Psalmorum 85
1 in finem filiis Core psalmus benedixisti Domine terram tuam avertisti captivitatem Iacob
Psalmus, in finem, filiis Core. Benedixisti Domine terram tuam: avertisti captivitatem Iacob.
2 remisisti iniquitates plebis tuae operuisti omnia peccata eorum diapsalma
Remisisti iniquitatem plebis tuae: operuisti omnia peccata eorum.
3 mitigasti omnem iram tuam avertisti ab ira indignationis tuae
Mitigasti omnem iram tuam: avertisti ab ira indignationis tuae.
4 converte nos Deus salutum nostrarum et averte iram tuam a nobis
Converte nos Deus salutaris noster: et averte iram tuam a nobis.
5 numquid in aeternum irasceris nobis aut extendes iram tuam a generatione in generationem
Numquid in aeternum irasceris nobis? aut extendes iram tuam a generatione in generationem?
6 Deus tu conversus vivificabis nos et plebs tua laetabitur in te
Deus tu conversus vivificabis nos: et plebs tua laetabitur in te.
7 ostende nobis Domine misericordiam tuam et salutare tuum da nobis
Ostende nobis Domine misericordiam tuam: et salutare tuum da nobis.
8 audiam quid loquatur in me Dominus Deus quoniam loquetur pacem in plebem suam et super sanctos suos et in eos qui convertuntur ad cor
Audiam quid loquatur in me Dominus Deus: quoniam loquetur pacem in plebem suam. Et super sanctos suos: et in eos, qui convertuntur ad cor.
9 verumtamen prope timentes eum salutare ipsius ut inhabitet gloria in terra nostra
Verumtamen prope timentes eum salutare ipsius: ut inhabitet gloria in terra nostra.
10 misericordia et veritas obviaverunt sibi iustitia et pax osculatae sunt
Misericordia, et veritas obviaverunt sibi: iustitia, et pax osculatae sunt.
11 veritas de terra orta est et iustitia de caelo prospexit
Veritas de terra orta est: et iustitia de caelo prospexit.
12 etenim Dominus dabit benignitatem et terra nostra dabit fructum suum
Etenim Dominus dabit benignitatem: et terra nostra dabit fructum suum.
13 iustitia ante eum ambulabit et ponet in via gressus suos
Iustitia ante eum ambulabit: et ponet in via gressus suos.
