Yobo 30

1 « Kasi sik’oyo, nakomi eloko ya kotiola epai ya bilenge oyo batata na bango bazangaki tina, mpe oyo nakokaki kutu te kopesa nzela ya kolia esika moko na mbwa na ngai, oyo ezalaki kobatela bibwele na ngai.

Mais, maintenant, des hommes plus jeunes que moi se moquent de moi, des hommes dont je n'aurais pas daigné mettre les pères avec les chiens de mon troupeau.

2 Makasi ya maboko na bango ekokaki kutu kosunga ngai na nini? Pamba te basilaki makasi na nzoto,

Et qu'aurais-je pu faire de la force de leurs mains? En eux avait péri toute vigueur.

3 bazalaki bato bakawuka na nzala mpe na kozanga, bato oyo bazalaki kolia mabele ya esobe mpe ezanga matiti.

Exténués par la disette et la faim, ils broutent les lieux arides, depuis longtemps désolés et déserts.

4 Bazalaki kobuka matiti ya mungwa kati na banzete mpe kolia misisa ya banzete mike.

Ils cueillent l'herbe sauvage près des buissons, et la racine des genêts est leur nourriture.

5 Babenganaki bango kati na bato na bango, babelelaki bango lokola miyibi.

On les chasse du milieu des hommes; on crie après eux comme après un larron;

6 Bazalaki kovanda na nzela ya mayi ekawuka, kati na mabulu ya mabele mpe ya mabanga;

Ils habitent dans des torrents affreux, dans les trous de la terre, et parmi les rochers.

7 bazalaki kolela lokola banyama kati na banzete mike ya nzube, bazalaki kosangana na se ya banzete mikuse.

On les entend braire dans les buissons, ils s'étendent pêle-mêle sous les chardons;

8 Bana oyo batata na bango bazanga mayele mpe bazanga kombo babenganaki bango libanda ya mboka.

Race impie, race sans nom, qui avait été chassée du pays!

9 Sik’oyo, bana na bango ya mibali bakomi koseka ngai na banzembo, nakomi lisapo kati na minoko na bango.

Et maintenant je suis le sujet de leurs chansons, et je fais la matière de leurs propos.

10 Bazali koyina ngai mpe bakimi mosika na ngai, bazali na somo te ya kobwakela ngai soyi na elongi.

Ils m'ont en horreur, ils s'éloignent de moi; ils ne craignent pas de me cracher au visage.

11 Mpo ete Nzambe alembisi singa ya tolotolo na ngai mpe ayokisi ngai soni, bazali komipekisa na likambo moko te liboso na ngai.

Parce que Dieu a détendu la corde de mon arc et m'a humilié, ils ont secoué tout frein devant moi.

12 Na loboko na ngai ya mobali, lisanga ya bato mabe ezali kobundisa ngai, batie mitambo na makolo na ngai, batie mabaku na nzela na ngai mpo na kosala ngai mabe;

Cette engeance se lève à ma droite; ils poussent mes pieds; ils construisent contre moi des routes pour me nuire;

13 bakangi nzela na ngai, balongi kobebisa ngai atako moto moko te asungaki bango.

Ils rompent mon chemin, ils aident à ma ruine, eux à qui personne ne porterait secours.

14 Bazali koya lokola na nzela ya lidusu ya monene, bazali kobunda-bunda kati na ndako ebukana.

Ils arrivent comme par une large brèche, ils se précipitent au milieu du fracas.

15 Somo elati ngai, lokumu na ngai ekeyi lokola mopepe, bomengo na ngai elimwe lokola lipata.

Toutes les terreurs se tournent contre moi, elles poursuivent ma prospérité comme le vent, et mon bonheur a passé comme un nuage!

16 Sik’oyo, bomoi na ngai ekeyi, mpe mikolo ya pasi ekangi ngai.

Et maintenant mon âme se fond en moi, les jours d'affliction m'ont atteint;

17 Butu ezali kotobola mikuwa na ngai mpe pasi ezali kozangisa ngai pongi.

La nuit perce mes os et les détache, et ceux qui me rongent ne dorment pas.

18 Na nguya na yango, pasi ekomi lokola kingo ya nzambala na ngai.

Par la violence extrême de mon mal, mon vêtement se déforme; il me serre comme le col de ma tunique.

19 Nzambe abwaki ngai na potopoto, mpe nakomi lokola putulu ya mabele to ya moto.

Dieu m'a jeté dans la boue, et je ressemble à la poussière et à la cendre.

20 Oh Nzambe, nazali koganga epai na Yo, kasi ozali kopesa ngai eyano te; natelemi, kasi ozali kotala ngai kaka pamba.

Je crie vers toi, et tu ne me réponds pas; je me tiens debout devant toi, et tu me considères!

21 Obongwani monguna ya kanza mpo na ngai, ozali kobundisa ngai na nguya ya loboko na Yo.

Tu es devenu cruel pour moi; tu t'opposes à moi avec toute la force de ton bras.

22 Omemi ngai liboso ya mopepe mpe otiki ete mopepe yango emema ngai, bongo epumbwisi ngai mosika.

Tu m'enlèves, tu me fais chevaucher sur le vent, et tu me fais fondre au bruit de la tempête.

23 Nayebi ete ozali komema ngai na kufa, na esika oyo obongisa mpo na bato ya bomoi.

Oui, je sais bien que tu m'amènes à la mort, et dans la demeure, rendez-vous de tous les vivants.

24 Kasi boni, moto oyo azali kokufa akoki kotombola ata loboko te? Moto oyo azali na pasi, akoki te kosenga lisungi?

Seulement, n'étendrait-on pas la main au milieu de la ruine? Et, dans sa calamité, ne serait-il donc pas permis de pousser un cri?

25 Boni, nazalaki kolela te elongo na bato oyo bazalaki na pasi? Motema na ngai eyokelaki babola mawa te?

Ne pleurais-je pas sur l'homme qui passait de mauvais jours? Mon âme n'était-elle pas affligée à cause du pauvre

26 Nazelaki esengo, kasi pasi nde ekomeli ngai; nazelaki pole, kasi molili nde ekomeli ngai.

J'ai attendu le bonheur, et le malheur est arrivé. J'espérais la lumière, et les ténèbres sont venues.

27 Motema na ngai ezali kobaluka kati na ngai, wuta mokolo pasi oyo ekomeli ngai.

Mes entrailles bouillonnent sans repos; les jours d'affliction m'ont assailli.

28 Nakomi mwindo, kasi moyi te nde eyindisi ngai; kati na lisanga, nakomi kaka kotelema mpe kobelela mpo na koluka lisungi.

Je marche tout noirci, et non par le soleil. Je me lève dans l'assemblée, et je crie.

29 Nakoma ndeko ya mbwa ya zamba mpe moninga ya maligbanga.

Je suis devenu le frère des chacals, et le compagnon des autruches.

30 Poso na ngai ya nzoto eyindi mpe ekomi kokweya-kweya, mikuwa na ngai ekawuki na moyi.

Ma peau se noircit et tombe. Mes os sont brûlés par la fièvre.

31 Lindanda na ngai etikali kaka mpo na matanga, mpe flite na ngai, mpo na kosunga mingongo ya baleli. »

Ma harpe s'est changée en deuil, et mon luth en voix de pleurs.