Yobo 31
1 « Nasalaki boyokani elongo na miso na ngai ete nalula elenge mwasi te.
| ברית כרתי לעיני ומה אתבונן על בתולה׃ |
2 Pamba te, libula nini Nzambe akoki kobongisela ngai wuta na likolo? Libonza nini Nkolo-Na-Nguya-Nyonso akoki kotindela ngai wuta na likolo?
| ומה חלק אלוה ממעל ונחלת שדי ממרמים׃ |
3 Boni, pasi ezali mpo na bato mabe te? Kobebisama ezali mpo na bato oyo basalaka masumu te?
| הלא איד לעול ונכר לפעלי און׃ |
4 Amoni banzela na ngai te? Atangi matambe na ngai nyonso te?
| הלא הוא יראה דרכי וכל צעדי יספור׃ |
5 Soki natambolaki na lokuta to litambe na ngai elandaki nzela mabe,
| אם הלכתי עם שוא ותחש על מרמה רגלי׃ |
6 tika ete Nzambe ameka ngai na emekelo ya sembo, mpe akomona ete ngai nasali mabe te.
| ישקלני במאזני צדק וידע אלוה תמתי׃ |
7 Soki matambe na ngai ebimaki na nzela na Ye, soki motema na ngai etambolisamaki kolanda miso na ngai, soki maboko na ngai ekomaki mbindo,
| אם תטה אשרי מני הדרך ואחר עיני הלך לבי ובכפי דבק מאום׃ |
8 tika ete bato mosusu balia biloko oyo ngai naloni, mpe tika ete nkona na ngai epikolama!
| אזרעה ואחר יאכל וצאצאי ישרשו׃ |
9 Soki motema na ngai ekosamaki na mwasi to soki natalaki na makanisi mabe ekuke ya mozalani na ngai,
| אם נפתה לבי על אשה ועל פתח רעי ארבתי׃ |
10 tika ete mwasi na ngai atutela moto mosusu ble mpe tika ete mibali mosusu basangisa na ye nzoto.
| תטחן לאחר אשתי ועליה יכרעון אחרין׃ |
11 Pamba te elingaki kozala likambo ya soni, mpe lisumu ya boye ebongi na esambiselo ya basambisi.
| כי הוא זמה והיא עון פלילים׃ |
12 Ezali moto oyo ezali kozikisa kino na kobebisama mpe ekoki kobebisa bomengo na ngai nyonso.
| כי אש היא עד אבדון תאכל ובכל תבואתי תשרש׃ |
13 Soki nasalelaki na bosembo te bawumbu na ngai ya mibali mpe ya basi tango bazwaki ngai mabe,
| אם אמאס משפט עבדי ואמתי ברבם עמדי׃ |
14 nakosala nini soki Nzambe asambisi ngai? Nakopesa eyano nini tango akotuna ngai ndenge nini nabandaki kosala?
| ומה אעשה כי יקום אל וכי יפקד מה אשיבנו׃ |
15 Ezalaki Ye te oyo asalaki ngai kati na libumu ya mama na ngai nde asalaki bango? Ngai na bango, tozalaki lolenge moko te kati na mabumu ya bamama na biso?
| הלא בבטן עשני עשהו ויכננו ברחם אחד׃ |
16 Soki nakokisaki te posa ya mobola to soki nalembisaki miso ya mwasi oyo akufisa mobali,
| אם אמנע מחפץ דלים ועיני אלמנה אכלה׃ |
17 soki nabombaki lipa na ngai mpo na ngai moko to nakabolaki yango te na bana bitike,
| ואכל פתי לבדי ולא אכל יתום ממנה׃ |
18 —nzokande wuta bolenge na ngai, nazalaki kobokola bana bitike lokola tata na bango; mpe wuta mbotama na ngai, nazalaki kolakisa nzela na mwasi oyo akufisa mobali—
| כי מנעורי גדלני כאב ומבטן אמי אנחנה׃ |
19 soki namonaki mobola kokufa na kozanga bilamba to moto akelela kozanga bilamba,
| אם אראה אובד מבלי לבוש ואין כסות לאביון׃ |
20 bongo motema na ye epambolaki ngai te na ndenge nazipaki ye na bilamba oyo ewutaki na bibwele na ngai,
| אם לא ברכוני חלצו ומגז כבשי יתחמם׃ |
21 soki natombolaki loboko na ngai mpo na kosala mwana etike mabe, wana nayebaki ete nazali na nguya liboso ya basambisi,
| אם הניפותי על יתום ידי כי אראה בשער עזרתי׃ |
22 tika ete loboko na ngai elongwa na lipeka na ngai to ebukana!
| כתפי משכמה תפול ואזרעי מקנה תשבר׃ |
23 Pamba te nazalaki kobanga etumbu ya Nzambe, mpe nakokaki te kosala eloko liboso ya lokumu na Ye.
| כי פחד אלי איד אל ומשאתו לא אוכל׃ |
24 Soki natiaki elikya na ngai na wolo to nalobaki na wolo ya kitoko: ‹ Ozali ekimelo na ngai, ›
| אם שמתי זהב כסלי ולכתם אמרתי מבטחי׃ |
25 soki nasepelaki na ebele ya bozwi na ngai, bomengo oyo maboko na ngai esalaki,
| אם אשמח כי רב חילי וכי כביר מצאה ידי׃ |
26 soki natalaki moyi na kongenga na yango to sanza kotambola na nkembo,
| אם אראה אור כי יהל וירח יקר הלך׃ |
27 soki motema na ngai ekosamaki na nkuku, mpe maboko na ngai epesaki yango beze ya lokumu,
| ויפת בסתר לבי ותשק ידי לפי׃ |
28 wana elingaki lisusu kozala mbeba oyo ebongi na esambiselo ya basambisi, pamba te nalingaki kowangana Nzambe oyo azali na Likolo.
| גם הוא עון פלילי כי כחשתי לאל ממעל׃ |
29 Soki nasepelaki na pasi ya monguna na ngai to nagangaki na esengo na likama oyo ekomelaki ye,
| אם אשמח בפיד משנאי והתעררתי כי מצאו רע׃ |
30 soki napesaki nzela na monoko na ngai ete esala lisumu na kosenga kufa ya monguna na ngai na nzela ya maloba ya kolakela mabe;
| ולא נתתי לחטא חכי לשאל באלה נפשו׃ |
31 soki bato ya libota na ngai balobaka te: ‹ Nani oyo atondaki te na misuni ya banyama ya Yobo? ›
| אם לא אמרו מתי אהלי מי יתן מבשרו לא נשבע׃ |
32 Soki mopaya moko te alalaki libanda, pamba te ekuke na ngai ezalaki ya kofungwama tango nyonso mpo na moleki nzela,
| בחוץ לא ילין גר דלתי לארח אפתח׃ |
33 soki nabombaki lisumu na ngai ndenge Adamu asalaki to nabombaki yango na motema na ngai,
| אם כסיתי כאדם פשעי לטמון בחבי עוני׃ |
34 pamba te nabangaki bato mpe nabangaki ete mabota etiola ngai, yango wana nakangaki monoko mpe nakokaki kobima libanda te!
| כי אערוץ המון רבה ובוז משפחות יחתני ואדם לא אצא פתח׃ |
35 Ah, soki nazalaki ata na moto oyo akokaki koyoka ngai! Yango nde sik’oyo liloba na ngai ya suka. Tika ete Nkolo-Na-Nguya-Nyonso ayanola ngai! Tika ete moto oyo afundi ngai akoma na mokanda makambo oyo afundeli ngai!
| מי יתן לי שמע לי הן תוי שדי יענני וספר כתב איש ריבי׃ |
36 Solo, nalingaki komema yango na lipeka na ngai, nalingaki kolata yango lokola motole,
| אם לא על שכמי אשאנו אענדנו עטרות לי׃ |
37 nalingaki kotalisa Ye makambo nyonso oyo nasalaki, nalingaki kopusana pene na Ye lokola mokambi.—
| מספר צעדי אגידנו כמו נגיד אקרבנו׃ |
38 Soki mabele na ngai eboyi ngai, soki mikala na yango elelaki,
| אם עלי אדמתי תזעק ויחד תלמיה יבכיון׃ |
39 soki naliaki bambuma na yango na ofele to soki natungisaki bankolo na yango,
| אם כחה אכלתי בלי כסף ונפש בעליה הפחתי׃ |
40 tika ete banzube ebima na esika ya ble, mpe matiti mabe ebima na esika ya orje. » Oyo nde suka ya maloba ya Yobo.
| תחת חטה יצא חוח ותחת שערה באשה תמו דברי איוב׃ |
