Yobo 39

1 Oyebi tango nini bantaba ya ngomba ebotaka? Osila komona ndenge mboloko ebotaka?

Connais-tu le temps où les chèvres sauvages font leurs petits? As-tu observé les biches quand elles mettent bas?

2 Osila kotanga basanza oyo ewumelaka na zemi? Oyebi tango oyo ebotaka?

As-tu compté les mois de leur portée, et connais-tu l’époque de leur délivrance?

3 Ekogumbama, ekobota bana na yango mpe ekolongwa na pasi na yango ya kobota.

Elles se mettent à genoux, déposent leurs petits, et sont quittes de leurs douleurs.

4 Bana na yango ekozwa makasi, ekokola na libanda, ekokende mosika mpe ekozonga lisusu te.

Leurs faons se fortifient et grandissent dans les champs; ils s’en vont, et ne reviennent plus.

5 Nani akangoli ane ya zamba? Nani apesi yango bonsomi?

Qui a lâché l’onagre en liberté, qui a brisé les liens de l’âne sauvage,

6 Ngai nde napesi yango esobe lokola ndako, mpe mabele ya mungwa lokola esika ya kovanda.

à qui j’ai donné le désert pour maison, pour demeure la plaine salée?

7 Esekaka makelele ya bingumba mpe eyokaka te mongongo ya motambolisi ya mpunda.

Il méprise le tumulte des villes, il n’entend pas les cris d’un maître.

8 Etambolaka na ngomba mpo na koluka bilei mpe elukaka na bokebi matiti nyonso ya mobesu.

Il parcourt les montagnes pour trouver sa pâture, il y poursuit les moindres traces de verdure.

9 Mpakasa ekoki kondima kosalela yo? Ekoki kolekisa butu na elielo na yo ya banyama?

Le buffle voudra-t-il te servir, ou bien passera-t-il la nuit dans son étable?

10 Okoki kokanga mpakasa na singa ya ebende oyo ebalolaka mabele? Ekoki kolanda yo mpo na kotondisa mabwaku na mabele?

L’attacheras-tu avec une corde au sillon, ou bien hersera-t-il derrière toi dans les vallées?

11 Okotia solo elikya na yo kati na yango, mpo ete makasi na yango ezali monene? Okotikela yango mosala na yo?

Te fieras-tu à lui parce qu’il est très fort, lui laisseras-tu faire tes travaux?

12 Okotiela yango solo motema mpo na komemela yo bambuma mpe kosangisa yango na etutelo na yo?

Compteras-tu sur lui pour rentrer ta moisson, pour recueillir le blé dans ton aire?

13 Mapapu ya maligbanga efungwamaka na esengo nyonso, kasi, boni, lipapu mpe nsala na yango ekokani na oyo ya nkongi?

L’aile de l’autruche bat joyeusement; elle n’a ni l’aile pieuse ni le plumage de la cigogne.

14 Maligbanga ebwakaka maki na yango na mabele mpe etikaka yango ete ezwa moto ya mabele,

Elle abandonne ses œufs à la terre, et les laisse chauffer sur le sable.

15 kasi ebosanaka ete lokolo ekoki kopanza yango mpe banyama ya zamba ekoki konyata-nyata yango.

Elle oublie que le pied peut les fouler, la bête des champs les écraser.

16 Enyokolaka bana na yango makasi lokola nde ezali bana na yango te, emonaka na yango motema pasi te lokola nde esali mosala ya mpunda,

Elle est dure pour ses petits, comme s’ils n’étaient pas siens; que son travail soit vain, elle ne s’en inquiète pas.

17 pamba te Nzambe apimeli yango bwanya mpe apesi yango mayele te.

Car Dieu lui a refusé la sagesse, et ne lui a pas départi l’intelligence.

18 Nzokande soki etelemi mpe ebandi kopota mbangu, ekoseka ata mpunda mpe motambolisi na yango.

Mais quand elle se bat les flancs et prend son essor, elle se rit du cheval et du cavalier.

19 Boni, yo nde moto opesa mpunda makasi mpe olatisa kingo na yango pwale ya milayi?

Est-ce toi qui donnes au cheval la vigueur, qui revêts son cou d’une crinière flottante,

20 Yo moto opumbwisaka yango lokola libanki? Lolendo ya mongongo kitoko na yango epesaka somo.

qui le fais bondir comme la sauterelle? Son fier hennissement répand la terreur.

21 Mpunda enyataka na makasi nyonso maboke ya mabele, esepelaka na makasi na yango mpe ekendaka liboso ya bibundeli.

Il creuse du pied la terre, il est fier de sa force, il s’élance au-devant du combat.

22 Eyokaka somo te, ebangaka eloko moko te, ezongaka sima te liboso ya mopanga,

Il se rit de la peur; rien ne l’effraie; il ne recule pas devant l’épée.

23 tango saki ya mbanzi eninganaka likolo na yango elongo na likonga oyo ezali kopela moto mpe mopanga.

Sur lui résonne le carquois, la lance étincelante et le javelot.

24 Epumbwaka na kanda mpe epanzaka mabele, evandaka kimia te soki kelelo ebeti.

Il frémit, il s’agite, il dévore le sol; il ne se contient plus quand la trompette sonne.

25 Soki kelelo ebeti, egangaka: ‹ Ah! › Na mosika, eyokaka solo ya bitumba, koganga ya bakambi ya basoda mpe makelele ya bitumba.

Au bruit de la trompette, il dit: « Allons! » De loin il flaire la bataille, la voix tonnante des chefs et les cris des guerriers.

26 Boni, ezali na mayele na yo nde kombekombe epumbwaka mpe etandaka mapapu na yango na ngambo ya sude?

Est-ce par ta sagesse que l’épervier prend son vol et déploie ses ailes vers le midi?

27 Na mitindo na yo nde mpongo emataka likolo mpe esalaka zala na yango na likolo?

Est-ce à ton ordre que l’aigle s’élève, et fait son nid sur les hauteurs?

28 Evandaka mpe etongaka ndako kati na mabanga, na esika ya kaka, na songe ya libanga.

Il habite les rochers, il fixe sa demeure dans les dents de la pierre, sur les sommets.

29 Wuta na likolo, emonaka nyama ya kolia, miso na yango emonaka na mosika.

De là, il guette sa proie, son regard perce au loin.

30 Bana na yango emelaka makila. Esika ebembe ezali, mpongo ezali wana. »

Ses petits s’abreuvent de sang; partout où il y a des cadavres, on le trouve.