Yobo 18
1 Bilidadi, moto ya Shuwa, azwaki maloba mpe alobaki:
| ויען בלדד השחי ויאמר |
2 « Kino tango nini okoloba maloba ya boye? Kanisa nanu malamu, bongo tokosolola.
| עד-אנה תשימון קנצי למלין תבינו ואחר נדבר |
3 Mpo na nini komona biso lokola banyama? Boni, tozali nde bazoba na miso na yo?
| מדוע נחשבנו כבהמה נטמינו בעיניכם |
4 Awa, likolo ya kanda na yo, ozali komipasola na biteni, basundola mokili to balongola mabanga na bisika na yango likolo na yo?
| טרף נפשו באפו הלמענך תעזב ארץ ויעתק-צור ממקמו |
5 Solo, mwinda ya moto mabe ekufaka, moto na yango etikaka kopela.
| גם אור רשעים ידעך ולא-יגה שביב אשו |
6 Pole ekomaka molili kati na ndako na ye, mpe mwinda oyo epelaka pembeni na ye ekufaka.
| אור חשך באהלו ונרו עליו ידעך |
7 Makasi ya matambe na ye esilaka, makanisi na ye moko ekweyisaka ye.
| יצרו צעדי אונו ותשליכהו עצתו |
8 Makolo na ye ekangisaka ye na monyama, bongo abundaka-bundaka kati na madusu na yango.
| כי-שלח ברשת ברגליו ועל-שבכה יתהלך |
9 Motambo ekangaka matambe na ye, mpe singa na yango ekangaka ye makasi.
| יאחז בעקב פח יחזק עליו צמים |
10 Singa ya motambo ebombama na se ya mabele mpo na ye, mpe batia motambo na nzela na ye.
| טמון בארץ חבלו ומלכדתו עלי נתיב |
11 Somo elandaka ye bisika nyonso oyo atambolaka.
| סביב בעתהו בלהות והפיצהו לרגליו |
12 Nzala esilisaka makasi na ye, mpe pasi ya ndenge na ndenge ezalaka pembeni na ye soki akweyi.
| יהי-רעב אנו ואיד נכון לצלעו |
13 Pasi eliaka poso ya nzoto na ye mpe bokono oyo ebomaka ebebisaka biteni ya nzoto na ye.
| יאכל בדי עורו יאכל בדיו בכור מות |
14 Balongolaka kati na ndako na ye biloko nyonso ya motuya, oyo atielaka motema, mpe akendaka kokutana na bakonzi ya kufa.
| ינתק מאהלו מבטחו ותצעדהו למלך בלהות |
15 Ndako na ye etikalaka na eloko moko te, mpe fofolo ezalaka ya kopanzana kati na ndako yango.
| תשכון באהלו מבלי-לו יזרה על-נוהו גפרית |
16 Misisa na ye ekawukaka na se ya mabele, mpe, na likolo, bitape na ye elembaka.
| מתחת שרשיו יבשו וממעל ימל קצירו |
17 Bakanisaka ye lisusu te na mokili, kombo na ye etangamaka lisusu te na mabele.
| זכרו-אבד מני-ארץ ולא-שם לו על-פני-חוץ |
18 Babenganaka ye na pole mpo ete akende na molili, mpe balongolaka ye na mokili.
| יהדפהו מאור אל-חשך ומתבל ינדהו |
19 Azalaka na bana to bakitani te kati na bato na ye, azalaka ata na moto moko te oyo atikala na bomoi, na esika oyo avandaka.
| לא נין לו ולא-נכד בעמו ואין שריד במגוריו |
20 Bato ya weste bazalaka na somo ya kotala bomoi na ye, mpe bato ya este batondaka na kobanga.
| על-יומו נשמו אחרנים וקדמנים אחזו שער |
21 Tala, solo, ndenge suka ya moto mabe ezalaka, mpe bomoi ya moto oyo ayebi Nzambe te. »
| אך-אלה משכנות עול וזה מקום לא-ידע-אל |
