Psalmorum 72
1 in Salomonem
Psalmus, In Salomonem.
2 Deus iudicium tuum regi da et iustitiam tuam filio regis iudicare populum tuum in iustitia et pauperes tuos in iudicio
Deus iudicium tuum regi da: et iustitiam tuam filio regis: Iudicare populum tuum in iustitia, et pauperes tuos in iudicio.
3 suscipiant montes pacem populo et colles iustitiam
Suscipiant montes pacem populo: et colles iustitiam.
4 iudicabit pauperes populi et salvos faciet filios pauperum et humiliabit calumniatorem
Iudicabit pauperes populi, et salvos faciet filios pauperum: et humiliabit calumniatorem.
5 et permanebit cum sole et ante lunam generationes generationum
Et permanebit cum Sole, et ante Lunam, in generatione et generationem.
6 descendet sicut pluvia in vellus et sicut stillicidia stillantia super terram
Descendet sicut pluvia in vellus: et sicut stillicidia stillantia super terram.
7 orietur in diebus eius iustitia et abundantia pacis donec auferatur luna
Orietur in diebus eius iustitia, et abundantia pacis: donec auferatur luna.
8 et dominabitur a mari usque ad mare et a flumine usque ad terminos orbis terrarum
Et dominabitur a mari usque ad mare: et a flumine usque ad terminos orbis terrarum.
9 coram illo procident Aethiopes et inimici eius terram lingent
Coram illo procident Æthiopes: et inimici eius terram lingent.
10 reges Tharsis et insulae munera offerent reges Arabum et Saba dona adducent
Reges Tharsis, et insulæ munera offerent: reges Arabum, et Saba dona adducent:
11 et adorabunt eum omnes reges omnes gentes servient ei
Et adorabunt eum omnes reges terræ: omnes gentes servient ei:
12 quia liberavit pauperem a potente et pauperem cui non erat adiutor
Quia liberabit pauperem a potente: et pauperem, cui non erat adiutor.
13 parcet pauperi et inopi et animas pauperum salvas faciet
Parcet pauperi et inopi: et animas pauperum salvas faciet.
14 ex usuris et iniquitate redimet animas eorum et honorabile nomen eorum coram illo
Ex usuris et iniquitate redimet animas eorum: et honorabile nomen eorum coram illo.
15 et vivet et dabitur ei de auro Arabiae et orabunt de ipso semper tota die benedicent ei
Et vivet, et dabitur ei de auro Arabiæ, et adorabunt de ipso semper: tota die benedicent ei.
16 erit firmamentum in terra in summis montium superextolletur super Libanum fructus eius et florebunt de civitate sicut faenum terrae
Et erit firmamentum in terra in summis montium, superextolletur super Libanum fructus eius: et florebunt de civitate sicut fœnum terræ.
17 sit nomen eius benedictum in saecula ante solem permanet nomen eius et benedicentur in ipso omnes tribus terrae omnes gentes beatificabunt eum
Sit nomen eius benedictum in sæcula: ante Solem permanet nomen eius. Et benedicentur in ipso omnes tribus terræ: omnes gentes magnificabunt eum.
18 benedictus Dominus Deus Deus Israhel qui facit mirabilia solus
Benedictus Dominus Deus Israel, qui facit mirabilia solus:
19 et benedictum nomen maiestatis eius in aeternum et replebitur maiestate eius omnis terra fiat fiat
Et benedictum nomen maiestatis eius in æternum: et replebitur maiestate eius omnis terra: fiat, fiat.
20 defecerunt laudes David filii Iesse
Defecerunt laudes David filii Iesse.
