Bileli 3
1 Nazali moto oyo amona pasi na nzela ya fimbu ya kanda na Ye.
I am the man who hath seen affliction by the rod of his wrath.
2 Amemaki ngai mpe atambolisaki ngai kati na molili, kasi na pole te.
Me hath he driven out, and led into darkness, but not into light.
3 Solo, mokolo mobimba, azalaki kobalola loboko na Ye mpo na kotelemela ngai tango nyonso.
Surely against me doth he turn again and again his hand all the day.
4 Abebisaki nzoto na ngai mpe poso na yango, abukaki mikuwa na ngai.
He hath caused my flesh and my skin to wear out, he hath broken my bones.
5 Mpo na kotelemela ngai, atongaki zingazinga na ngai mir ya ngenge mpe ya pasi.
He hath built around me, and encompassed me with poison and hardship.
6 Atongelaki ngai ndako ya kovanda kati na molili, lokola bato ya tango ya kala oyo bakufa.
In dark places hath he set me to dwell, like the dead of olden times.
7 Azingelaki ngai na bamir mpo ete nakima te; akangaki ngai na minyololo ya kilo.
He hath placed a fence round about me, that I cannot get out; he hath made heavy my chain.
8 Ezala soki nabeleli mpo na kosenga lisungi, azali koyoka libondeli na ngai te.
Also when I cry aloud and make entreaty, he shutteth out my prayer.
9 Akangaki nzela na ngai na mabanga minene mpe abebisaki banzela na ngai ya mike.
He hath fenced up my ways with hewn stone, my paths hath he made crooked.
10 Azalaki mpo na ngai lokola ngombolo oyo ebongami, lokola nkosi oyo ebombameli ngai;
A bear lying in wait is he to me, a lion in secret places.
11 apengwisaki ngai nzela, apasolaki ngai mpe akomisaki ngai eloko ya pamba.
On my ways hath he placed thorns, and torn me in pieces: he hath made me desolate.
12 Abendaki tolotolo na Ye mpe akomisaki ngai esika na Ye ya kobamba makonga.
He hath bent his bow, and placed me as a mark for the arrow.
13 Atobolaki motema na ngai, na makonga oyo ewutaki na libenga na Ye.
He hath caused to enter into my reins the children of his quiver.
14 Nakomaki eloko ya liseki na miso ya bato na ngai nyonso; bazalaki tango nyonso kotiola ngai na banzembo.
I am become a laughing-stock to all my people, their [jeering] song all the day.
15 Atondisaki ngai na matiti ya bololo mpe alangwisaki ngai na masanga ya bololo.
He hath sated me with bitter things, he hath made me drunken with wormwood.
16 Abukaki minu na ngai na mabanga, azindisaki ngai na putulu.
He hath also broken my teeth with gravel-stones, he hath covered me with ashes.
17 Nazangaki kimia, nayebaki lisusu te nini yango bolamu.
And my soul hath given up all thoughts of peace: I forget happiness.
18 Boye nalobaki: « Lokumu mpe makambo nyonso oyo natielaki elikya na Yawe esili! »
And I said, Lost is my strength, my expectation also from the Lord.
19 Nakanisi pasi mpe minyoko na ngai, ezali lokola ngenge mpe masanga ya bololo.
Remembering my affliction and [the cause of] my complaint, wormwood and poison.
20 Tango nyonso nakanisaka yango, motema na ngai ebukanaka.
Remembering [this] continually my soul is bowed down deeply within me.
21 Nzokande, tala makambo oyo nakanisaka; oyo mpo na yango, nazalaka na elikya:
[Yet] this answer will I give to my heart: therefore will I wait [in confidence].
22 Bolamu ya Yawe esili te, mawa na Ye ekomi nanu na suka te;
It is through the Lord's kindness that we are not consumed, because his mercies have no end;
23 ekomaka ya sika tongo nyonso. Solo, boyengebene na Yo ezali monene!
They are new every morning: great is thy faithfulness.
24 Namilobeli: « Yawe azali elikya na ngai; yango wana nakotia motema epai na Ye. »
The Lord is my portion, saith my soul, therefore will I wait for him.
25 Yawe azali malamu mpo na bato oyo batielaka Ye elikya, mpo na bato oyo balukaka Ye!
The Lord is good unto those that hope in him, to the soul that seeketh him.
26 Ezali malamu kozela na kimia lobiko kowuta na Yawe!
It is good that one should wait and this in silence for the salvation of the Lord.
27 Ezali malamu mpo na moto komema ekangiseli na ye wana azali nanu elenge.
It is good for a man that he bear the yoke in his youth;
28 Tika ete avanda kimia mpe avanda ye moko, pamba te Yawe nde alingi bongo mpo na ye.
That he sit in solitude and be silent; because He hath laid it upon him;
29 Tika ete atia elongi na ye na mabele: tango mosusu elikya ekoki kozala.
That he put his mouth in the dust; perhaps there still is hope;
30 Tika ete apesa litama mpo ete babeta ye mbata, mpe tika ete atonda na soni!
That he offer his cheek to him that smiteth him; that he be satisfied with reproach.
31 Pamba te Nkolo abwakaka moto te mpo na libela.
For the Lord will not cast off for ever;
32 Ezala soki apesi etumbu, ayokaka kaka mawa mpo na bolingo monene na Ye.
But though he have caused grief, yet will he have mercy according to the abundance of his kindnesses.
33 Ezalaka na esengo te nde Yawe ayokisaka bato soni to atindelaka bato pasi.
For he doth not afflict of his own will, and aggrieve the children of men.
34 Tango banyataka na makolo bakangami nyonso ya mokili,
To crush under his feet all the prisoners of the earth,
35 tango babebisaka lokumu ya moto na miso ya Ye-Oyo-Aleki-Likolo,
To pervert the justice [due to man] before the face of the Most High.
36 tango banyokolaka moto kati na kosambisama, boni, Nkolo amonaka yango te?
To subvert a man in his contest—should the Lord not see this?
37 Nani akoki kaka kobimisa liloba mpo ete likambo esalema soki Nkolo apesi yango nzela te?
Who is he that saith aught, and it cometh to pass, when the Lord hath not ordained it?
38 Boni, ezali te wuta na monoko ya Ye-Oyo-Aleki-Likolo nde pasi mpe bolamu ekomelaka bato?
Do not out of the mouth of the Most High come both the evil things and the good?
39 Mpo na nini moto na bomoi amilela-lela tango bapesi ye etumbu likolo ya masumu na ye?
Wherefore should a living man complain? let every man complain because of his sins.
40 Tokota na mozindo ya kososola banzela na biso mpe totala malamu etamboli na biso, bongo tozonga epai na Yawe;
Let us search through and investigate our ways, and let us return to the Lord.
41 totombola mitema mpe maboko na biso epai ya Nzambe oyo azali na Lola mpe toloba:
Let us lift up our heart with our hands unto God in the heavens.
42 « Tosalaki masumu mpe totombokelaki Yo, yango wana olimbisaki te.
We have indeed transgressed and rebelled: thou hast truly not pardoned.
43 Omizipaki na kanda ndenge bamizipaka liputa, onyokolaki biso mpe obomaki na mawa te.
Thou hast covered [us] with thy anger, and made pursuit after us: thou hast slain, thou hast not pitied.
44 Omizipaki lipata mpo ete mabondeli edusola te.
Thou hast covered thyself with a cloud, that no prayer should pass through.
45 Okomisaki biso lokola eloko ya nkele mpe ya tina te na miso ya bikolo.
As something loathsome and rejected hast thou rendered us in the midst of the people.
46 Banguna na biso nyonso bafungolaki minoko mpo na kotiola biso;
Wide have all our enemies opened against us their mouth.
47 libula na biso ekomi: somo, mabulu, kobebisama mpe kufa. »
Terror and a snare are come upon us, [with] desolation and breaches.
48 Miso na ngai ezali kosopa miluka ya mpinzoli mpo ete bato na ngai babebisami.
With streams of water runneth my eye down, because of the breach of the daughter of my people.
49 Miso na ngai ezali kobimisa mpinzoli tango nyonso mpe ezali kolemba te,
My eye trickleth down, and resteth not, without any intermission,
50 kino tango Yawe akotala mpe akomona wuta kuna na Lola.
Till the Lord look down, and behold from heaven.
51 Makambo oyo miso na ngai ezali komona ezali koyokisa motema na ngai pasi likolo na bana basi nyonso ya engumba na ngai.
My eye affecteth my soul because of all the daughters of my city.
52 Bato oyo bayinaka ngai na pamba balukaki kokanga ngai lokola ndeke;
Those who are my enemies, without a cause, have chased me about like a bird.
53 balukaki koboma ngai kati na libulu, babwakelaki ngai mabanga;
They have shut up in the dungeon my life, and have cast stones upon me.
54 mayi etondaki kino kozipa moto na ngai mpe nakanisaki ete nakomi pene ya kokufa.
Waters streamed over my head: I said, I am cut off.
55 Nabelelaki Kombo na Yo, Yawe, wuta na mozindo ya libulu.
I called on thy name, O Lord, out of the dungeon of the lowest depth.
56 Oyokaki ngai libondeli na ngai: « Kokanga matoyi na Yo te wana nazali kobelela Yo mpo ete oyoka kolela na ngai mpe nazwa lisungi kowuta na Yo! »
Thou didst hear my voice: hide not thy ear to give me enlargement at my cry.
57 Tango nabelelaki Yo, opusanaki pene na ngai mpe olobaki: « Kobanga te! »
Thou wast ever near on the day that I called on thee: thou saidst, Fear not.
58 Nkolo, obundelaki ngai solo, osikolaki bomoi na ngai!
Thou didst plead, O Lord, the causes of my soul: thou didst [before this] redeem my life.
59 Yawe, omonaki mabe oyo basalaki ngai: longisa ngai!
Thou hast [now] seen, O Lord, the wrong I suffer: judge thou my cause.
60 Omonaki solo posa na bango ya kozongisa mabe na mabe mpe mabongisi na bango ya kosala ngai mabe.
Thou hast seen all their vengeance, all their plans against me.
61 Yawe, oyokaki mafinga na bango, mabongisi na bango ya kosala ngai mabe,
Thou hast heard their reviling, O Lord, all their plans against me,
62 maloba ya bayini na ngai mpe makanisi na bango ya kosala ngai mabe.
The speeches of these that rise up against me, and their device against me all the day.
63 Tala mpe mona bango! Ezala bavandi to batelemi, mosala na bango: kotiola ngai na banzembo na bango.
Oh look upon their sitting down, and their rising up: I am their [jeering] song.
64 Yawe, pesa bango lifuti oyo ekoki na bango kolanda misala na bango;
Render unto them a recompense, O Lord, according to the work of their hands.
65 yeisa mitema na bango makasi, kweyisela bango bilakeli mabe na Yo;
Give them confusion of heart, thy curse he upon them.
66 nyokola bango na kanda makasi na Yo mpe bebisa bango na se ya Lola na Yo, Yawe!
Pursue them in anger and destroy from under the heavens of the Lord.
