Psalmorum 68
1 in finem David psalmus cantici exsurgat Deus et dissipentur inimici eius et fugiant qui oderunt eum a facie eius
In finem, Psalmus Cantici ipsi David. Exurgat Deus, et dissipentur inimici eius, et fugiant qui oderunt eum, a facie eius.
2 sicut deficit fumus deficiant sicut fluit cera a facie ignis sic pereant peccatores a facie Dei
Sicut deficit fumus, deficiant: sicut fluit cera a facie ignis, sic pereant peccatores a facie Dei.
3 et iusti epulentur exultent in conspectu Dei delectentur in laetitia
Et iusti epulentur, et exultent in conspectu Dei: et delectentur in lætitia.
4 cantate Deo psalmum dicite nomini eius iter facite ei qui ascendit super occasum Dominus nomen illi et exultate in conspectu eius turbabuntur a facie eius
Cantate Deo, psalmum dicite nomini eius: iter facite ei, qui ascendit super occasum: Dominus nomen illi. Exultate in conspectu eius, turbabuntur a facie eius,
5 patris orfanorum et iudicis viduarum Deus in loco sancto suo
patris orphanorum, et iudicis viduarum. Deus in loco sancto suo:
6 Deus inhabitare facit unius moris in domo qui educit vinctos in fortitudine similiter eos qui exasperant qui habitant in sepulchris
Deus qui inhabitare facit unius moris in domo: Qui educit vinctos in fortitudine, similiter eos, qui exasperant, qui habitant in sepulchris.
7 Deus cum egredereris in conspectu populi tui cum pertransieris in deserto diapsalma
Deus cum egredereris in conspectu populi tui, cum pertransires in deserto,
8 terra mota est etenim caeli distillaverunt a facie Dei Sinai a facie Dei Israhel
terra mota est, etenim cæli distillaverunt a facie Dei Sinai, a facie Dei Israel.
9 pluviam voluntariam segregabis Deus hereditati tuae et infirmata est tu vero perfecisti eam
Pluviam voluntariam segregabis Deus hereditati tuæ: et infirmata est, tu vero perfecisti eam.
10 animalia tua habitant in ea parasti in dulcedine tua pauperi Deus
Animalia tua habitabunt in ea: parasti in dulcedine tua pauperi, Deus.
11 Dominus dabit verbum evangelizantibus virtute multa
Dominus dabit verbum evangelizantibus, virtute multa.
12 rex virtutum dilecti dilecti; et speciei domus dividere spolia
Rex virtutum dilecti dilecti: et speciei domus dividere spolia.
13 si dormiatis inter medios cleros pinnae columbae deargentatae et posteriora dorsi eius in pallore auri
Si dormiatis inter medios cleros, pennæ columbæ deargentatæ, et posteriora dorsi eius in pallore auri.
14 dum discernit Caelestis reges super eam nive dealbabuntur in Selmon
Dum discernit cælestis reges super eam, nive dealbabuntur in Selmon:
15 mons Dei mons pinguis mons coagulatus mons pinguis
mons Dei, mons pinguis. Mons coagulatus, mons pinguis:
16 ut quid suspicamini montes coagulatos mons in quo beneplacitum est Deo habitare in eo etenim Dominus habitabit in finem
ut quid suspicamini montes coagulatos? Mons, in quo beneplacitum est Deo habitare in eo: etenim Dominus habitabit in finem.
17 currus Dei decem milibus multiplex milia laetantium Dominus in eis in Sina in sancto
Currus Dei decem millibus multiplex, millia lætantium: Dominus in eis in Sina in sancto.
18 ascendisti in altum cepisti captivitatem accepisti dona in hominibus etenim non credentes inhabitare Dominum Deus
Ascendisti in altum, cepisti captivitatem: accepisti dona in hominibus: Etenim non credentes, inhabitare Dominum Deum.
19 benedictus Dominus die cotidie prosperum iter faciet nobis Deus salutarium nostrorum diapsalma
Benedictus Dominus die quotidie: prosperum iter faciet nobis Deus salutarium nostrorum.
20 Deus noster Deus salvos faciendi et Domini Domini exitus mortis
Deus noster, Deus salvos faciendi: et Domini, Domini exitus mortis.
21 verumtamen Deus confringet capita inimicorum suorum verticem capilli perambulantium in delictis suis
Verumtamen Deus confringet capita inimicorum suorum: verticem capilli perambulantium in delictis suis.
22 dixit Dominus ex Basan convertam convertam in profundis maris
Dixit Dominus: Ex Basan convertam, convertam in profundum maris:
23 ut intinguatur pes tuus in sanguine lingua canum tuorum ex inimicis ab ipso
Ut intingatur pes tuus in sanguine: lingua canum tuorum ex inimicis, ab ipso.
24 viderunt ingressus tui Deus ingressus Dei mei regis mei qui est in sancto
Viderunt ingressus tuos Deus, ingressus Dei mei: regis mei qui est in sancto.
25 praevenerunt principes coniuncti psallentibus in medio iuvencularum tympanistriarum
Prævenerunt principes coniuncti psallentibus, in medio iuvencularum tympanistriarum.
26 in ecclesiis benedicite Deum Dominum de fontibus Israhel
In ecclesiis, benedicite Deo Domino, de fontibus Israel.
27 ibi Beniamin adulescentulus in mentis excessu principes Iuda duces eorum principes Zabulon principes Nepthali
Ibi Beniamin adolescentulus, in mentis excessu. Principes Iuda, duces eorum: principes Zabulon, principes Nephthali.
28 manda Deus virtutem tuam confirma Deus hoc quod operatus es nobis
Manda Deus virtuti tuæ: confirma hoc Deus, quod operatus es in nobis.
29 a templo tuo in Hierusalem tibi adferent reges munera
A templo tuo in Ierusalem, tibi offerent reges munera.
30 increpa feras harundinis congregatio taurorum in vaccis populorum ut excludant eos qui probati sunt argento dissipa gentes quae bella volunt
Increpa feras arundinis, congregatio taurorum in vaccis populorum: ut excludant eos, qui probati sunt argento. Dissipa gentes, quæ bella volunt:
31 venient legati ex Aegypto Aethiopia praeveniet manus eius Deo
venient legati ex Ægypto: Æthiopia præveniet manus eius Deo.
32 regna terrae cantate Deo psallite Domino diapsalma psallite Deo
Regna terræ, cantate Deo: psallite Domino: psallite Deo.
33 qui ascendit super caelum caeli ad orientem ecce dabit voci suae vocem virtutis
qui ascendit super cælum cæli, ad Orientem. Ecce dabit voci suæ vocem virtutis,
34 date gloriam Deo super Israhel magnificentia eius et virtus eius in nubibus
date gloriam Deo super Israel, magnificentia eius, et virtus eius in nubibus.
35 mirabilis Deus in sanctis suis Deus Israhel ipse dabit virtutem et fortitudinem plebi suae benedictus Deus
Mirabilis Deus in sanctis suis, Deus Israel ipse dabit virtutem, et fortitudinem plebi suæ, benedictus Deus.
