Psalmorum 74
1 intellectus Asaph ut quid Deus reppulisti in finem iratus est furor tuus super oves pascuae tuae
The lernyng of Asaph. God, whi hast thou put awei in to the ende; thi strong veniaunce is wrooth on the scheep of thi leesewe?
2 memor esto congregationis tuae quam possedisti ab initio redemisti virgam hereditatis tuae mons Sion in quo habitasti in eo
Be thou myndeful of thi gadering togidere; which thou haddist in possessioun fro the bigynnyng. Thou ayenbouytist the yerde of thin eritage; the hille of Syon in which thou dwellidist ther ynne.
3 leva manus tuas in superbias eorum in finem quanta malignatus est inimicus in sancto
Reise thin hondis in to the prides of hem; hou grete thingis the enemy dide wickidli in the hooli.
4 et gloriati sunt qui oderunt te in medio sollemnitatis tuae posuerunt signa sua signa
And thei that hatiden thee; hadden glorie in the myddis of thi solempnete.
5 et non cognoverunt sicut in exitu super summum quasi in silva lignorum securibus
Thei settiden her signes, `ethir baneris, signes on the hiyeste, as in the outgoing; and thei knewen not.
6 exciderunt ianuas eius in id ipsum in securi et ascia deiecerunt eam
As in a wode of trees thei heweden doun with axis the yatis therof in to it silf; thei castiden doun it with an ax, and a brood fallinge ax.
7 incenderunt igni sanctuarium tuum in terra polluerunt tabernaculum nominis tui
Thei brenten with fier thi seyntuarie; thei defouliden the tabernacle of thi name in erthe.
8 dixerunt in corde suo cognatio eorum simul quiescere faciamus omnes dies festos Dei a terra
The kynrede of hem seiden togidere in her herte; Make we alle the feest daies of God to ceesse fro the erthe.
9 signa nostra non vidimus iam non est propheta et nos non cognoscet amplius
We han not seyn oure signes, now `no profete is; and he schal no more knowe vs.
10 usquequo Deus inproperabit inimicus inritat adversarius nomen tuum in finem
God, hou long schal the enemye seie dispit? the aduersarie territh to ire thi name in to the ende.
11 ut quid avertis manum tuam et dexteram tuam de medio sinu tuo in finem
Whi turnest thou awei thin hoond, and `to drawe out thi riythond fro the myddis of thi bosum, til in to the ende?
12 Deus autem rex noster ante saeculum operatus est salutes in medio terrae
Forsothe God oure kyng bifore worldis; wrouyte heelthe in the mydis of erthe.
13 tu confirmasti in virtute tua mare contribulasti capita draconum in aquis
Thou madist sad the see bi thi vertu; thou hast troblid the heedis of dragouns in watris.
14 tu confregisti capita draconis dedisti eum escam populis Aethiopum
Thou hast broke the heedis of `the dragoun; thou hast youe hym to mete to the puplis of Ethiopiens.
15 tu disrupisti fontem et torrentes tu siccasti fluvios Aetham;
Thou hast broke wellis, and strondis; thou madist drie the flodis of Ethan.
16 tuus est dies et tua est nox tu fabricatus es auroram et solem
The dai is thin, and the niyt is thin; thou madist the moreutid and the sunne.
17 tu fecisti omnes terminos terrae aestatem et ver tu plasmasti ea
Thou madist alle the endis of erthe; somer and veer tyme, thou fourmedist tho.
18 memor esto huius inimicus inproperavit Dominum et populus insipiens incitavit nomen tuum
Be thou myndeful of this thing, the enemye hath seid schenschip to the Lord; and the vnwijs puple hath excitid to ire thi name.
19 ne tradas bestiis animam confitentem tibi animas pauperum tuorum ne obliviscaris in finem
Bitake thou not to beestis men knoulechenge to thee; and foryete thou not in to the ende the soulis of thi pore men.
20 respice in testamentum tuum quia repleti sunt qui obscurati sunt terrae domibus iniquitatum
Biholde in to thi testament; for thei that ben maad derk of erthe, ben fillid with the housis of wickidnessis.
21 ne avertatur humilis factus confusus pauper et inops laudabunt nomen tuum
A meke man be not turned awei maad aschamed; a pore man and nedi schulen herie thi name.
22 exsurge Deus iudica causam tuam memor esto inproperiorum tuorum eorum qui ab insipiente sunt tota die
God, rise vp, deme thou thi cause; be thou myndeful of thin vpbreidyngis, of tho that ben al dai of the vnwise man.
23 ne obliviscaris voces inimicorum tuorum superbia eorum qui te oderunt ascendit semper
Foryete thou not the voices of thin enemyes; the pride of hem that haten thee, stieth euere.
