Yobo 34
1 Eliwu azwaki maloba mpe alobaki:
| ויען אליהוא ויאמר |
2 « Bino bato ya bwanya, boyoka maloba na ngai; bino bato ya mayele, boyoka ngai!
| שמעו חכמים מלי וידעים האזינו לי |
3 Pamba te litoyi nde esosolaka maloba ndenge lolemo emekaka bilei.
| כי-אזן מלין תבחן וחך יטעם לאכל |
4 Tososola mpo na biso moko makambo ya sembo, toyekola elongo makambo oyo ezali malamu.
| משפט נבחרה-לנו נדעה בינינו מה-טוב |
5 Tala makambo oyo Yobo azali koloba: ‹ Nasali mabe te, kasi Nzambe aboyi kolongisa ngai.
| כי-אמר איוב צדקתי ואל הסיר משפטי |
6 Atako nazali sembo, bazali kozwa ngai lokola mokosi; atako nasali mabe te, likonga na Ye ezokisi ngai pota oyo esilaka te. ›
| על-משפטי אכזב אנוש חצי בלי-פשע |
7 Nani azali lokola Yobo, oyo amelaka kotiolama lokola mayi?
| מי-גבר כאיוב ישתה-לעג כמים |
8 Atambolaka elongo na banyokoli ya bato, asanganaka na bato mabe.
| וארח לחברה עם-פעלי און וללכת עם-אנשי-רשע |
9 Pamba te alobi: ‹ Ezali na litomba te epai na moto, na koluka kosepelisa Nzambe. ›
| כי-אמר לא יסכן-גבר-- ברצתו עם-אלהים |
10 Boye, bino bato ya mayele, boyoka ngai! Ekoki kosalema te ete Nzambe asala mabe; ekoki kosalema te ete Nkolo-Na-Nguya-Nyonso asala makambo oyo ezangi bosembo.
| לכן אנשי לבב-- שמעו-לי חללה לאל מרשע ושדי מעול |
11 Azongiselaka moto na moto kolanda misala na ye, apesaka na moto na moto kolanda etamboli na ye.
| כי פעל אדם ישלם-לו וכארח איש ימצאנו |
12 Te, Nzambe akoki kosala mabe te, Nkolo-Na-Nguya-Nyonso akoki kobuka bosembo te.
| אף-אמנם אל לא-ירשיע ושדי לא-יעות משפט |
13 Nani akomisaki Ye Mokonzi ya mokili? Nani apesaki Ye bokonzi likolo ya mokili mobimba?
| מי-פקד עליו ארצה ומי שם תבל כלה |
14 Soki Nzambe azalaki kaka kokanisa mpo na Ye moko, mpe soki abatelaki kati na Ye moko molimo na Ye mpe pema na Ye,
| אם-ישים אליו לבו רוחו ונשמתו אליו יאסף |
15 bato nyonso balingaki kokufa elongo, mpe moto nyonso alingaki kozonga putulu.
| יגוע כל-בשר יחד ואדם על-עפר ישוב |
16 Soki ozali na boyebi, yoka maloba oyo; yoka makambo oyo nazali koloba.
| ואם-בינה שמעה-זאת האזינה לקול מלי |
17 Boni, moto oyo ayinaka bosembo akoki solo kozala mokonzi? Okokweyisa solo Nkolo-Na-Bosembo mpe Nkolo-Na-Nguya?
| האף שונא משפט יחבוש ואם-צדיק כביר תרשיע |
18 Ezali Ye nde alobaka na bakonzi: ‹ Bozali bato pamba, › mpe na bato ya lokumu: ‹ Bozali bato mabe? ›
| האמר למלך בליעל-- רשע אל-נדיבים |
19 Aponaka bilongi ya bakambi te, mpe asalelaka bazwi bolamu te mpo na bozwi na bango koleka babola, pamba te bango nyonso basalemaki na maboko na Ye.
| אשר לא-נשא פני שרים ולא נכר-שוע לפני-דל כי-מעשה ידיו כלם |
20 Bato bazali kokufa mbala moko, kati na butu; bazali kobunda-bunda mpe kolimwa, bato ya nguya bazali kolongwa atako loboko ya moto etindiki bango te.
| רגע ימתו-- וחצות לילה יגעשו עם ויעברו ויסירו אביר לא ביד |
21 Miso na Ye ezali likolo ya banzela ya bato, amonaka etamboli na bango nyonso.
| כי-עיניו על-דרכי-איש וכל-צעדיו יראה |
22 Ezala molili, ezala libulu ya kufa, eloko moko te ekoki kobomba bato mabe.
| אין-חשך ואין צלמות-- להסתר שם פעלי און |
23 Nzambe azali na posa ya kolanda-landa bato te mpo ete bakoka koya liboso na Ye mpo na kosambisama.
| כי לא על-איש ישים עוד-- להלך אל-אל במשפט |
24 Abomaka bato ya makasi ata soki aluki koyeba tina te mpe atiaka bato mosusu na esika na bango.
| ירע כבירים לא-חקר ויעמד אחרים תחתם |
25 Pamba te ayebi misala na bango, akweyisi bango na butu moko, mpe babebisami.
| לכן--יכיר מעבדיהם והפך לילה וידכאו |
26 Apesaka bango etumbu lokola bato mabe na esika oyo bato nyonso bakoki komona,
| תחת-רשעים ספקם-- במקום ראים |
27 pamba te baboyaki kolanda Ye mpe kososola banzela na Ye.
| אשר על-כן סרו מאחריו וכל-דרכיו לא השכילו |
28 Bakomisaki koganga ya babola kino epai ya Nzambe, mpe koganga ya banyokolami eyokanaki epai na Ye.
| להביא עליו צעקת-דל וצעקת עניים ישמע |
29 Kasi soki avandi kimia, nani akokweyisa Ye? Soki abombi elongi na Ye, nani akoki komona Ye? Nzokande, akengelaka bikolo mpe bato
| והוא ישקט ומי ירשע-- ויסתר פנים ומי ישורנו ועל-גוי ועל-אדם יחד |
30 mpo na kopekisa bato mabe ete bakamba mokili te mpe batiela bato mitambo te.
| ממלך אדם חנף-- ממקשי עם |
31 Soki moto moko alobi na Nzambe: ‹ Nasali mabe, nazwi etumbu ya masumu na ngai, kasi nakosala lisusu mabe te.
| כי-אל-אל האמר נשאתי-- לא אחבל |
32 Lakisa ngai makambo oyo nazali kokoka komona te; soki nasali mabe, nakozongela yango lisusu te. ›
| בלעדי אחזה אתה הרני אם-עול פעלתי לא אסיף |
33 Boni, Nzambe akoki kopesa yo etumbu? Nayebi ete ondimi na yo te. Yo nde osengeli kozwa mokano, kasi ngai te! Yebisa ngai makambo oyo yo oyebi.
| המעמך ישלמנה כי-מאסת--כי-אתה תבחר ולא-אני ומה-ידעת דבר |
34 Bato ya mayele mpe bato ya bwanya oyo bazali koyoka ngai balobaki:
| אנשי לבב יאמרו לי וגבר חכם שמע לי |
35 ‹ Yobo azali koloba na boyebi te, maloba na ye ezali na tina te. ›
| איוב לא-בדעת ידבר ודבריו לא בהשכיל |
36 Oh! Tika ete Yobo asambisama kino na suka mpo ete apesa biyano lokola moto mabe!
| אבי--יבחן איוב עד-נצח על-תשבת באנשי-און |
37 Pamba te, na lisumu na ye, azali kobakisa kotomboka, azali kotia tembe kati na biso mpe azali kokoba kobakisa maloba mpo na kotelemela Nzambe. »
| כי יסיף על-חטאתו פשע בינינו יספוק וירב אמריו לאל |
