Psalmorum 76

1 in finem in laudibus psalmus Asaph canticum ad Assyrium notus in Iudaea Deus in Israhel magnum nomen eius

Psalmus Asaph, in finem, in Laudibus, canticum ad Assyrios. Notus in Iudaea Deus: in Israel magnum nomen eius.

2 et factus est in pace locus eius et habitatio eius in Sion

Et factus est in pace locus eius: et habitatio eius in Sion.

3 ibi confregit potentias arcuum scutum et gladium et bellum diapsalma

Ibi confregit potentias arcum, scutum, gladium, et bellum.

4 inluminas tu mirabiliter de montibus aeternis

Illuminans tu mirabiliter a montibus aeternis:

5 turbati sunt omnes insipientes corde dormierunt somnum suum et nihil invenerunt omnes viri divitiarum manibus suis

turbati sunt omnes insipientes corde. Dormierunt somnum suum: et nihil invenerunt omnes viri divitiarum in manibus suis.

6 ab increpatione tua Deus Iacob dormitaverunt qui ascenderunt equos

Ab increpatione tua Deus Iacob dormitaverunt qui ascenderunt equos.

7 tu terribilis es et quis resistet tibi ex tunc ira tua

Tu terribilis es, et quis resistet tibi? ex tunc ira tua.

8 de caelo auditum fecisti iudicium terra timuit et quievit

De caelo auditum fecisti iudicium: terra tremuit et quievit,

9 cum exsurgeret in iudicium Deus ut salvos faceret omnes mansuetos terrae diapsalma

Cum exurgeret in iudicium Deus, ut salvos faceret omnes mansuetos terrae.

10 quoniam cogitatio hominis confitebitur tibi et reliquiae cogitationis diem festum agent tibi

Quoniam cogitatio hominis confitebitur tibi: et reliquiae cogitationis diem festum agent tibi.

11 vovete et reddite Domino Deo vestro omnes qui in circuitu eius adferent munera terribili

Vovete, et reddite Domino Deo vestro: omnes qui in circuitu eius affertis munera. Terribili

12 et ei qui aufert spiritus principum terribili apud reges terrae

et ei qui aufert spiritum principum, terribili apud reges terrae.