Psalmorum 6

1 in finem in carminibus pro octava psalmus David Domine ne in furore tuo arguas me neque in ira tua corripias me

In finem, in carminibus. Psalmus David. Pro octava. [Domine, ne in furore tuo arguas me, neque in ira tua corripias me.

2 miserere mei Domine quoniam infirmus sum sana me Domine quoniam conturbata sunt ossa mea

Miserere mei, Domine, quoniam infirmus sum; sana me, Domine, quoniam conturbata sunt ossa mea.

3 et anima mea turbata est valde et tu Domine usquequo

Et anima mea turbata est valde; sed tu, Domine, usquequo?

4 convertere Domine eripe animam meam salvum me fac propter misericordiam tuam

Convertere, Domine, et eripe animam meam; salvum me fac propter misericordiam tuam.

5 quoniam non est in morte qui memor sit tui in inferno autem quis confitebitur tibi (Sheol h7585)

Quoniam non est in morte qui memor sit tui; in inferno autem quis confitebitur tibi? (Sheol h7585)

6 laboravi in gemitu meo lavabo per singulas noctes lectum meum in lacrimis meis stratum meum rigabo

Laboravi in gemitu meo; lavabo per singulas noctes lectum meum: lacrimis meis stratum meum rigabo.

7 turbatus est a furore oculus meus inveteravi inter omnes inimicos meos

Turbatus est a furore oculus meus; inveteravi inter omnes inimicos meos.

8 discedite a me omnes qui operamini iniquitatem quoniam exaudivit Dominus vocem fletus mei

Discedite a me omnes qui operamini iniquitatem, quoniam exaudivit Dominus vocem fletus mei.

9 exaudivit Dominus deprecationem meam Dominus orationem meam suscepit

Exaudivit Dominus deprecationem meam; Dominus orationem meam suscepit.

10 erubescant et conturbentur vehementer omnes inimici mei convertantur et erubescant valde velociter

Erubescant, et conturbentur vehementer, omnes inimici mei; convertantur, et erubescant valde velociter.]