Yobo 33
1 Kasi sik’oyo, Yobo, yoka maloba na ngai, tia matoyi mpo na koyoka maloba na ngai!
| ואולם שמע נא איוב מלי וכל דברי האזינה׃ |
2 Tala, nafungoli monoko na ngai, maloba na ngai ezali na songe ya lolemo.
| הנה נא פתחתי פי דברה לשוני בחכי׃ |
3 Maloba na ngai ewuti na motema ya sembo, bibebu na ngai ezali penza koloba makambo oyo ngai nayebi.
| ישר לבי אמרי ודעת שפתי ברור מללו׃ |
4 Molimo ya Nzambe asalaki ngai, pema ya Nkolo-Na-Nguya-Nyonso epesi ngai bomoi.
| רוח אל עשתני ונשמת שדי תחיני׃ |
5 Boye soki okoki, yanola ngai, mibongisa mpo na komekana na ngai.
| אם תוכל השיבני ערכה לפני התיצבה׃ |
6 Nazali kaka lokola yo liboso ya Nzambe; ngai mpe nawutaki na putulu.
| הן אני כפיך לאל מחמר קרצתי גם אני׃ |
7 Boye, somo na ngai ebangisa yo te, mpe monene ya loboko na ngai epanza yo te.
| הנה אמתי לא תבעתך ואכפי עליך לא יכבד׃ |
8 Kasi olobaki na matoyi na ngai— mpe nazali nanu koyoka makelele ya maloba na yo—
| אך אמרת באזני וקול מלין אשמע׃ |
9 ‹ Nazali sembo, nasali masumu te; nazali peto, namemi na ngai ngambo te. ›
| זך אני בלי פשע חף אנכי ולא עון לי׃ |
10 Nzokande, Nzambe amoni mbeba kati na ngai, azali kozwa ngai lokola monguna na Ye.
| הן תנואות עלי ימצא יחשבני לאויב לו׃ |
11 Akangi makolo na ngai na bibende, azali kononga banzela na ngai nyonso.
| ישם בסד רגלי ישמר כל ארחתי׃ |
12 Kasi, kati na nyonso oyo, ngai nalobi, ozali na elonga te, pamba te Nzambe azali monene koleka moto.
| הן זאת לא צדקת אענך כי ירבה אלוה מאנוש׃ |
13 Mpo na nini ozali kosamba na Ye? Alimbolaka tina ya misala na Ye epai ya moto moko te.
| מדוע אליו ריבות כי כל דבריו לא יענה׃ |
14 Nzokande, Nzambe alobaka, na lolenge moko to na lolenge mosusu, kasi moto asosolaka yango te.
| כי באחת ידבר אל ובשתים לא ישורנה׃ |
15 Alobaka kati na ndoto, kati na emoniseli ya butu, tango bato bazwaka pongi makasi wana balali na mbeto;
| בחלום חזיון לילה בנפל תרדמה על אנשים בתנומות עלי משכב׃ |
16 boye, akoki kofungola matoyi ya bato mpe kobeta sete na makebisi oyo azali koloba,
| אז יגלה אזן אנשים ובמסרם יחתם׃ |
17 mpo na kotia moto mosika ya misala na ye ya mabe mpe kobatela ye na lolendo,
| להסיר אדם מעשה וגוה מגבר יכסה׃ |
18 mpo na kobatela molimo na ye mpo ete ekufa te, mpe bomoi na ye mpo ete ebebisama te na mopanga.
| יחשך נפשו מני שחת וחיתו מעבר בשלח׃ |
19 Nzokande, moto akoki mpe, mbala mosusu, koteyama na mbeto na ye, na nzela ya kobela mpe ya minyoko ya tango nyonso kati na mikuwa na ye.
| והוכח במכאוב על משכבו וריב עצמיו אתן׃ |
20 Boye, azali kosepela lisusu na lipa te, mpe motema na ye ekomi koboya bilei oyo alingaka mingi.
| וזהמתו חיתו לחם ונפשו מאכל תאוה׃ |
21 Nzoto na ye ekawuki na pamba, mpe mikuwa na ye, oyo ebombama, ebimi.
| יכל בשרו מראי ושפי עצמותיו לא ראו׃ |
22 Molimo na ye ezali kopusana pene ya kunda, mpe bomoi na ye, pene ya bamemi sango ya kufa.
| ותקרב לשחת נפשו וחיתו לממתים׃ |
23 Nzokande, soki ekoki kozala ata na anjelu moko, kati na ba-anjelu nkoto moko, mpo na koyebisa na moto makambo oyo ezali sembo,
| אם יש עליו מלאך מליץ אחד מני אלף להגיד לאדם ישרו׃ |
24 tika ete asalela ye ngolu mpe aloba: ‹ Bikisa ye ete akota te kati na libulu ya kufa, nasili kofuta niongo mpo na kosikola ye, ›
| ויחננו ויאמר פדעהו מרדת שחת מצאתי כפר׃ |
25 nzoto na ye ekokoma lisusu sembesembe lokola na tango ya bolenge na ye, ekozonga ndenge ezalaki na bomwana na ye.
| רטפש בשרו מנער ישוב לימי עלומיו׃ |
26 Akosambela Nzambe, akozwa ngolu na miso na Ye, akomona Nzambe na miso mpe akoganga na esengo. Nzambe akozwa ye lisusu lokola moto ya sembo.
| יעתר אל אלוה וירצהו וירא פניו בתרועה וישב לאנוש צדקתו׃ |
27 Boye akoyemba na miso ya bato mpe akoloba: ‹ Nasalaki masumu mpe natambolaki na bosembo te, kasi nazwi lifuti oyo nasengelaki kozwa te.
| ישר על אנשים ויאמר חטאתי וישר העויתי ולא שוה לי׃ |
28 Nzambe akangoli molimo na ngai na libulu ya kufa, mpe nakowumela kati na pole na esengo. ›
| פדה נפשי מעבר בשחת וחיתי באור תראה׃ |
29 Nzambe asalaka makambo oyo nyonso epai ya moto mbala mibale to mpe mbala misato,
| הן כל אלה יפעל אל פעמים שלוש עם גבר׃ |
30 mpo na kolongola molimo na ye na libulu ya kufa, mpo ete pole ya bomoi ekoka kongenga likolo na ye.
| להשיב נפשו מני שחת לאור באור החיים׃ |
31 Yobo, fungola matoyi, vanda kimia mpe yoka ngai! Nazali na makambo ya koloba na yo.
| הקשב איוב שמע לי החרש ואנכי אדבר׃ |
32 Kasi soki ozali na likambo ya koloba, yebisa ngai yango, pesa ngai eyano, mpe ngai nakolongisa yo.
| אם יש מלין השיבני דבר כי חפצתי צדקך׃ |
33 Soki te, vanda kimia mpe yoka ngai, mpe ngai nakoteya yo bwanya. »
| אם אין אתה שמע לי החרש ואאלפך חכמה׃ |
