Psalmorum 77
1 in finem pro Idithun psalmus Asaph voce mea ad Dominum clamavi voce mea ad Deum et intendit me
In finem, pro Idithun. Psalmus Asaph. [Voce mea ad Dominum clamavi; voce mea ad Deum, et intendit mihi.
2 in die tribulationis meae Deum exquisivi manibus meis nocte contra eum et non sum deceptus rennuit consolari anima mea
In die tribulationis meæ Deum exquisivi; manibus meis nocte contra eum, et non sum deceptus. Renuit consolari anima mea;
3 memor fui Dei et delectatus sum exercitatus sum et defecit spiritus meus diapsalma
memor fui Dei, et delectatus sum, et exercitatus sum, et defecit spiritus meus.
4 anticipaverunt vigilias oculi mei turbatus sum et non sum locutus
Anticipaverunt vigilias oculi mei; turbatus sum, et non sum locutus.
5 cogitavi dies antiquos et annos aeternos in mente habui
Cogitavi dies antiquos, et annos æternos in mente habui.
6 et meditatus sum nocte cum corde meo exercitabar et scobebam spiritum meum
Et meditatus sum nocte cum corde meo, et exercitabar, et scopebam spiritum meum.
7 numquid in aeternum proiciet Deus et non adponet ut conplacitior sit adhuc
Numquid in æternum projiciet Deus? aut non apponet ut complacitior sit adhuc?
8 aut in finem misericordiam suam abscidet a generatione in generationem
aut in finem misericordiam suam abscindet, a generatione in generationem?
9 aut obliviscetur misereri Deus aut continebit in ira sua misericordias suas diapsalma
aut obliviscetur misereri Deus? aut continebit in ira sua misericordias suas?
10 et dixi nunc coepi haec mutatio dexterae Excelsi
Et dixi: Nunc cœpi; hæc mutatio dexteræ Excelsi.
11 memor fui operum Domini quia memor ero ab initio mirabilium tuorum
Memor fui operum Domini, quia memor ero ab initio mirabilium tuorum:
12 et meditabor in omnibus operibus tuis et in adinventionibus tuis exercebor
et meditabor in omnibus operibus tuis, et in adinventionibus tuis exercebor.
13 Deus in sancto via tua quis deus magnus sicut Deus noster
Deus, in sancto via tua: quis deus magnus sicut Deus noster?
14 tu es Deus qui facis mirabilia notam fecisti in populis virtutem tuam
Tu es Deus qui facis mirabilia: notam fecisti in populis virtutem tuam.
15 redemisti in brachio tuo populum tuum filios Iacob et Ioseph diapsalma
Redemisti in brachio tuo populum tuum, filios Jacob et Joseph.
16 viderunt te aquae Deus viderunt te aquae et timuerunt et turbatae sunt abyssi
Viderunt te aquæ, Deus; viderunt te aquæ, et timuerunt: et turbatæ sunt abyssi.
17 multitudo sonitus aquarum vocem dederunt nubes etenim sagittae tuae transeunt
Multitudo sonitus aquarum; vocem dederunt nubes. Etenim sagittæ tuæ transeunt;
18 vox tonitrui tui in rota inluxerunt coruscationes tuae orbi terrae commota est et contremuit terra
vox tonitrui tui in rota. Illuxerunt coruscationes tuæ orbi terræ; commota est, et contremuit terra.
19 in mari via tua et semitae tuae in aquis multis et vestigia tua non cognoscentur
In mari via tua, et semitæ tuæ in aquis multis, et vestigia tua non cognoscentur.
20 deduxisti sicut oves populum tuum in manu Mosi et Aaron
Deduxisti sicut oves populum tuum, in manu Moysi et Aaron.]
