Yobo 13
1 Miso na ngai emonaki makambo oyo nyonso, matoyi na ngai eyokaki yango, mpe nasosoli yango malamu.
| הן-כל ראתה עיני שמעה אזני ותבן לה |
2 Nayebi makambo nyonso oyo bino boyebi, boleki ngai na eloko moko te.
| כדעתכם ידעתי גם-אני לא-נפל אנכי מכם |
3 Kasi nalingi nde koloba na Nkolo-Na-Nguya-Nyonso mpe kobundela likambo na ngai liboso ya Nzambe.
| אולם--אני אל-שדי אדבר והוכח אל-אל אחפץ |
4 Pamba te bino, bozali kobongisa lokuta, bozali lokola minganga oyo bayebi mosala malamu te.
| ואולם אתם טפלי-שקר רפאי אלל כלכם |
5 Soki bovandaki ata kimia, bolingaki ata komonana bato ya bwanya.
| מי-יתן החרש תחרישון ותהי לכם לחכמה |
6 Yoka sik’oyo maloba na ngai, yoka kosamba ya bibebu na ngai.
| שמעו-נא תוכחתי ורבות שפתי הקשיבו |
7 Boni, bozali kokotela Nzambe na nzela ya lokuta mpe ya maloba ya solo te?
| הלאל תדברו עולה ולו תדברו רמיה |
8 Bolingi kolakisa ete bozali na ngambo na Ye? Bolingi kobundela Nzambe?
| הפניו תשאון אם-לאל תריבון |
9 Bokosepela soki aluki koyeba makanisi ya mitema na bino? Bokanisi ete bokoki kokosa Ye ndenge bakosaka bato?
| הטוב כי-יחקר אתכם אם-כהתל באנוש תהתלו בו |
10 Akopamela bino solo soki amoni ete, na se ya mitema na bino, boponaka-ponaka bilongi.
| הוכח יוכיח אתכם-- אם-בסתר פנים תשאון |
11 Boni, bokozala ata na somo ya lokumu na Ye te? Kolenga ekokweyela bino te?
| הלא שאתו תבעת אתכם ופחדו יפל עליכם |
12 Pamba te maloba na bino ekokani na putulu, mpe makanisi na bino ezali lokola mabele ya bikeko.
| זכרניכם משלי-אפר לגבי-חמר גביכם |
13 Botika makelele mpe botika ngai naloba! Oyo ekoya eya!
| החרישו ממני ואדברה-אני ויעבר עלי מה |
14 Mpo na nini nandima kokufa mpe nasakanela bomoi na ngai?
| על-מה אשא בשרי בשני ונפשי אשים בכפי |
15 Ata soki abomi ngai, nakozala kaka na elikya na Ye, nakobundela solo nzela na ngai liboso na Ye.
| הן יקטלני לא (לו) איחל אך-דרכי אל-פניו אוכיח |
16 Yango kutu nde ekozala lobiko na ngai, pamba te moto moko te oyo azangi koyeba Nzambe akoki koya liboso na Ye.
| גם-הוא-לי לישועה כי-לא לפניו חנף יבוא |
17 Boyoka maloba na ngai malamu; tika ete matoyi na bino eyoka malamu makambo oyo nazali koloba!
| שמעו שמוע מלתי ואחותי באזניכם |
18 Sik’oyo, namibongisi mpo na kobundela likambo na ngai, nayebi ete nakolonga na kosambisama.
| הנה-נא ערכתי משפט ידעתי כי-אני אצדק |
19 Nani akoki kofunda ngai? Soki te, nakokanga monoko mpe nakokufa.
| מי-הוא יריב עמדי כי-עתה אחריש ואגוע |
20 Oh Nzambe, pesa ngai kaka biloko mibale, mpe nakobombama te liboso na Yo:
| אך-שתים אל-תעש עמדי אז מפניך לא אסתר |
21 longola loboko na Yo likolo na ngai, mpe tika kobangisa ngai na somo na Yo.
| כפך מעלי הרחק ואמתך אל-תבעתני |
22 Bongo benga ngai, mpe nakoyanola; to tika ngai naloba, mpe Yo okoyanola ngai.
| וקרא ואנכי אענה או-אדבר והשיבני |
23 Mabe mpe masumu boni nasali liboso na Yo? Talisa ngai mbeba mpe masumu na ngai.
| כמה לי עונות וחטאות-- פשעי וחטאתי הדיעני |
24 Mpo na nini obombi elongi na Yo mpe ozali kozwa ngai lokola monguna na Yo?
| למה-פניך תסתיר ותחשבני לאויב לך |
25 Olingi kaka kotungisa lokasa oyo mopepe ezali komema? Olingi kaka kolandela lititi oyo ekawuka?
| העלה נדף תערוץ ואת-קש יבש תרדף |
26 Pamba te okomaka makambo mabe na tina na ngai mpe okomisi ngai mokitani ya masumu ya bolenge na ngai.
| כי-תכתב עלי מררות ותורישני עונות נעורי |
27 Okangi makolo na ngai na minyololo ya bibende, ozali kokengela malamu lolenge na ngai ya kotambola mpe kolandela bisika nyonso oyo natiaka bilembo ya matambe na ngai.
| ותשם בסד רגלי-- ותשמור כל-ארחתי על-שרשי רגלי תתחקה |
28 Moto apola penza boye lokola eloko ya kopola, lokola elamba oyo balie na banselele!
| והוא כרקב יבלה כבגד אכלו עש |
