Psalmorum 49
1 in finem filiis Core psalmus audite haec omnes gentes auribus percipite omnes qui habitatis orbem
In finem, filiis Core. Psalmus. Audite hæc, omnes gentes; auribus percipite, omnes qui habitatis orbem:
2 quique terriginae et filii hominum in unum dives et pauper
quique terrigenæ et filii hominum, simul in unum dives et pauper.
3 os meum loquetur sapientiam et meditatio cordis mei prudentiam
Os meum loquetur sapientiam, et meditatio cordis mei prudentiam.
4 inclinabo in parabolam aurem meam aperiam in psalterio propositionem meam
Inclinabo in parabolam aurem meam; aperiam in psalterio propositionem meam.
5 cur timebo in die malo iniquitas calcanei mei circumdabit me
Cur timebo in die mala? iniquitas calcanei mei circumdabit me.
6 qui confidunt in virtute sua et in multitudine divitiarum suarum gloriantur
Qui confidunt in virtute sua, et in multitudine divitiarum suarum, gloriantur.
7 frater non redimit redimet homo non dabit Deo placationem suam
Frater non redimit, redimet homo: non dabit Deo placationem suam,
8 et pretium redemptionis animae suae et laboravit in aeternum
et pretium redemptionis animæ suæ. Et laborabit in æternum;
9 et vivet adhuc; in finem
et vivet adhuc in finem.
10 non videbit interitum cum viderit sapientes morientes simul insipiens et stultus peribunt et relinquent alienis divitias suas
Non videbit interitum, cum viderit sapientes morientes: simul insipiens et stultus peribunt. Et relinquent alienis divitias suas,
11 et sepulchra eorum domus illorum in aeternum tabernacula eorum in progeniem et progeniem vocaverunt nomina sua in terris suis
et sepulchra eorum domus illorum in æternum; tabernacula eorum in progenie et progenie: vocaverunt nomina sua in terris suis.
12 et homo cum in honore esset non intellexit conparatus est iumentis insipientibus et similis factus est illis
Et homo, cum in honore esset, non intellexit. Comparatus est jumentis insipientibus, et similis factus est illis.
13 haec via illorum scandalum ipsis et postea in ore suo conplacebunt diapsalma
Hæc via illorum scandalum ipsis; et postea in ore suo complacebunt.
14 sicut oves in inferno positi sunt mors depascet eos et dominabuntur eorum iusti in matutino et auxilium eorum veterescet in inferno a gloria eorum (Sheol h7585)
Sicut oves in inferno positi sunt: mors depascet eos. Et dominabuntur eorum justi in matutino; et auxilium eorum veterascet in inferno a gloria eorum. (Sheol h7585)
Verumtamen Deus redimet animam meam de manu inferi, cum acceperit me. (Sheol h7585)
16 ne timueris cum dives factus fuerit homo et cum multiplicata fuerit gloria domus eius
Ne timueris cum dives factus fuerit homo, et cum multiplicata fuerit gloria domus ejus:
17 quoniam cum interierit non sumet omnia neque descendet cum eo pone; gloria eius
quoniam, cum interierit, non sumet omnia, neque descendet cum eo gloria ejus.
18 quia anima eius in vita ipsius benedicetur confitebitur tibi cum benefeceris ei
Quia anima ejus in vita ipsius benedicetur; confitebitur tibi cum benefeceris ei.
19 introibit usque in progenies patrum suorum usque in aeternum non videbit lumen
Introibit usque in progenies patrum suorum; et usque in æternum non videbit lumen.
20 homo in honore cum esset non intellexit conparatus est iumentis insipientibus et similis factus est illis
Homo, cum in honore esset, non intellexit. Comparatus est jumentis insipientibus, et similis factus est illis.
