Kobima 26

1 Okotonga Mongombo elongo na batapi zomi ya lino ya kitoko oyo bakotonga bililingi na likolo na yango, ya langi ya ble, ya motane ya pete mpe ya motane makasi, elongo na basheribe; ekozala mosala ya bato oyo basalaka bililingi na maboko.

“You are to construct the tabernacle itself with ten curtains of finely spun linen, each with blue, purple, and scarlet yarn, and cherubim skillfully worked into them.

2 Tapi moko na moko ekozala na bametele pene zomi na minei na molayi; mpe bametele pene mibale, na mokuse. Batapi nyonso ekozala ndenge moko na mokuse mpe na molayi.

Each curtain shall be twenty-eight cubits long and four cubits wide —all curtains the same size.

3 Okokangisa batapi mitano, moko na mosusu, mpe okosala ndenge moko mpo na batapi mitano mosusu.

Five of the curtains are to be joined together, and the other five joined as well.

4 Okotia basinga ya langi ya ble na pembeni ya tapi ya suka ya lisanga ya batapi mitano ya liboso, mpe na pembeni ya tapi ya suka ya lisanga ya batapi mitano ya mibale.

Make loops of blue material on the edge of the end curtain in the first set, and do the same for the end curtain in the second set.

5 Okotia basinga tuku mitano na suka ya lisanga ya batapi mitano ya liboso, mpe na suka ya lisanga ya batapi mitano ya mibale; basinga yango ekotalana.

Make fifty loops on one curtain and fifty loops on the end curtain of the second set, so that the loops line up opposite one another.

6 Okosala na wolo bibende tuku mitano oyo ezali lokola ndobo; mpe okokangisa na bibende oyo ezali lokola ndobo lisanga ya batapi mitano ya liboso mpe lisanga ya batapi mitano ya mibale. Na boye, Mongombo ekobima eloko moko.

Make fifty gold clasps as well, and join the curtains together with the clasps, so that the tabernacle will be a unit.

7 Okosala batapi zomi na moko na bapwale ya ntaba mpo na kotia yango na likolo ya Mongombo.

You are to make curtains of goat hair for the tent over the tabernacle—eleven curtains in all.

8 Molayi ya tapi moko na moko ekozala na bametele pene zomi na mitano, mpe mokuse na yango ekozala na bametele pene mibale. Batapi nyonso zomi na moko ekozala ndenge moko na mokuse mpe na molayi.

Each of the eleven curtains is to be the same size—thirty cubits long and four cubits wide.

9 Okokangisa batapi mitano na ngambo moko, mpe batapi motoba na ngambo mosusu; mpe okogumba tapi ya motoba na liboso ya Mongombo.

Join five of the curtains into one set and the other six into another. Then fold the sixth curtain over double at the front of the tent.

10 Okotia basinga tuku mitano na suka ya liboke ya batapi ya liboso, mpe basinga tuku mitano na suka ya liboke ya batapi ya mibale.

Make fifty loops along the edge of the end curtain in the first set, and fifty loops along the edge of the corresponding curtain in the second set.

11 Okosala na bronze bibende tuku mitano oyo ezali lokola ndobo; okokotisa yango na basinga mpo na kokangisa Mongombo mpo ete ekoma eloko moko.

Make fifty bronze clasps and put them through the loops to join the tent together as a unit.

12 Batapi oyo ekozala na likolo ya Mongombo ekoleka molayi mpe ndambo na yango ekokita na sima ya Mongombo.

As for the overlap that remains of the tent curtains, the half curtain that is left over shall hang down over the back of the tabernacle.

13 Mpe na molayi ya batapi oyo ezali na likolo ya Mongombo, basantimetele pene tuku mitano ekolekana na bangambo mibale ya Mongombo mpo na kozipa yango.

And the tent curtains will be a cubit longer on either side, and the excess will hang over the sides of the tabernacle to cover it.

14 Okosalela baposo ya bameme oyo bapakola langi ya motane mpo na kozipa Mongombo, mpe okobakisa na likolo na yango baposo ya banyama ya ebale.

Also make a covering for the tent out of ram skins dyed red, and over that a covering of fine leather.

15 Okosala bizingelo ya Mongombo na banzete ya akasia mpe okotelemisa yango.

You are to construct upright frames of acacia wood for the tabernacle.

16 Ezingelo moko na moko ekozala na bametele mitano na molayi, mpe basantimetele tuku sambo na mitano na mokuse.

Each frame is to be ten cubits long and a cubit and a half wide.

17 Okobeta banzete mibale-mibale na ezingelo; okosala bongo mpo na bizingelo nyonso ya Mongombo.

Two tenons must be connected to each other for each frame. Make all the frames of the tabernacle in this way.

18 Okotia bizingelo tuku mibale na ngambo ya Negevi, na sude;

Construct twenty frames for the south side of the tabernacle,

19 mpe makolo tuku minei ya palata na se ya bizingelo tuku mibale: makolo mibale na se ya ezingelo moko na moko oyo babeta banzete mibale;

with forty silver bases under the twenty frames—two bases for each frame, one under each tenon.

20 bizingelo tuku mibale na ngambo mosusu ya Mongombo, na nor,

For the second side of the tabernacle, the north side, make twenty frames

21 elongo na makolo na yango tuku minei ya palata: makolo mibale mpo na ezingelo moko na moko;

and forty silver bases—two bases under each frame.

22 bizingelo motoba na suka ya Mongombo, na ngambo ya weste,

Make six frames for the rear of the tabernacle, the west side,

23 mpe bizingelo mibale na suka mpo na kolendisa Mongombo.

and two frames for the two back corners of the tabernacle,

24 Bizingelo yango ekozala ya kofungwama na se, kasi ekosala songe na likolo mpe ekokota na lopete ya liboso: nyonso mibale ekozala ndenge moko mpe ekolendisa Mongombo.

coupled together from bottom to top and fitted into a single ring. These will serve as the two corners.

25 Boye, bizingelo ekozala mwambe elongo na makolo na yango zomi na motoba ya palata: makolo mibale-mibale na se ya ezingelo moko na moko.

So there are to be eight frames and sixteen silver bases—two under each frame.

26 Sima, okosala, na nzete ya akasia, mabaya mitano mpo na bizingelo ya ngambo moko ya Mongombo,

You are also to make five crossbars of acacia wood for the frames on one side of the tabernacle,

27 mabaya mitano mpo na bizingelo ya ngambo mosusu ya Mongombo, mabaya mitano mpo na bizingelo oyo ekozala na suka ya Mongombo, na ngambo ya weste.

five for those on the other side, and five for those on the rear side of the tabernacle, to the west.

28 Libaya ya kati ekoleka na kati-kati ya bizingelo, ekoleka ngambo na ngambo.

The central crossbar in the middle of the frames shall extend from one end to the other.

29 Okobamba wolo na bizingelo, okosala bapete na yango na wolo mpo na kolekisa mabaya; mpe okobamba mabaya wolo.

Overlay the frames with gold and make gold rings to hold the crossbars. Also overlay the crossbars with gold.

30 Okotonga Mongombo ndenge kaka balakisaki yo yango na likolo ya ngomba.

So you are to set up the tabernacle according to the pattern shown you on the mountain.

31 Okosala rido ya langi ya ble, ya motane ya pete, ya motane makasi, mpe na lino ya kitoko oyo bakotonga bililingi na likolo na yango, elongo na basheribe; ekozala mosala ya bato oyo basalaka bililingi na maboko.

Make a veil of blue, purple, and scarlet yarn, and finely spun linen, with cherubim skillfully worked into it.

32 Okotia yango na makonzi minei ya nzete ya akasia, oyo bapakola wolo; okokangisa yango na bibende ya wolo oyo ezali lokola ndobo mpe okotelemisa yango na makolo minei ya palata.

Hang it with gold hooks on four posts of acacia wood, overlaid with gold and standing on four silver bases.

33 Okokangisa rido na bibende oyo ezali lokola ndobo mpe okotia Sanduku ya Litatoli na sima ya rido yango. Rido nde ekokabola Esika ya bule mpe Esika-Oyo-Eleki-Bule.

And hang the veil from the clasps and place the ark of the Testimony behind the veil. So the veil will separate the Holy Place from the Most Holy Place.

34 Kati na Esika-Oyo-Eleki-Bule, okotia mofinuku na likolo ya Sanduku ya Litatoli.

Put the mercy seat on the ark of the Testimony in the Most Holy Place.

35 Okotia mesa na liboso ya rido, na ngambo ya nor ya Mongombo, mpe okotia etelemiselo ya minda na liboso ya mesa, na ngambo ya sude.

And place the table outside the veil on the north side of the tabernacle, and put the lampstand opposite the table, on the south side.

36 Mpo na ekotelo ya Ndako ya kapo, okosala rido ya langi ya ble, ya motane ya pete, ya motane makasi mpe na lino ya kitoko oyo bakotonga bililingi na likolo na yango; ekozala mosala ya bato oyo batongaka bililingi na bilamba.

For the entrance to the tent, you are to make a curtain embroidered with blue, purple, and scarlet yarn, and finely spun linen.

37 Okosala na wolo, bibende mitano oyo ezali lokola ndobo mpo na kokangisela rido mpe banzete mitano ya akasia babamba wolo; okosala makolo mitano ya bronze mpo na kotelemisela banzete yango.

Make five posts of acacia wood for the curtain, overlay them with gold hooks, and cast five bronze bases for them.