1 Bakolinto 3

1 Bandeko, nakokaki te koloba na bino lokola na bato oyo batambolisamaka na Molimo, kasi lokola na bato oyo batambolisamaka kolanda baposa ya nzoto, lokola na bana mike kati na Klisto.

And I, brethren, have not been able to speak to you as to spiritual, but as to fleshly; as to babes in Christ.

2 Napesaki bino miliki, kasi bilei ya makasi te, pamba te bolingaki te kokoka kolia yango. Ezala sik’oyo, bokokoka na bino mpe kaka te kolia yango,

I have given you milk to drink, not meat, for ye have not yet been able, nor indeed are ye yet able;

3 pamba te bozali nanu kotambolisama kolanda baposa ya nzoto. Lokola likunya mpe koswana ezali kati na bino, boni, bozali te kotambolisama kolanda baposa ya nzoto? Bozali kaka kosala lokola moto nyonso te?

for ye are yet carnal. For whereas [there are] among you emulation and strife, are ye not carnal, and walk according to man?

4 Tango moko azali koloba: « Ngai nazali moto ya Polo, » mpe mosusu: « Ngai nazali moto ya Apolosi, » boni, bozali kaka kosala lokola moto nyonso te?

For when one says, I am of Paul, and another, I of Apollos, are ye not men?

5 Boni, Apolosi azali nani? Polo mpe azali nani? Bazali kaka basali oyo, na nzela na bango, bondimelaki Nzambe, kolanda mosala oyo Nkolo apesaki na moko na moko kati na bango.

Who then is Apollos, and who Paul? Ministering servants, through whom ye have believed, and as the Lord has given to each.

6 Ngai nalonaki, Apolosi asopaki mayi, kasi Nzambe azalaki kokolisa.

I have planted; Apollos watered; but God has given the increase.

7 Ezala moto oyo alonaki to moto oyo asopaki mayi, moko te azali na tina; ezali kaka Nzambe oyo akolisaka nde azali na tina.

So that neither the planter is anything, nor the waterer; but God the giver of the increase.

8 Moto oyo aloni mpe moto oyo asopi mayi bazali kaka ndenge moko, mpe moko na moko akozwa lifuti na ye moko kolanda mosala na ye.

But the planter and the waterer are one; but each shall receive his own reward according to his own labour.

9 Pamba te biso, tozali basali elongo na Nzambe; mpe bino, bozali elanga ya Nzambe, Ndako ya Nzambe.

For we are God's fellow-workmen; ye are God's husbandry, God's building.

10 Kolanda ngolu oyo Nzambe apesaki ngai, natongaki moboko lokola mobongisi ya mayele, mpe moto mosusu azali kotonga na likolo na yango. Boye tika ete moko na moko asala keba na lolenge na ye ya kotonga na likolo ya moboko.

According to the grace of God which has been given to me, as a wise architect, I have laid the foundation, but another builds upon it. But let each see how he builds upon it.

11 Pamba te moko te akoki kotonga moboko mosusu, longola kaka oyo esili kotongama, oyo ezali Yesu-Klisto.

For other foundation can no man lay besides that which [is] laid, which is Jesus Christ.

12 Nzokande, soki moto asaleli wolo to palata to mabanga ya talo to mabaya to makasa to mpe matiti mpo na kotonga na likolo ya moboko yango,

Now if any one build upon [this] foundation, gold, silver, precious stones, wood, grass, straw,

13 mokolo ya kosambisama ekomonisa mosala na ye polele; pamba te ekozala mokolo ya moto, mpe moto ekomeka mosala ya moto na moto.

the work of each shall be made manifest; for the day shall declare [it], because it is revealed in fire; and the fire shall try the work of each what it is.

14 Soki mosala ya moto oyo atongaki na likolo ya moboko eziki te, motongi yango akozwa lifuti.

If the work of any one which he has built upon [the foundation] shall abide, he shall receive a reward.

15 Kasi soki eziki, motongi akozwa eloko te. Ye moko kaka nde akobika, kasi ekozala lokola moto oyo asili kobika na likama ya moto.

If the work of any one shall be consumed, he shall suffer loss, but he shall be saved, but so as through [the] fire.

16 Boni, boyebi te ete bozali Tempelo ya Nzambe, mpe ete Molimo ya Nzambe avandaka kati na bino?

Do ye not know that ye are [the] temple of God, and [that] the Spirit of God dwells in you?

17 Soki moto abebisi Tempelo ya Nzambe, Nzambe mpe akoboma ye; pamba te Tempelo ya Nzambe ezali bule, bongo bino bozali nde Tempelo yango.

If any one corrupt the temple of God, him shall God destroy; for the temple of God is holy, and such are ye.

18 Bomikosa te: soki moto moko kati na bino akanisi ete azali na bwanya kati na mokili oyo, tika ete akoma lokola zoba mpo ete akoma penza moto ya bwanya. (aiōn g165)

Let no one deceive himself: if any one thinks himself to be wise among you in this world, let him become foolish, that he may be wise. (aiōn g165)

19 Pamba te bwanya ya mokili ezali bozoba na miso ya Nzambe. Kolanda ndenge ekomama: « Akangaka bato ya bwanya kati na mitambo ya mayele mabe na bango; »

For the wisdom of this world is foolishness with God; for it is written, He who takes the wise in their craftiness.

20 mpe lisusu: « Nkolo ayebi ete makanisi ya bato ya bwanya ezali na tina te, »

And again, [The] Lord knows the reasonings of the wise that they are vain.

21 yango wana tika ete moko te aluka lokumu kati na bato, pamba te nyonso ezali ya bino:

So that let no one boast in men; for all things are yours.

22 ezala Polo, Apolosi, Petelo, mokili, bomoi, kufa, tango oyo tozali sik’oyo to tango oyo ezali koya. Nyonso ezali ya bino;

Whether Paul, or Apollos, or Cephas, or [the] world, or life, or death, or things present, or things coming, all are yours;

23 kasi bino, bozali bato ya Klisto, mpe Klisto azali ya Nzambe.

and ye [are] Christ's, and Christ [is] God's.