Yobo 16

1 Yobo azongisaki:

Alors Job prit la parole et dit:

2 « Nayoki maloba ebele ya lolenge oyo; bino nyonso bozali babondisi mabe.

J'ai souvent entendu de semblables harangues; vous êtes tous d'insupportables consolateurs.

3 Kino tango nini bokotika koloba maloba ya pamba-pamba boye? Likambo nini etindi yo lisusu kozongela maloba?

Quand finiront ces vains discours? Quel aiguillon t'excite à répliquer?

4 Ngai mpe nakokaki koloba lokola bino, soki bozalaki na esika na ngai, nakokaki kobimisa maloba ebele mpe koningisa moto mpo na bino.

Moi aussi, je saurais parler comme vous, si vous étiez à ma place; j'arrangerais de beaux discours à votre adresse, je secouerais la tête sur vous;

5 Kasi monoko na ngai elingaki kolendisa bino, mpe bibebu na ngai elingaki koningana mpo na kokitisa bino mitema kati na pasi.

je vous encouragerais de la bouche, et vous auriez pour soulagement l'agitation de mes lèvres.

6 Nzokande, soki nalobi, pasi na ngai ekosila te; bongo soki nakangi monoko nde pasi yango elongwe na bomoi na ngai?

Si je parle, ma douleur n'est pas adoucie; si je me tais, en est-elle soulagée?

7 Oh Nzambe! Solo penza, olembisi ngai! Obebisi ndako na ngai nyonso,

Aujourd'hui, hélas! Dieu a épuisé mes forces... ô Dieu, tu as moissonné tous mes proches.

8 ofini-fini ngai makasi penza, mpe kokonda na ngai ekomi ata kotatola mpe kofunda ngai na miso ya bato!

Tu me garrottes... c'est un témoignage contre moi!... ma maigreur se lève contre moi, en face elle m'accuse.

9 Kanda na Yo ezali kopasola mpe kobundisa ngai, okomi ata kolia minu mpo na kosala ngai mabe mpe kotala ngai na miso mabe lokola nde nazali monguna na yo.

Sa colère me déchire et me poursuit, il grince des dents contre moi; mon ennemi darde sur moi ses regards.

10 Bato mabe bafungoli minoko mpo na kotiola ngai, bakomi kobeta ngai bambata na matama mpo na kosambwisa ngai, bango nyonso basaleli ngai likita.

Ils ouvrent leur bouche pour me dévorer, ils me frappent la joue avec outrage, ils se liguent tous ensemble pour me perdre.

11 Nzambe akabi ngai na maboko ya bato mabe mpe abwaki ngai na manzaka na bango.

Dieu m'a livré au pervers, il m'a jeté entre les mains des méchants.

12 Makambo nyonso ezalaki kotambola malamu mpo na ngai, kasi aningisi ngai, akangi ngai na kingo mpe apanzi ngai, akomisi ngai lokola eloko na Ye ya komekela makonga;

J'étais en paix, et il m'a secoué, il m'a saisi par la nuque, et il m'a brisé. Il m'a posé en but à ses traits,

13 makonga na Ye ezingeli ngai, atoboli-toboli libumu na ngai, mpe na mawa te, asopi makila na ngai na mabele.

ses flèches volent autour de moi; il perce mes flancs sans pitié, il répand mes entrailles sur la terre;

14 Tango nyonso, azali kaka kozokisa ngai mpe kokweya likolo na ngai lokola elombe.

il me fait brèche sur brèche, il fond sur moi comme un géant.

15 Natongi elamba na ngai ya saki na poso ya nzoto na ngai mpe nakundi lokumu na ngai nyonso na se ya putulu.

J'ai cousu un sac sur ma peau, et j'ai roulé mon front dans la poussière.

16 Likolo ya kolela, elongi na ngai ekomi motane, mpe molili ezingeli miso na ngai.

Mon visage est tout rouge de larmes, et l'ombre de la mort s'étend sur mes paupières,

17 Nzokande, maboko na ngai etikala kosala moto mabe te, mpe libondeli na ngai ezalaki kosalema na motema peto.

quoiqu'il n'y ait pas d'iniquités dans mes mains, et que ma prière soit pure.

18 Oh mabele, kozipa makila na ngai te! Kotika te ete koganga na ngai ezwa tango ya kopema!

O terre, ne couvre point mon sang, et que mes cris s'élèvent librement!

19 Wuta sik’oyo, motatoli na ngai azali na Likolo, molobeli na ngai azali na Lola.

A cette heure même, voici que j'ai mon témoin dans le ciel, mon défenseur dans les hauts lieux.

20 Baninga na ngai bakomi koseka ngai; nazali nde kolela epai ya Nzambe na mpinzoli.

Mes amis se moquent de moi, c'est vers Dieu que pleurent mes yeux.

21 Boni, ezali solo na molobeli oyo akoki kolobela moto liboso ya Nzambe ndenge moto alobelaka moninga na ye?

Qu'il juge lui-même entre Dieu et l'homme, entre le fils de l'homme et son semblable!

22 Solo, motango ya mibu na ngai ekomi pene ya kosila, mpe nakokende na ngai na nzela oyo bato bazongaka lisusu te.

Car les années qui me sont comptés s'écoulent, et j'entre dans un sentier d'où je ne reviendrai pas.