Psalmorum 64

1 in finem psalmus David exaudi Deus orationem meam cum deprecor a timore inimici eripe animam meam

`In Ebrewe thus, To the victorie, the salm of Dauid. `In Jerom `thus, To the ouercomer, the song of Dauid. God, here thou my preier, whanne Y biseche; delyuere thou my soule fro the drede of the enemy.

2 protexisti me a conventu malignantium a multitudine operantium iniquitatem

Thou hast defendid me fro the couent of yuele doers; fro the multitude of hem that worchen wickidnesse.

3 quia exacuerunt ut gladium linguas suas intenderunt arcum rem amaram

For thei scharpiden her tungis as a swerd, thei benten a bowe, a bittir thing;

4 ut sagittent in occultis inmaculatum

for to schete in priuetees hym that is vnwemmed.

5 subito sagittabunt eum et non timebunt firmaverunt sibi sermonem nequam narraverunt ut absconderent laqueos dixerunt quis videbit eos

Sodeynli thei schulen schete hym, and thei schulen not drede; thei maden stidefast to hem silf a wickid word. Thei telden, that thei schulden hide snaris; thei seiden, Who schal se hem?

6 scrutati sunt iniquitates defecerunt scrutantes scrutinio accedet homo et cor altum

Thei souyten wickidnessis; thei souyten, and failiden in sekinge. A man neiyhe to deep herte;

7 et exaltabitur Deus sagittae parvulorum factae sunt plagae eorum

and God schal be enhaunsid. The arowis of `litle men ben maad the woundis of hem;

8 et infirmatae sunt contra eos linguae eorum conturbati sunt omnes qui videbant eos

and the tungis of hem ben maad sijk ayens hem. Alle men ben disturblid, that sien hem;

9 et timuit omnis homo et adnuntiaverunt opera Dei et facta eius intellexerunt

and ech man dredde. And thei telden the werkis of God; and vndurstoden the dedis of God.

10 laetabitur iustus in Domino et sperabit in eo et laudabuntur omnes recti corde

The iust man schal be glad in the Lord, and schal hope in hym; and alle men of riytful herte schulen be preisid.