Psalmorum 41

1 in finem psalmus David beatus qui intellegit super egenum et pauperem in die mala liberabit eum Dominus

For victorie, the song of Dauid. Blessid is he that vndurstondith `on a nedi man and pore; the Lord schal delyuere hym in the yuel dai.

2 Dominus conservet eum et vivificet eum et beatum faciat eum in terra et non tradat eum in animam inimicorum eius

The Lord kepe hym, and quykene hym, and make hym blesful in the lond; and bitake not hym in to the wille of his enemyes.

3 Dominus opem ferat illi super lectum doloris eius universum stratum eius versasti in infirmitate eius

The Lord bere help to hym on the bed of his sorewe; thou hast ofte turned al his bed stre in his sijknesse.

4 ego dixi Domine miserere mei sana animam meam quoniam peccavi tibi

I seide, Lord, haue thou mercy on me; heele thou my soule, for Y synnede ayens thee.

5 inimici mei dixerunt mala mihi quando morietur et peribit nomen eius

Myn enemyes seiden yuels to me; Whanne schal he die, and his name schal perische?

6 et si ingrediebatur ut videret vane loquebatur cor eius congregavit iniquitatem sibi egrediebatur foras et loquebatur

And if he entride for to se, he spak veyn thingis; his herte gaderide wickidnesse to hym silf.

7 in id ipsum adversum me susurrabant omnes inimici mei adversus me cogitabant mala mihi

He yede with out forth; and spak to the same thing. Alle myn enemyes bacbitiden pryuyli ayens me; ayens me thei thouyten yuels to me.

8 verbum iniquum constituerunt adversus me numquid qui dormit non adiciet ut resurgat

Thei ordeineden an yuel word ayens me; Whether he that slepith, schal not leie to, that he rise ayen?

9 etenim homo pacis meae in quo speravi qui edebat panes meos magnificavit super me subplantationem

For whi the man of my pees, in whom Y hopide, he that eet my looues; made greet disseit on me.

10 tu autem Domine miserere mei et resuscita me et retribuam eis

But thou, Lord, haue merci on me, and reise me ayen; and Y schal yelde to hem.

11 in hoc cognovi quoniam voluisti me quoniam non gaudebit inimicus meus super me

In this thing Y knew, that thou woldist me; for myn enemye schal not haue ioye on me.

12 me autem propter innocentiam suscepisti et confirmasti me in conspectu tuo in aeternum

Forsothe thou hast take me vp for ynnocence; and hast confermed me in thi siyt with outen ende.

13 benedictus Dominus Deus Israhel a saeculo et in saeculum fiat fiat

Blessid be the Lord God of Israel, fro the world and in to the world; be it doon, be it doon.