Masese 24

1 Kolulaka te bato oyo basalaka mabe mpe kolukaka te kozala elongo na bango,

Ne soyez pas envieux des hommes mauvais, ni le désir d'être avec eux;

2 pamba te mitema na bango ekanisaka kaka kosala mabe, mpe bibebu na bango eyeisaka kaka mobulu soki elobi.

pour la violence du complot de leurs cœurs et leurs lèvres parlent de méchanceté.

3 Ndako etongamaka na nzela ya bwanya, mpe elendisamaka na nzela ya mayele.

C'est par la sagesse que l'on construit une maison; par l'entendement, il est établi;

4 Bashambre ekotondisama na biloko nyonso ya talo mpe ya kitoko na nzela ya boyebi.

par connaissance les chambres sont remplies avec tous les trésors rares et magnifiques.

5 Moto ya bwanya atondi na nguya, moto oyo azalaka na boyebi alendisaka nguya na ye.

Un homme sage a un grand pouvoir. Un homme bien informé accroît sa force,

6 Pamba te kolonga na etumba esengaka bwanya, mpe lobiko ezalaka kati na motango ebele ya bapesi toli.

car c'est par des conseils avisés que tu fais la guerre, et la victoire est dans de nombreux conseillers.

7 Bwanya ezalaka likolo mingi mpo na zoba, yango wana azalaka te na likambo ya koloba kati na mayangani oyo esalemaka pembeni ya ekuke.

La sagesse est trop élevée pour un fou. Il n'ouvre pas sa bouche dans la porte.

8 Moto oyo asalaka mabongisi ya kosala mabe akokende sango lokola moteki baninga.

Celui qui complote pour faire le mal sera appelé un magouilleur.

9 Mabongisi ya bozoba ezali masumu, mpe bato bayinaka motioli.

Les projets de la folie sont des péchés. Le moqueur est détesté par les hommes.

10 Soki omilembisi na mokolo ya pasi, makasi na yo ekozala pamba.

Si vous chancelez au moment de la détresse, votre force est faible.

11 Kangola bato oyo bazali komema bango na kufa, mpe bikisa bato oyo bazali kokende na kufa lokola bato oyo balangwe masanga.

Sauvez ceux qui sont conduits à la mort! En effet, retenez ceux qui titubent vers le massacre!

12 Soki olobi: « Tala, toyebaki likambo moko te kati na makambo oyo nyonso; » boni, Ye oyo amekaka mitema asosolaka yango te? Ye oyo abatelaka molimo na yo ayebaka yango te? Afutaka te moto na moto kolanda misala na ye?

Si vous dites: « Voici, nous ne savions pas cela, » Celui qui pèse les cœurs ne le considère-t-il pas? Celui qui garde ton âme, ne le sait-il pas? Ne doit-il pas rendre à chacun selon son travail?

13 Mwana na ngai, lia mafuta ya nzoyi, pamba te ezalaka kitoko! Mwa ndambo ya mafuta ya nzoyi ekozala elengi na lolemo na yo.

Mon fils, mange du miel, car il est bon, les excréments du rayon de miel, qui sont doux à votre goût;

14 Yeba lisusu ete bwanya ezali elengi mpo na molimo na yo; soki ozwi yango, yeba ete lobi na yo ekozala malamu, mpe elikya na yo ekozala ya pamba te.

Ainsi tu connaîtras la sagesse pour ton âme. Si vous l'avez trouvé, il y aura une récompense: Votre espoir ne sera pas coupé.

15 Yo moto mabe, komeka te kotia mitambo kati na ndako ya moto ya sembo, mpe komeka te kopanza yango,

Ne fais pas d'embuscades, méchant, contre la demeure des justes. Ne détruisez pas son lieu de repos;

16 pamba te ata soki moto ya sembo akweyi mbala sambo, akotelema kaka; nzokande pasi ekweyisaka moto mabe.

car le juste tombe sept fois et se relève, mais les méchants sont renversés par la calamité.

17 Soki monguna na yo akweyi, kosepela te; mpe soki apengwi, tika ete motema na yo esepela te;

Ne te réjouis pas quand ton ennemi tombe. Ne laissez pas votre cœur se réjouir quand il sera renversé,

18 noki te Yawe akomona, akosepela te mpe akokitisela yo kanda na Ye.

de peur que Yahvé ne le voie et que cela ne lui déplaise, et il détourne de lui sa colère.

19 Kosilika te likolo ya bato oyo basalaka mabe, kolula te bato mabe;

Ne vous inquiétez pas à cause des méchants, ne soyez pas envieux des méchants;

20 pamba te lobi ya malamu ekozala te mpo na moto oyo asalaka mabe, mpe mwinda ya bato mabe ekokufa.

car il n'y aura pas de récompense pour l'homme mauvais. La lampe des méchants sera éteinte.

21 Mwana na ngai, tosaka Yawe mpe mokonzi, kosanganaka te na batomboki,

Mon fils, crains Yahvé et le roi. Ne vous joignez pas à ceux qui sont rebelles,

22 pamba te bango mibale bakoki kotindela batomboki pasi na pwasa. Bongo, nani ayebi pasi oyo bakoki kotinda?

car leur calamité se lève soudainement. Qui sait quelle destruction peut venir de ces deux-là?

23 Makambo oyo mpe ezali toli ya bato ya bwanya: Kopona bilongi, kati na kosambisa, ezali malamu te.

Ce sont là des paroles de sages: Faire preuve de partialité dans le jugement n'est pas bon.

24 Moto oyo alobaka na moto mabe: « Ozali moto ya sembo, » bato bakolakela ye mabe, mpe bikolo ekotombokela ye.

Celui qui dit au méchant: « Tu es juste, » les peuples le maudiront, et les nations l'abhorreront -

25 Kasi bato oyo bapamelaka moto mabe bakozala malamu mpe lipamboli ekozala likolo na bango.

mais il ira bien avec ceux qui condamnent les coupables, et une riche bénédiction viendra sur eux.

26 Eyano ya solo ezali lokola beze ya bibebu.

Une réponse honnête est comme un baiser sur les lèvres.

27 Bongisa libanda ya mosala na yo, bongisa bilanga na yo, bongo na sima, tonga ndako na yo.

Préparez votre travail à l'extérieur, et préparez vos champs. Ensuite, construisez votre maison.

28 Kotatola na pamba te mpo na kosala moninga na yo mabe; mpo na nini olingi kosalela bibebu na yo na lokuta?

Ne sois pas un témoin contre ton prochain sans raison. Ne trompez pas avec vos lèvres.

29 Kolobaka te: « Nakosala ye ndenge asali ngai, nakozongisela ye kolanda makambo oyo ye asali. »

Ne dites pas: « Je lui ferai ce qu'il m'a fait »; Je rendrai à l'homme ce qu'il a fait. »

30 Nalekaki pembeni ya elanga ya moto ya goyigoyi, mpe pembeni ya elanga ya vino ya moto oyo azangi mayele;

Je suis passé par le champ du paresseux, par la vigne de l'homme dépourvu d'intelligence.

31 bongo, tala ndenge etondi na banzube, tala ndenge matiti mabe ezipi yango, mpe mir na yango ya mabanga ebukani.

Voici, elle était couverte d'épines. Sa surface était couverte d'orties, et son mur de pierre a été démoli.

32 Tango natiaki makanisi na ngai kati na makambo oyo namonaki, nazwaki mayele oyo:

Alors j'ai vu, et j'ai bien réfléchi. J'ai vu, et reçu des instructions:

33 mwa pongi moke, mwa kopema moke, mwa kokanga maboko moke mpo na kolala,

un peu de sommeil, un peu d'assoupissement, un petit pliage des mains pour dormir,

34 bobola ekoyela yo na pwasa lokola moleki nzela, mpe pasi ekoyela yo lokola moyibi.

alors ta pauvreté viendra comme un voleur et votre volonté en tant qu'homme armé.