comprend; celui qui veille sur ta vie sait, et il rétribue chacun selon ses œuvres.

13 Mwana na ngai, lia mafuta ya nzoyi, pamba te ezalaka kitoko! Mwa ndambo ya mafuta ya nzoyi ekozala elengi na lolemo na yo.

Mange du miel, mon fils, car c’est bon; les rayons en seront doux à ton palais.

14 Yeba lisusu ete bwanya ezali elengi mpo na molimo na yo; soki ozwi yango, yeba ete lobi na yo ekozala malamu, mpe elikya na yo ekozala ya pamba te.

Telle est, sache-le bien, la sagesse pour ton âme; si tu t’en rends maître, il y a de l’avenir pour toi, ton espoir ne sera pas anéanti.

15 Yo moto mabe, komeka te kotia mitambo kati na ndako ya moto ya sembo, mpe komeka te kopanza yango,

Méchant, pas de machination secrète contre la demeure du juste! Pas d’entreprises contre le lieu de sa résidence!

16 pamba te ata soki moto ya sembo akweyi mbala sambo, akotelema kaka; nzokande pasi ekweyisaka moto mabe.

Car le juste tombe sept fois, et se relève; mais les méchants sont culbutés par le malheur.

17 Soki monguna na yo akweyi, kosepela te; mpe soki apengwi, tika ete motema na yo esepela te;

Lorsque ton ennemi tombe, ne te réjouis point; s’il succombe, que ton cœur ne jubile pas!

18 noki te Yawe akomona, akosepela te mpe akokitisela yo kanda na Ye.

L’Eternel verrait cela de mauvais œil, et il détournerait de lui sa colère.

19 Kosilika te likolo ya bato oyo basalaka mabe, kolula te bato mabe;

Ne porte pas envie aux malfaiteurs, ne jalouse pas les méchants;

20 pamba te lobi ya malamu ekozala te mpo na moto oyo asalaka mabe, mpe mwinda ya bato mabe ekokufa.

car le méchant n’a pas d’avenir: la lumière des impies est fumeuse.

21 Mwana na ngai, tosaka Yawe mpe mokonzi, kosanganaka te na batomboki,

Crains l’Eternel, mon fils, ainsi que le roi: ne te mêle pas aux novateurs;

22 pamba te bango mibale bakoki kotindela batomboki pasi na pwasa. Bongo, nani ayebi pasi oyo bakoki kotinda?

car soudain, le désastre fond sur eux: qui peut mesurer les coups que leur réservent l’un et l’autre?

23 Makambo oyo mpe ezali toli ya bato ya bwanya: Kopona bilongi, kati na kosambisa, ezali malamu te.

Les sentences suivantes émanent également des sages: Faire acception de personnes en justice n’est pas une bonne chose.

24 Moto oyo alobaka na moto mabe: « Ozali moto ya sembo, » bato bakolakela ye mabe, mpe bikolo ekotombokela ye.

Celui qui prononce sur le coupable en disant: "Tu es acquitté!" les peuples le maudissent, les gens l’exècrent.

25 Kasi bato oyo bapamelaka moto mabe bakozala malamu mpe lipamboli ekozala likolo na bango.

Mais on est bienveillant pour ceux qui le répriment, et il leur vient des souhaits de bonheur.

26 Eyano ya solo ezali lokola beze ya bibebu.

C’Est comme un baiser des lèvres que de répliquer par dés paroles équitables.

27 Bongisa libanda ya mosala na yo, bongisa bilanga na yo, bongo na sima, tonga ndako na yo.

Prépare-toi une occupation au dehors, déploie ton activité dans ton champ, puis, tu édifieras ta maison.

28 Kotatola na pamba te mpo na kosala moninga na yo mabe; mpo na nini olingi kosalela bibebu na yo na lokuta?

Ne témoigne pas sans motif contre ton prochain: prétendrais-tu exercer une séduction par tes lèvres?

29 Kolobaka te: « Nakosala ye ndenge asali ngai, nakozongisela ye kolanda makambo oyo ye asali. »

Ne dis pas: "Comme il m’a traité, je le traiterai; je rends à chacun selon ses œuvres."

30 Nalekaki pembeni ya elanga ya moto ya goyigoyi, mpe pembeni ya elanga ya vino ya moto oyo azangi mayele;

J’Ai passé près du champ d’un paresseux, près du vignoble d’un homme privé de sens.

31 bongo, tala ndenge etondi na banzube, tala ndenge matiti mabe ezipi yango, mpe mir na yango ya mabanga ebukani.

Et voilà qu’il était tout envahi par l’ivraie; les ronces en recouvraient la surface, l’enclos de pierres était en ruines.

32 Tango natiaki makanisi na ngai kati na makambo oyo namonaki, nazwaki mayele oyo:

Je contemplai ce spectacle, j’y donnai mon attention, et de cette vue je tirai une leçon:

33 mwa pongi moke, mwa kopema moke, mwa kokanga maboko moke mpo na kolala,

"Ah! dormir encore un peu, rester un peu assoupi, entrelacer un peu les mains pour reposer!"

34 bobola ekoyela yo na pwasa lokola moleki nzela, mpe pasi ekoyela yo lokola moyibi.

"Cependant, la pauvreté s’introduit chez toi comme un rôdeur, et la misère comme un guerrier armé!"