Psalmorum 84
1 in finem pro torcularibus filiis Core psalmus quam dilecta tabernacula tua Domine virtutum
The salm of the sones of Chore. Lord of vertues, thi tabernaclis ben greetli loued;
2 concupiscit et defecit anima mea in atria Domini cor meum et caro mea exultavit in Deum vivum
my soule coueitith, and failith in to the porchis of the Lord. Myn herte and my fleische; ful out ioyeden in to quyk God.
3 etenim passer invenit sibi domum et turtur nidum sibi ubi ponat pullos suos altaria tua Domine virtutum rex meus et Deus meus
For whi a sparewe fyndith an hous to it silf; and a turtle fyndith a neste to it silf, where it `schal kepe hise bryddis. Lord of vertues, thin auteris; my king, and my God.
4 beati qui habitant in domo tua in saecula saeculorum laudabunt te diapsalma
Lord, blessid ben thei that dwellen in thin hous; thei schulen preise thee in to the worldis of worldis.
5 beatus vir cui est auxilium abs te ascensiones in corde suo disposuit
Blessid is the man, whos help is of thee; he hath disposid stiyngis in his herte,
6 in valle lacrimarum in loco quem posuit
in the valei of teeris, in the place which he hath set.
7 etenim benedictiones dabit legis dator ibunt de virtute in virtutem videbitur Deus deorum in Sion
For the yyuer of the lawe schal yyue blessyng, thei schulen go fro vertu in to vertu; God of goddis schal be seyn in Sion.
8 Domine Deus virtutum exaudi orationem meam auribus percipe Deus Iacob diapsalma
Lord God of vertues, here thou my preier; God of Jacob, perseyue thou with eeris.
9 protector noster aspice Deus et respice in faciem christi tui
God, oure defender, biholde thou; and biholde in to the face of thi crist.
10 quia melior est dies una in atriis tuis super milia elegi abiectus esse in domo Dei mei magis quam habitare in tabernaculis peccatorum
For whi o dai in thin hallis is bettere; than a thousynde. I chees to be `an out cast in the hous of my God; more than to dwelle in the tabernaclis of synneris.
11 quia misericordiam et veritatem diligit Deus gratiam et gloriam dabit Dominus
For God loueth merci and treuthe; the Lord schal yyue grace and glorie.
12 non privabit bonis eos qui ambulant in innocentia Domine virtutum beatus vir qui sperat in te
He schal not depriue hem fro goodis, that gon in innocence; Lord of vertues, blessid is the man, that hopith in thee.
