Psalmorum 61

1 in finem in hymnis David exaudi Deus deprecationem meam intende orationi meae

Psalmus In finem, In hymnis David. Exaudi Deus deprecationem meam: intende orationi meae.

2 a finibus terrae ad te clamavi dum anxiaretur cor meum in petra exaltasti me deduxisti me

A finibus terrae ad te clamavi: dum anxiaretur cor meum, in petra exaltasti me. Deduxisti me,

3 quia factus es spes mea turris fortitudinis a facie inimici

quia factus es spes mea: turris fortitudinis a facie inimici.

4 inhabitabo in tabernaculo tuo in saecula protegar in velamento alarum tuarum diapsalma

Inhabitabo in tabernaculo tuo in saecula: protegar in velamento alarum tuarum.

5 quoniam tu Deus meus exaudisti orationem meam dedisti hereditatem timentibus nomen tuum

Quoniam tu Deus meus exaudisti orationem meam: dedisti hereditatem timentibus nomen tuum.

6 dies super dies regis adicies annos eius usque in diem generationis et generationis

Dies super dies regis adiicies: annos eius usque in diem generationis et generationis.

7 permanet in aeternum in conspectu Dei misericordiam et veritatem quis requiret eius

Permanet in aeternum in conspectu Dei: misericordiam et veritatem eius quis requiret?

8 sic psalmum dicam nomini tuo in saeculum saeculi ut reddam vota mea de die in diem

Sic psalmum dicam nomini tuo in saeculum saeculi: ut reddam vota mea de die in diem.