Masese 17
1 Kolia na kimia ndambo ya lipa ya kokawuka ezali malamu koleka kovanda na ndako etonda na misuni elongo na koswana.
| טוב פת חרבה ושלוה בה מבית מלא זבחי ריב׃ |
2 Mosali ya bwanya akozala na bokonzi likolo ya mwana mobali oyo asalaka soni, mpe akozwa libula elongo na bandeko.
| עבד משכיל ימשל בבן מביש ובתוך אחים יחלק נחלה׃ |
3 Bapetolaka palata na kikalungu, mpe bapetolaka wolo na fulu ya moto makasi, kasi ezali Yawe nde amekaka mitema.
| מצרף לכסף וכור לזהב ובחן לבות יהוה׃ |
4 Moto oyo asalaka mabe ayokaka maloba ya bato mabe, mokosi apesaka litoyi na ye na maloba ya lokuta.
| מרע מקשיב על שפת און שקר מזין על לשון הות׃ |
5 Moto oyo anyokolaka mobola anyokolaka Mokeli ya mobola yango; moto oyo asepelaka na pasi ya moninga akozanga te kozwa etumbu.
| לעג לרש חרף עשהו שמח לאיד לא ינקה׃ |
6 Bakitani bazali motole ya bakoko, mpe baboti bazali lokumu ya bana.
| עטרת זקנים בני בנים ותפארת בנים אבותם׃ |
7 Ndenge maloba ya lokumu ebongi te mpo na moto mabe, ndenge mpe maloba ya lokuta ebongi te mpo na mokonzi.
| לא נאוה לנבל שפת יתר אף כי לנדיב שפת שקר׃ |
8 Kanyaka ezalaka lokola kisi na miso ya moto oyo azali na yango; alongaka na esika nyonso oyo akendaka.
| אבן חן השחד בעיני בעליו אל כל אשר יפנה ישכיל׃ |
9 Moto oyo abombaka mabe alukaka bolingo, kasi moto oyo azongelaka yango tango nyonso akabolaka bato oyo balingani.
| מכסה פשע מבקש אהבה ושנה בדבר מפריד אלוף׃ |
10 Pamela ezalaka na litomba mpo na moto ya mayele, kasi kobeta zoba bafimbu nkama moko ezalaka na litomba te.
| תחת גערה במבין מהכות כסיל מאה׃ |
11 Moto mabe alukaka kaka kotomboka, kasi bakotindela ye ntoma ya motema mabe mpo na kotelemela ye.
| אך מרי יבקש רע ומלאך אכזרי ישלח בו׃ |
12 Kokutana na ngombolo oyo babotoli bana ezali malamu koleka kokutana na zoba oyo azali kati na bolema.
| פגוש דב שכול באיש ואל כסיל באולתו׃ |
13 Pasi etikaka ata moke te ndako ya moto oyo azongisaka mabe mpo na malamu.
| משיב רעה תחת טובה לא תמיש רעה מביתו׃ |
14 Kobanda koswana ezali lokola kofungola nzela ya mayi; tika na yo liboso ete kobendana ekoma makasi.
| פוטר מים ראשית מדון ולפני התגלע הריב נטוש׃ |
15 Moto oyo alongisaka bato mabe mpe moto oyo akweyisaka bato ya sembo bazali, bango mibale, nkele na miso ya Yawe.
| מצדיק רשע ומרשיע צדיק תועבת יהוה גם שניהם׃ |
16 Mpo na nini mbongo ezala na maboko ya zoba? Mpo ete asomba bwanya wana azali na posa na yango te!
| למה זה מחיר ביד כסיל לקנות חכמה ולב אין׃ |
17 Molingami alingaka tango nyonso, mpe akomaka ndeko na tango ya pasi.
| בכל עת אהב הרע ואח לצרה יולד׃ |
18 Moto oyo azangi mayele abetaka tolo mpo na kondima baniongo ya mopaya.
| אדם חסר לב תוקע כף ערב ערבה לפני רעהו׃ |
19 Moto oyo alingaka koswana alingaka masumu; moto oyo atongaka ekuke na ye na likolo amilukelaka kokweya.
| אהב פשע אהב מצה מגביה פתחו מבקש שבר׃ |
20 Moto ya motema mabe abongaka te, mpe moto ya lolemo ya lokuta akomona pasi.
| עקש לב לא ימצא טוב ונהפך בלשונו יפול ברעה׃ |
21 Kozala na mwana ya zoba esalaka pasi na motema, mpe tata ya moto ya liboma akotikala kozala na esengo te.
| ילד כסיל לתוגה לו ולא ישמח אבי נבל׃ |
22 Motema ya esengo ebikisaka nzoto, kasi motema oyo etutami ebukaka mikuwa.
| לב שמח ייטב גהה ורוח נכאה תיבש גרם׃ |
23 Moto mabe azwaka kanyaka na nkuku mpo na kobebisa nzela ya bosembo.
| שחד מחיק רשע יקח להטות ארחות משפט׃ |
24 Bwanya emonanaka na elongi ya moto ya mayele, kasi miso ya zoba ekendaka kino na suka ya mokili.
| את פני מבין חכמה ועיני כסיל בקצה ארץ׃ |
25 Mwana oyo azangi mayele apesaka tata na ye mawa, mpe ayokisaka mama na ye pasi na motema.
| כעס לאביו בן כסיל וממר ליולדתו׃ |
26 Ezali malamu te kopesa moto ya sembo etumbu, mpe ezali malamu te kobeta bato ya lokumu na miso ya bosembo.
| גם ענוש לצדיק לא טוב להכות נדיבים על ישר׃ |
27 Moto oyo abatelaka monoko na ye azali na boyebi; moto oyo alengaka-lengaka te azali mayele.
| חושך אמריו יודע דעת וקר רוח איש תבונה׃ |
28 Ezala moto ya liboma, soki avandi kimia, amonanaka lokola moto ya bwanya; moto oyo akangaka monoko na ye amonanaka lokola moto ya mayele.
| גם אויל מחריש חכם יחשב אטם שפתיו נבון׃ |
