Mosakoli 6
1 Namoni mabe mosusu na se ya moyi, mpe ezali kilo makasi mpo na bato:
我看見在太陽下，另有一種不幸，重壓在人身上：
2 ezali na bato oyo bazwi kowuta na Nzambe bozwi, biloko ebele mpe lokumu mpo ete bazanga eloko moko te oyo mitema na bango ekoki kozala na yango posa; kasi Ye moko Nzambe apimeli bango makoki ya kosepela na yango, pamba te moto mosusu nde azali kosepela na yango. Wana mpe ezali pamba, mpe ezali mabe oyo epesaka penza mawa.
有一人，天主賜他富裕、錢財、光榮；凡他心中所願意的，一件也不缺；但天主沒有讓他享用這一切，卻讓外人享用了：這也是空虛，是一件很悲慘的事。
3 Soki moto aboti bana nkama moko mpe azwi ngolu ya kowumela mibu ebele na bomoi; bongo, atako awumeli mibu ebele na bomoi, asepeli te na bozwi na ye mpe azangi ata kunda, nalobi solo ete mwana oyo abotami ya kokufa azali malamu koleka ye;
有一人生有百子，活了很大歲數，他年紀雖高，卻沒有隨心享受福樂，且未得安葬，照我看來，他還不如流產的胎兒。
4 pamba te, mwana oyo abotami ya kokufa, abotami pamba, azongi kati na molili, mpe bakokanisa ye lisusu te;
流產的胎兒徒然而來，悄然而去，他的名字也湮沒無聞；
5 atako amoni moyi te to atikali koyeba ata eloko moko te, azali na kimia koleka mozwi.
他沒有見過天日，也沒有任何知覺，但他總比那人更享安寧。
6 Ata awumeli na bomoi mibu nkoto moko mbala mibale, akotikala komona esengo te. Boni, bato nyonso bakendaka kaka esika moko te?
那人即便活了兩千歲，如未享受福樂，他們二人豈不是同歸一處﹖
7 Pasi nyonso oyo moto amonaka ezali mpo ete akokisa baposa na ye, nzokande baposa yango esilaka kaka te.
人的一切勞碌都是為了口腹，但他的慾望卻總不知滿足。
8 Moto ya bwanya aleki moto oyo azangi mayele na nini? Litomba nini mobola azali na yango ata ayebi kotambola liboso ya bato mosusu?
智者較愚者究有什麼利益﹖知道如何與人往來的窮人，能得什麼好處﹖
9 Biloko oyo moto azali komona na miso ezali malamu koleka biloko oyo azali na yango na makanisi: yango mpe ezali pamba, ezali lokola moto azali kolanda mopepe.
眼看見過的總勝過心所想望的：這也是空虛，也是追風。
10 Ekelamu nyonso oyo ezali esila koyebana na kombo na yango, mpe eyebani malamu soki moto azali nani: akoki te kotelemela oyo aleki ye na makasi.
已往所有的，都已有名可稱；人為何物，都已知道；人決不能與強於自己的抗辯。
11 Soki maloba eleki mingi, makambo ya pamba-pamba eyaka mpe ebele; bongo litomba na yango ezali penza nini?
說話多，必多空談：這對人能有什麼益處﹖
12 Pamba te, nani ayebi likambo oyo ezali malamu mpo na bomoi ya moto, na mikolo na ye nyonso ya bomoi ya pamba oyo azali kolekisa lokola elili? Nani akoki koyebisa ye makambo oyo ekoya sima na ye, na se ya moyi?
在空虛，消逝如影的人生少數歲月內，有誰知道什麼事對人有益﹖又有誰能指給人指示，他身後在太陽下要發生什麼事﹖
