Psalmorum 67

1 in finem in hymnis psalmus cantici Deus misereatur nostri et benedicat nobis inluminet vultum suum super nos et misereatur nostri diapsalma

In finem, In hymnis, Psalmus Cantici David. Deus misereatur nostri, et benedicat nobis: illuminet vultum suum super nos, et misereatur nostri.

2 ut cognoscamus in terra viam tuam in omnibus gentibus salutare tuum

Ut cognascamus in terra viam tuam: in omnibus gentibus salutare tuum.

3 confiteantur tibi populi Deus confiteantur tibi populi omnes

Confiteantur tibi populi Deus: confiteantur tibi populi omnes.

4 laetentur et exultent gentes quoniam iudicas populos in aequitate et gentes in terra diriges diapsalma

Lætentur et exultent gentes: quoniam iudicas populos in æquitate, et gentes in terra dirigis.

5 confiteantur tibi populi Deus confiteantur tibi populi omnes

Confiteantur tibi populi Deus: confiteantur tibi populi omnes.

6 terra dedit fructum suum benedicat nos Deus Deus noster

terra dedit fructum suum. Benedicat nos Deus, Deus noster,

7 benedicat nos Deus et metuant eum omnes fines terrae

benedicat nos Deus: et metuant eum omnes fines terræ.