Yobo 40
1 Yawe ayanolaki Yobo:
| ויען יהוה את-איוב ויאמר |
2 « Boni, moto oyo atiaka tembe na Nkolo-Na-Nguya-Nyonso akoki koteya Ye? Tika ete oyo azali koswanisa Nzambe ayanola Ye! »
| הרב עם-שדי יסור מוכיח אלוה יעננה |
3 Yobo azongiselaki Yawe:
| ויען איוב את-יהוה ויאמר |
4 « Tala ngai, nazali se ekelamu ya pamba, eyano nini nakoki kopesa Yo? Natie loboko na ngai na monoko.
| הן קלתי מה אשיבך ידי שמתי למו-פי |
5 Nalobaki mbala moko, kasi nakoyanola lisusu te; na mbala ya mibale, nakobakisa lisusu eloko te. »
| אחת דברתי ולא אענה ושתים ולא אוסיף |
6 Yawe alobaki na Yobo wuta na mopepe makasi:
| ויען-יהוה את-איוב מנסערה (מן סערה) ויאמר |
7 « Kanga mokaba na loketo na yo lokola elombe mobali; nakotuna yo mituna, mpe okoyanola ngai.
| אזר-נא כגבר חלציך אשאלך והודיעני |
8 Olingi kotiola bosembo na ngai? Okani kokweyisa ngai mpo ete yo moko omilongisa?
| האף תפר משפטי תרשיעני למען תצדק |
9 Ozali na loboko lokola oyo ya Nzambe? Mongongo na yo ekoki konguluma makasi lokola oyo ya Ye?
| ואם-זרוע כאל לך ובקול כמהו תרעם |
10 Lata nkembo mpe kongenga, milatisa lokumu mpe monene!
| עדה נא גאון וגבה והוד והדר תלבש |
11 Sopa nguya ya kanda na yo likolo ya bato, tala bato nyonso ya lolendo liboso na yo mpe kitisa bango!
| הפץ עברות אפך וראה כל-גאה והשפילהו |
12 Tala bato nyonso ya lolendo, yokisa bango soni! Nyata-nyata bato mabe na esika oyo bazali.
| ראה כל-גאה הכניעהו והדך רשעים תחתם |
13 Kunda bango nyonso kati na putulu, zipa bilongi na bango na esika ya kobombama.
| טמנם בעפר יחד פניהם חבש בטמון |
14 Boye, ngai moko nakopesa yo lokumu, pamba te loboko na yo ya mobali ekoki mpo na kobikisa yo.
| וגם-אני אודך כי-תושע לך ימינך |
15 Tala ngubu: nakelaki yango ndenge nakelaki yo, kasi eliaka kaka matiti lokola ngombe.
| הנה-נא בהמות אשר-עשיתי עמך חציר כבקר יאכל |
16 Tala makasi oyo ezali kati na loketo na yango, nguya oyo ezali kati na misuni ya libumu na yango!
| הנה-נא כחו במתניו ואונו בשרירי בטנו |
17 Ekembisaka mokila na yango lokola nzete ya sedele; misisa ya mipende na yango elingama-lingama;
| יחפץ זנבו כמו-ארז גידי פחדו ישרגו |
18 mikuwa na yango ezali lokola bibende ya bronze; mipanzi na yango ezali lokola biteni ya bibende.
| עצמיו אפיקי נחשה גרמיו כמטיל ברזל |
19 Ezali ekelamu ya liboso ya Nzambe, kasi Mokeli na yango atieli yango mopanga pene.
| הוא ראשית דרכי-אל העשו יגש חרבו |
20 Ngomba ezali kopesa yango matiti ya kolia, esika oyo banyama nyonso ya zamba esakanaka.
| כי-בול הרים ישאו-לו וכל-חית השדה ישחקו-שם |
21 Elalaka na se ya banzete ya mike-mike, na se ya matiti oyo ezalaka pembeni ya mayi mpe na potopoto.
| תחת-צאלים ישכב-- בסתר קנה ובצה |
22 Banzete ya mike-mike ebombaka yango na se ya elili na yango, banzete ya pepiliye ezingeli yango.
| יסכהו צאלים צללו יסבוהו ערבי-נחל |
23 Soki mayi ya ebale etomboki, yango ebangaka te; ata mayi ya Yordani esopaneli yango na monoko, evandaka kaka kimia.
| הן יעשק נהר לא יחפוז יבטח כי-יגיח ירדן אל-פיהו |
24 Boni, moto akoki kokanga yango na motambo na tango ezali kotala to kotobola yango zolo na ndobo, mpo na kobenda yango?
| בעיניו יקחנו במוקשים ינקב-אף |
