Psalmorum 52

1 in finem intellectus David cum venit Doec Idumeus et adnuntiavit Saul et dixit venit David in domo Achimelech quid gloriatur in malitia qui potens est iniquitate

Psalmus In finem, Intellectus David, Cum venit Doeg Idumaeus, et nunciavit Sauli: Venit David in domum Abimelech. Quid gloriaris in malitia, qui potens es in iniquitate?

2 tota die iniustitiam cogitavit lingua tua sicut novacula acuta fecisti dolum

Tota die iniustitiam cogitavit lingua tua: sicut novacula acuta fecisti dolum.

3 dilexisti malitiam super benignitatem iniquitatem magis quam loqui aequitatem diapsalma

Dilexisti malitiam super benignitatem: iniquitatem magis quam loqui aequitatem.

4 dilexisti omnia verba praecipitationis linguam dolosam

Dilexisti omnia verba praecipitationis, lingua dolosa.

5 propterea Deus destruet te in finem evellet te et emigrabit te de tabernaculo et radicem tuam de terra viventium diapsalma

Propterea Deus destruet te in finem, evellet te, et emigrabit te de tabernaculo tuo: et radicem tuam de terra viventium.

6 videbunt iusti et timebunt et super eum ridebunt et dicent

Videbunt iusti, et timebunt, et super eum ridebunt, et dicent:

7 ecce homo qui non posuit Deum adiutorem suum sed speravit in multitudine divitiarum suarum et praevaluit in vanitate sua

ecce homo, qui non posuit Deum adiutorem suum: Sed speravit in multitudine divitiarum suarum: et praevaluit in vanitate sua.

8 ego autem sicut oliva fructifera in domo Dei speravi in misericordia Dei in aeternum et in saeculum saeculi

Ego autem, sicut oliva fructifera in domo Dei, speravi in misericordia Dei in aeternum: et in saeculum saeculi.

9 confitebor tibi in saeculum quia fecisti et expectabo nomen tuum quoniam bonum in conspectu sanctorum tuorum

Confitebor tibi in saeculum quia fecisti: et expectabo nomen tuum, quoniam bonum est in conspectu sanctorum tuorum.