Psalmorum 63

1 psalmus David cum esset in deserto Iudaeae Deus Deus meus ad te de luce vigilo sitivit in te anima mea quam multipliciter tibi caro mea

O Dios, sika iti Diosko! Sipapasnekak a mangsapsapul kenka, kawawnaka ti kararuak, ken tarigagayannaka ti lasagko, iti namaga ken iti natikag a daga nga awan ti danumna.

2 in terra deserta et invia et inaquosa sic in sancto apparui tibi ut viderem virtutem tuam et gloriam tuam

Isu a kinitaka iti santuariom tapno kitaek ti pannakabalin ken dayagmo.

3 quoniam melior est misericordia tua super vitas labia mea laudabunt te

Gapu ta iti kinapudnom iti tulagmo ket nasaysayaat ngem iti biag, idaydayawnaka dagiti bibigko.

4 sic benedicam te in vita mea in nomine tuo levabo manus meas

Agyamanakto kenka bayat nga agbibiagak; itag-aykonto dagiti imak iti panagkararagko.

5 sicut adipe et pinguidine repleatur anima mea et labia exultationis laudabit os meum

Kaslaak la nangan iti pata ken taba; idaydayawnaka iti ngiwatko nga addaan ragsak dagiti bibigko.

6 si memor fui tui super stratum meum in matutinis meditabar in te

No panpanunotenka iti iddak ken ut-utobenka iti agpatpatnag.

7 quia fuisti adiutor meus et in velamento alarum tuarum exultabo

Ta nagbalinka a katulongak, ken agkantaak a siraragsak iti salinong dagiti payyakmo.

8 adhesit anima mea post te me suscepit dextera tua

Kumpetak kenka; sarsarapaennak ti makannawan nga imam.

9 ipsi vero in vanum quaesierunt animam meam introibunt in inferiora terrae

Ngem maipababanto iti kababaan a paset ti daga dagiti agpanggep a mangdadael iti biagko.

10 tradentur in manus gladii partes vulpium erunt

Maipaimadanto iti pannakabalin ti kampilan, ken agbalindanto a taraon dagiti narungsot nga aso.

11 rex vero laetabitur in Deo laudabitur omnis qui iurat in eo quia obstructum est os loquentium iniqua

Ngem agrag-o ti ari gapu iti inaramid ti Dios; ipannakkelto isuna dagiti amin nga agkarkari kenkuana, ngem mapasardeng dagiti ngiwat dagiti agul-ulbod.