Psalmorum 34
1 David cum inmutavit vultum suum coram Abimelech et dimisit eum et abiit benedicam Dominum in omni tempore semper laus eius in ore meo
To Dauid, whanne he chaungide his mouth bifor Abymalech, and he `droof out Dauid, `and he yede forth. I schal blesse the Lord in al tyme; euere his heriyng is in my mouth.
2 in Domino laudabitur anima mea audiant mansueti et laetentur
Mi soule schal be preisid in the Lord; mylde men here, and be glad.
3 magnificate Dominum mecum et exaltemus nomen eius in id ipsum
Magnyfie ye the Lord with me; and enhaunse we his name into it silf.
4 exquisivi Dominum et exaudivit me et ex omnibus tribulationibus meis eripuit me
I souyte the Lord, and he herde me; and he delyueride me fro alle my tribulaciouns.
5 accedite ad eum et inluminamini et facies vestrae non confundentur
Neiye ye to him, and be ye liytned; and youre faces schulen not be schent.
6 iste pauper clamavit et Dominus exaudivit eum et de omnibus tribulationibus eius salvavit eum
This pore man criede, and the Lord herde hym; and sauyde hym fro alle hise tribulaciouns.
7 vallabit angelus Domini in circuitu timentium eum et eripiet eos
The aungel of the Lord sendith in the cumpas of men dredynge hym; and he schal delyuere hem.
8 gustate et videte quoniam suavis est Dominus beatus vir qui sperat in eo
Taaste ye, and se, for the Lord is swete; blessid is the man, that hopith in hym.
9 timete Dominum omnes sancti eius quoniam non est inopia timentibus eum
Alle ye hooli men of the Lord, drede hym; for no nedynesse is to men dredynge hym.
10 divites eguerunt et esurierunt inquirentes autem Dominum non minuentur omni bono diapsalma
Riche men weren nedi, and weren hungri; but men that seken the Lord schulen not faile of al good.
11 venite filii audite me timorem Domini docebo vos
Come, ye sones, here ye me; Y schal teche you the drede of the Lord.
12 quis est homo qui vult vitam cupit videre dies bonos
Who is a man, that wole lijf; loueth to se good daies?
13 prohibe linguam tuam a malo et labia tua ne loquantur dolum
Forbede thi tunge fro yuel; and thi lippis speke not gile.
14 deverte a malo et fac bonum inquire pacem et persequere eam
Turne thou awei fro yuel, and do good; seke thou pees, and perfitli sue thou it.
15 oculi Domini super iustos et aures eius in precem eorum
The iyen of the Lord ben on iust men; and hise eeren ben to her preiers.
16 facies Domini super facientes mala ut perdat de terra memoriam eorum
But the cheer of the Lord is on men doynge yuels; that he leese the mynde of hem fro erthe.
17 clamaverunt iusti et Dominus exaudivit et ex omnibus tribulationibus eorum liberavit eos
Just men cryeden, and the Lord herde hem; and delyueride hem fro alle her tribulaciouns.
18 iuxta est Dominus his qui tribulato sunt corde et humiles spiritu salvabit
The Lord is nyy hem that ben of troblid herte; and he schal saue meke men in spirit.
19 multae tribulationes iustorum et de omnibus his liberavit eos
Many tribulaciouns ben of iust men; and the Lord schal delyuere hem fro alle these.
20 Dominus custodit omnia ossa eorum unum ex his non conteretur
The Lord kepith alle the boonys of hem; oon of tho schal not be brokun.
21 mors peccatorum pessima et qui oderunt iustum delinquent
The deth of synneris is werst; and thei that haten a iust man schulen trespasse.
22 redimet Dominus animas servorum suorum et non delinquent omnes qui sperant in eum
The Lord schal ayenbie the soulis of hise seruauntis; and alle, that hopen in him, schulen not trespasse.
