Bileli 4
1 Ndenge nini wolo ebungisi kongenga na yango, wolo ya peto enzuluki! Mabanga ya talo oyo ya bule epanzani na basonge ya babalabala nyonso.
黄金何其失光！ 纯金何其变色！ 圣所的石头倒在各市口上。
2 Ndenge nini bana mibali ya motuya ya Siona, oyo, na kala, bazalaki kozwa bango lokola wolo ya peto, kasi bakomi lelo komona bango lokola mbeki ya mabele, oyo mosali mbeki basili kosala!
锡安宝贵的众子好比精金， 现在何竟算为窑匠手所做的瓦瓶？
3 Ata mbwa ya zamba ezalaka na posa ya komelisa bana na yango mabele; kasi bato na ngai bakomi mitema makasi lokola maligbanga kati na esobe.
野狗尚且把奶乳哺其子， 我民的妇人倒成为残忍， 好像旷野的鸵鸟一般。
4 Likolo ya nzala, lolemo ya mwana ekangami na likolo ya kati ya monoko na ye; bana mike bazali kosenga bilei kasi moto moko te azali kopesa bango yango.
吃奶孩子的舌头因干渴贴住上膛； 孩童求饼，无人擘给他们。
5 Bato oyo na kala bazalaki kolia bilei ya kitoko bakomi kokufakufa na babalabala; ba-oyo bakolaki na molato ya motane bakomi sik’oyo kolalela matiti ya kopola.
素来吃美好食物的， 现今在街上变为孤寒； 素来卧朱红褥子的， 现今躺卧粪堆。
6 Lisumu oyo bato na ngai basali ezali monene koleka lisumu ya Sodome, engumba oyo ebebisamaki na mbala moko wana moto moko te asembolaki loboko na ye mpo na kotelemela yango.
都因我众民的罪孽比所多玛的罪还大； 所多玛虽然无人加手于她， 还是转眼之间被倾覆。
7 Bana ya bakonzi na bango bazalaki kongala koleka mvula ya pembe, pembe koleka miliki; banzoto na bango ezalaki motane koleka langi ya motane penza, mpe lolenge na bango ezalaki lokola libanga na safiri.
锡安的贵胄素来比雪纯净， 比奶更白； 他们的身体比红宝玉更红， 像光润的蓝宝石一样。
8 Bilongi na bango ekomi mwindo koleka makala, bazali koyeba bango lisusu te na babalabala; poso na bango ya nzoto ekangami na mikuwa, ekawuki lokola koni.
现在他们的面貌比煤炭更黑， 以致在街上无人认识； 他们的皮肤紧贴骨头， 枯干如同槁木。
9 Bato oyo bakufi na mopanga bazali malamu koleka ba-oyo bakufi na nzala: banzulukaka mpe bakondaka makasi mpo na nzala, mpo na kozanga bilei kowuta na bilanga.
饿死的不如被刀杀的， 因为这是缺了田间的土产， 就身体衰弱，渐渐消灭。
10 Basi ya mitema malamu balambi, na maboko na bango, bana na bango moko; bana na bango bakomi bilei na bango kati na pasi oyo ekomeli bato na ngai.
慈心的妇人，当我众民被毁灭的时候， 亲手煮自己的儿女作为食物。
11 Yawe asilikaki makasi koleka; asopaki kanda na Ye mpe apelisaki moto kati na Siona, moto oyo ezikisaki miboko na yango.
耶和华发怒成就他所定的， 倒出他的烈怒； 在锡安使火着起， 烧毁锡安的根基。
12 Bakonzi ya mabele mpe bikolo mosusu ya mokili bandimaki te ete banguna mpe bayini bakokaki kokota na bikuke ya Yelusalemi.
地上的君王和世上的居民都不信 敌人和仇敌能进耶路撒冷的城门。
13 Kasi makambo wana esalemaki mpo na masumu ya basakoli ya Yelusalemi mpe mabe ya Banganga-Nzambe na yango, oyo basopaki kati na yango makila ya bato ya sembo.
这都因她先知的罪恶和祭司的罪孽； 他们在城中流了义人的血。
14 Bakomaki sik’oyo koyengayenga na babalabala lokola bakufi miso, bakomaki mbindo na makila mpe moto moko te akokaki kosimba bilamba na bango.
他们在街上如瞎子乱走， 又被血玷污， 以致人不能摸他们的衣服。
15 Bato bazali koganga mpe koloba na bango: « Bolongwa awa, bato ya mbindo! Bolongwa awa, bolongwa awa, bosimba biso te! » Wana bazalaki kokima mpe kotelengana, bato ya bikolo mosusu bazalaki koloba: « Bavanda na esika oyo te! »
人向他们喊着说： 不洁净的，躲开，躲开！ 不要挨近我！ 他们逃走飘流的时候， 列国中有人说： 他们不可仍在这里寄居。
16 Yawe, Ye moko, apanzi bango, azali kotala bango lisusu te. Bapesaki Banganga-Nzambe lokumu te mpe bayokelaki mibange mawa te.
耶和华发怒，将他们分散， 不再眷顾他们； 人不重看祭司，也不厚待长老。
17 Miso na biso elembaki lisusu mpo na kozela na pamba lisungi; wuta na bandako milayi na biso ya kotalela na mosika, tozalaki kotala wana tozalaki kozela lisungi kowuta na ekolo songolo mpe pakala, kasi ebikisaki biso te.
我们仰望人来帮助， 以致眼目失明，还是枉然； 我们所盼望的，竟盼望一个不能救人的国！
18 Banguna na biso bazalaki kolanda matambe na biso; boye tokokaki lisusu te kotambola na babalabala na biso. Suka na biso ekomaki pene, mikolo na biso ekomaki ya kotanga, mpo ete tokomaki na suka.
仇敌追赶我们的脚步像打猎的， 以致我们不敢在自己的街上行走。 我们的结局临近； 我们的日子满足； 我们的结局来到了。
19 Bato oyo bazalaki kolanda biso bazalaki mbangu koleka mpongo, na likolo; bazalaki kolanda biso na likolo ya bangomba mpe kotiela biso mitambo kati na esobe.
追赶我们的比空中的鹰更快； 他们在山上追逼我们， 在旷野埋伏，等候我们。
20 Mopakolami na Yawe, oyo totielaki motema akangami na mitambo na bango; nzokande tozalaki kokanisa boye na tina na ye: « Tokobika bomoi malamu na se ya bobatelami na ye kati na bikolo. »
耶和华的受膏者好比我们鼻中的气， 在他们的坑中被捉住； 我们曾论到他说： 我们必在他荫下， 在列国中存活。
21 Edomi, mboka kitoko, movandi ya mokili ya Utsi, sepela, zala na esengo! Kasi yo mpe, bakopesa yo kopo; okomela, okolangwa mpe okotikala bolumbu.
住乌斯地的以东民哪，只管欢喜快乐； 苦杯也必传到你那里； 你必喝醉，以致露体。
22 Siona, mboka kitoko, etumbu na yo ekosila; Nzambe akomema yo lisusu na bowumbu te. Kasi yo Edomi, mboka kitoko, Nzambe akopesa yo etumbu mpo na mabe na yo, mpe akobimisa masumu na yo na polele.
锡安的民哪，你罪孽的刑罚受足了， 耶和华必不使你再被掳去。 以东的民哪，他必追讨你的罪孽， 显露你的罪恶。
