Masese 18

1 Moyimi alukaka kaka kosepelisa baposa na ye, atelemelaka bososoli nyonso.

Celui qui se tient à l’écart ne cherche qu’à contenter sa passion, il s’irrite contre tout sage conseil.

2 Moto oyo azangi mayele asepelaka te kozwa tango ya kokanisa, kasi asepelaka kaka kotalisa makanisi ya motema na ye.

Ce n’est pas l’intelligence qui plaît à l’insensé, c’est la manifestation de ses pensées.

3 Soki moto mabe ayei, kotiola mpe eyaka; soki soni eyei, kofinga mpe eyaka.

Quand vient le méchant, vient aussi le mépris, et avec la honte vient l’opprobre.

4 Maloba ya monoko ya moto ezalaka lokola mayi ya mozindo; etima ya bwanya ezalaka lokola mayi ya ebale oyo etondi makasi.

Les paroles de la bouche de l’homme sont des eaux profondes; la source de la sagesse est un torrent qui déborde.

5 Ezali malamu te kolongisa moto mabe mpe kokweyisa moyengebene, kati na kosambisama.

Il n’est pas bon d’avoir égard à la personne du méchant, pour faire tort au juste dans le jugement.

6 Bibebu ya moto oyo azangi mayele eyeisaka koswana, mpe monoko na ye eyeisaka fimbu.

Les lèvres de l’insensé se mêlent aux querelles et sa bouche provoque les outrages.

7 Monoko ya moto oyo azangi mayele ememelaka ye kufa, mpe bibebu na ye ezalaka motambo mpo na molimo na ye moko.

La bouche de l’insensé cause sa ruine, et ses lèvres sont un piège pour son âme.

8 Maloba ya moto ya songisongi ezalaka lokola bilei ya kitoko, ekitaka na esengo kino na libumu.

Les paroles du rapporteur sont des morceaux friands, elles descendent jusqu’au fond des entrailles.

9 Moto oyo azongaka sima na mosala na ye azali ndeko ya mobebisi.

Celui qui est lâche dans son travail est frère de celui qui va à la perdition.

10 Kombo ya Yawe ezali lokola ndako molayi batonga makasi; moyengebene akimelaka kuna mpe azwaka ebombamelo ya makasi.

Le nom de Yahweh est une tour forte; le juste s’y réfugie et y est en sûreté.

11 Bomengo ya mozwi ezali engumba na ye, oyo batonga makasi; akanisaka ete ezali lokola mir ya molayi.

La fortune du riche est sa ville forte; dans sa pensée, c’est une muraille élevée.

12 Liboso ete moto akweya, motema na ye ekomaka na lolendo; kasi komikitisa eyaka liboso ya nkembo.

Avant la ruine, le cœur de l’homme s’élève, mais l’humilité précède la gloire.

13 Kopesa eyano liboso ya koyoka ezali liboma mpe bozoba.

Celui qui répond avant d’avoir écouté, c’est pour lui folie et confusion.

14 Kimia kati na motema elendisaka moto na tango ya bokono, kasi nani akokoka kolendisa motema oyo etutami?

L’esprit de l’homme le soutient dans la maladie mais l’esprit abattu, qui le relèvera?

15 Motema ya moto ya mayele ezwaka mayele, mpe litoyi ya moto ya bwanya elukaka boyebi.

Un cœur intelligent acquiert la science, et l’oreille des sages cherche la science.

16 Kado efungolelaka moto oyo apesi yango nzela mpe ekotisaka ye liboso ya bato minene.

Le présent d’un homme lui élargit la voie, et l’introduit auprès des grands.

17 Moto ya liboso na kosamba amonanaka lokola nde alongi; kasi soki moto oyo azali kosamba na ye ayei, akotelemela ye.

Le premier qui expose sa cause paraît juste; vient la partie adverse, et on examine le différend.

18 Zeke esilisaka koswana mpe ekataka makambo kati na bato ya makasi.

Le sort fait cesser les contestations, et décide entre les puissants.

19 Kokota lisusu na motema ya ndeko oyo osali mabe ezalaka pasi koleka kokota na engumba batonga makasi; mpe koswana na moto ezali lokola kokanga bikuke ya ndako batonga makasi na bibende ya minene.

Un frère ennemi de son frère résiste plus qu’une ville forte, et leurs querelles sont comme les verrous d’un palais.

20 Moto atondisaka libumu na ye na nzela ya mbuma ya monoko na ye mpe akotonda na lifuti ya bibebu na ye.

C’est du fruit de la bouche de l’homme que se nourrit son corps, du produit de ses lèvres qu’il se rassasie.

21 Kufa mpe bomoi ezali na se ya nguya ya lolemo; moto oyo alingaka lolemo akolia mbuma na yango.

La mort et la vie sont au pouvoir de la langue; suivant son choix, on mangera ses fruits.

22 Mobali oyo azwi mwasi ya malamu azwi bomengo, azwi ngolu kowuta epai na Yawe.

Celui qui trouve une femme trouve le bonheur; c’est une faveur qu’il a reçue de Yahweh.

23 Mobola alobaka na mongongo ya kobondela, kasi mozwi azongisaka eyano na lolendo.

Le pauvre parle en suppliant, et le riche répond durement.

24 Moto oyo azalaka na balingami ebele amitiaka na pasi, kasi ezali na molingami moko ya motema, oyo aleki ata ndeko.

L’homme aux nombreux amis les a pour sa perte, mais il est tel ami plus attaché qu’un frère.