Yobo 11

1 Tsofari, moto ya engumba ya Naama, azwaki maloba mpe alobaki:

Alors Tsophar, de Naama, prit la parole, et dit:

2 « Boni, maloba oyo nyonso ekoki solo kozanga eyano? Moto oyo azali koloba alonga na ye, kaka mpo ayebi koloba?

Ne répondra-t-on point à tant de discours, et suffira-t-il d'être un grand parleur pour être justifié?

3 Bato bavanda kaka nye likolo ya maloba na yo ya pamba oyo ozali kobimisa? Bapamela yo te soki ozali kosala maseki?

Tes vains propos feront-ils taire les gens? Te moqueras-tu, sans que personne te confonde?

4 Ozali koloba na Nzambe: ‹ Makambo oyo nazali koloba ezali ya solo; nazali sembo na miso na Yo. ›

Tu as dit: Ma doctrine est pure, je suis sans tache devant tes yeux.

5 Oh, tala ndenge nini nazali na posa ete Nzambe aloba, ete afungola monoko na Ye mpo na kopamela yo,

Mais je voudrais que Dieu parlât, et qu'il ouvrît sa bouche pour te répondre;

6 mpe asosolisa yo basekele ya bwanya, pamba te bwanya ya solo ezalaka na bilongi mibale. Yeba likambo oyo: Nzambe abosana masumu na yo ebele.

Qu'il te montrât les secrets de sa sagesse, de son immense sagesse; et tu reconnaîtrais que Dieu oublie une partie de ton iniquité.

7 Okoki penza kososola mabombami ya Nzambe? Okoki solo kososola bandelo ya Nkolo-Na-Nguya-Nyonso?

Trouveras-tu le fond de Dieu? Trouveras-tu la limite du Tout-Puissant?

8 Bandelo yango eleki Lola na likolo; yo penza okosala nini? Eleki mboka ya bakufi na bozindo; yo penza okoyeba nini? (Sheol h7585)

Ce sont les hauteurs des cieux: qu'y feras-tu? C'est plus profond que les enfers: qu'y connaîtras-tu? (Sheol h7585)

9 Molayi ya bandelo yango eleki mokili na molayi, mpe eleki ebale monene na kopanzana.

Son étendue est plus longue que la terre, et plus large que la mer.

10 Soki akotisi yo na boloko mpe asangisi basambisi mpo na kokata likambo, nani akotelemela Ye?

S'il saisit, s'il emprisonne, s'il assemble le tribunal, qui l'en empêchera?

11 Solo, ayebaka bakosi mpe asosolaka mabe na pete.

Car il connaît, lui, les hommes de rien; il voit l'iniquité, sans qu'elle s'en doute;

12 Ndenge mwana ya ane ya zamba ebotaka moto te, ndenge mpe kizengi akokoka te kokoma mayele.

Mais l'homme vide de sens de-viendra intelligent, quand l'ânon sauvage naîtra comme un homme!

13 Nzokande, soki opesi Ye motema na yo mpe osemboli maboko na yo epai na Ye,

Si tu disposes bien ton cœur, et si tu étends tes mains vers Dieu,

14 soki olongoli lisumu oyo ezali na loboko na yo mpe opekisi mabe kovanda kati na ndako na yo,

(Si l'iniquité est en tes mains, éloigne-la, et que le crime n'habite point dans tes tentes! )

15 okotombola elongi na yo na soni te, okotelema ngwi mpe okobanga eloko te;

Alors certainement tu lèveras ton front sans tache; tu seras raffermi et tu ne craindras rien;

16 pamba te okobosana pasi na yo, okokoma kokanisa yango kaka lokola mayi oyo esili kotiola.

Tu oublieras tes peines, tu t'en souviendras comme des eaux écoulées.

17 Bomoi na yo ekongenga lokola pole ya moyi oyo engengaka na midi, mpe butu na yo ekokoma lokola tongo.

La vie se lèvera pour toi plus brillante que le midi, et l'obscurité même sera comme le matin.

18 Okozala na kimia, pamba te elikya ezali, okotala zingazinga na yo mpe okozwa bopemi na yo na kimia,

Tu seras plein de confiance, parce que tu auras lieu d'espérer; tu exploreras autour de toi, et tu te coucheras en sécurité;

19 okolala pongi, mpe okomona moto moko te kobangisa yo lisusu, mpe bato ebele bakoya kosenga ngolu na yo.

Tu t'étendras à ton aise, et nul ne t'effraiera; et bien des gens te feront la cour.

20 Kasi miso ya bato mabe ekokufa, mpe bakozanga ekimelo, bakotikala na elikya se moko: kufa. »

Mais les yeux des méchants seront consumés; tout refuge leur sera ôté, et toute leur espérance sera de rendre l'âme.