Yobo 5
1 Ganga na yo, soki olingi! Nani akoyanola yo? Okotombokela mosantu nini?
CALL now, if there be any that will answer thee; and to which of the saints wilt thou turn?
2 Kotomboka ebomaka moto oyo azangi mayele, zuwa ebomaka zoba.
For wrath killeth the foolish man, and envy slayeth the silly one.
3 Solo, namonaki zoba kozwa misisa; kasi, mbala moko, nalakelaki ndako na ye mabe:
I have seen the foolish taking root: but suddenly I cursed his habitation.
4 ‹ Tika ete bana na ye ya mibali bazanga lisungi, balonga te na kosambisama mpe bazangela moto oyo akobundela bango!
His children are far from safety, and they are crushed in the gate, neither is there any to deliver them.
5 Tika ete moto oyo azali na nzala asilisa mbuma ya elanga na ye, akamata yango kino kati na basende; mpe tika ete moto ya lokoso asilisa bomengo na ye! ›
Whose harvest the hungry eateth up, and taketh it even out of the thorns, and the robber swalloweth up their substance.
6 Pamba te pasi ewutaka na putulu te, mpe minyoko ewutaka na mabele te;
Although affliction cometh not forth of the dust, neither doth trouble spring out of the ground;
7 moto abotamaka mpo na komona pasi, ndenge kaka mikalikali ebimaka mpo na kopanzana na likolo.
Yet man is born unto trouble, as the sparks fly upward.
8 Kasi soki ezalaki ngai, nalingaki komimonisa liboso ya Nzambe, nalingaki kotalisa Ye likambo na ngai.
I would seek unto God, and unto God would I commit my cause:
9 Nzambe asalaka makambo minene oyo bato bakokaka kososola te, mpe bikamwa oyo bato bakokaka kotanga te;
Which doeth great things and unsearchable; marvellous things without number:
10 anokisaka mvula na mokili, mpe atindaka mayi na bilanga;
Who giveth rain upon the earth, and sendeth waters upon the fields:
11 atombolaka bato oyo babwakama, mpe apesaka esengo na bato oyo bazali kolela;
To set up on high those that be low; that those which mourn may be exalted to safety.
12 abebisaka mabongisi ya bato oyo bazalaka na mayele mabe, mpe maboko na bango ekokisaka te mikano na bango;
He disappointeth the devices of the crafty, so that their hands cannot perform their enterprise.
13 akangaka bato ya bwanya kati na mitambo ya mayele mabe na bango, mpe abebisaka mabongisi ya bakosi.
He taketh the wise in their own craftiness: and the counsel of the froward is carried headlong.
14 Molili eyelaka bango na moyi; na moyi makasi, batambolaka na kotepatepa lokola na butu.
They meet with darkness in the daytime, and grope in the noonday as in the night.
15 Nzambe abikisaka mobola na mopanga ya monoko na bango, akangolaka moto akelela na loboko ya moto ya makasi.
But he saveth the poor from the sword, from their mouth, and from the hand of the mighty.
16 Boye, mobola asengeli kozala na elikya, mpe moto oyo atambolaka na bosembo te asengeli kokanga monoko.
So the poor hath hope, and iniquity stoppeth her mouth.
17 Esengo na moto oyo Nzambe apameli! Kotiolaka te pamela ya Nkolo-Na-Nguya-Nyonso.
Behold, happy is the man whom God correcteth: therefore despise not thou the chastening of the Almighty:
18 Pamba te azokisaka pota, kasi atiaka yango mpe kisi; abetaka, kasi loboko na Ye ebikisaka.
For he maketh sore, and bindeth up: he woundeth, and his hands make whole.
19 Mbala motoba, akobikisa yo na pasi; mpe na mbala ya sambo, mabe ekokomela yo te.
He shall deliver thee in six troubles: yea, in seven there shall no evil touch thee.
20 Akokangola yo na kufa, na tango ya nzala makasi; mpe akobikisa yo na nguya ya mopanga, kati na bitumba.
In famine he shall redeem thee from death: and in war from the power of the sword.
21 Okobatelama liboso ya fimbu ya lolemo, okobanga kobebisama te tango ekoya;
Thou shalt be hid from the scourge of the tongue: neither shalt thou be afraid of destruction when it cometh.
22 okoseka kobebisama mpe nzala makasi, mpe okobanga te banyama ya mokili;
At destruction and famine thou shalt laugh: neither shalt thou be afraid of the beasts of the earth.
23 pamba te okozala na boyokani elongo na mabanga ya bilanga, mpe banyama ya zamba ekozala na kimia elongo na yo.
For thou shalt be in league with the stones of the field: and the beasts of the field shall be at peace with thee.
24 Okososola ete ndako na yo ezali na kimia; tango okotala bibwele kati na lopango na yo, okomona ete ata moko te ezangi.
And thou shalt know that thy tabernacle shall be in peace; and thou shalt visit thy habitation, and shalt not sin.
25 Okososola ete bana na yo bakozala ebele, mpe bakitani na yo, lokola matiti ya mabele.
Thou shalt know also that thy seed shall be great, and thine offspring as the grass of the earth.
26 Okokita na kunda na kimobange makasi, ndenge batelemisaka maboke ya matiti na tango na yango.
Thou shalt come to thy grave in a full age, like as a shock of corn cometh in in his season.
27 Toyekolaki likambo yango malamu: ezali penza bongo. Boye, yoka yango mpe salela yango mpo na bolamu na yo! »
Lo this, we have searched it, so it is; hear it, and know thou it for thy good.
